.:(حصرى)-(عدل عربيتك بنفسك) (حلقة 5):.تركيب زينون لإمبريزا 2008 فى نصف ساعة#(بالصور)-

[ahmad7610]

---------------------حصرى----------------------
.:: تركيب زينون لكشافات إمبريزا 2008-2009 سيدان وهاتشباك فى 30 دقيقة بنفسك ::.
-----------
عملية سهلة ان شاء الله .... وممكن فعلا بشويه قلب جامد تعملها بنفسك
-
الأدوات ::::::::::::
1- زينون ( المستخدم هنا HID 6000k 35w )

وهى تأتى بكل الوصلات اللازمة
2- مفك صواميل 8مم وأخر 10 مم
3- مفك صليبة وأخر عادى
4-أى حاجة تكشف بيها سلوك الكهرباء زى بنسة أو قصافة
5- لزق كهرباء ( شيكرتون )
6- وصواميل للتثبيت لو مش جايه مع الزينون
-
ده منظر عام للكابوت ... قبل ما نبدأ

-------------------------------------
1-
علشان نعرف نركب الزينون ونوصل للكشافات من وراء بسهولة لازم نشيل البطارية وقربة المياه اللى جنب البطاية . ده بالنسبة للناحية اليمين ...
أما الناحية الشمال حنشيل القطعة البلاستيك اللى بدخل هواء فوق الكشاف الشمال وصندوق تنقية الهواء اللى وراها
-
أولا :::
حنفك البطارية بالكابلات و نشيل البطارية من مكانها


-

-
شيل قربة المياه البيضاء كمان ...( ممكن تسيبها لو حابب )
فكها سهل لفها و شيل

-
كده الناحية اليمين جاهزة ... نروح على الناحية الشمال ..

-
شيل مجرى الهواء البلاستيك .. وده ماسك بكليبسين وراء الشبكة وصامولة 8 مم >>
باقى صامولتين 10 مم مكانهم رخم ماسكين القطعة دى من تحت .. لازم تمد إيدك وتستخدم مفك صواميل طويل مع إضاءة جيدة ... بعد كده فك الخرطوم اللى داخل فى الصندوق من الجنب ..
وده المنظر اللى عايزين نوصله ::

-

[ahmad7610]

وده اللى شيلناه من العربية ...

-
2-فك غطاء الكشافات من وراء
-


-

-
وشيل لمبة النور الواطى

-
وجاهزين للتركيب إن شاء الله ::::::::::

-
3- عايزين نخرم الغطاء من وراء علشان نعدى السلوك منه زى كده::::

=

[ahmad7610]

-
دلوقتى حتقابلك مشكلة .. أنك لازم تقطع السلوك اللى جايه مع الزينون علشان تعديها من الغطاء البلاستيك ... إقطعهم ووصلهم تانى بعد ما تعدى السلك ..
-

-
والحديدة اللى فى الصورة دى ممكن تجيبها من أى محل علشان تعلق فيها علبة الكهرباء (المحول ) كويس فى العربية
-

-

-
أخيرا كمل توصيل الوصلات ب المحول ( العلبة الفضى ) و كل وصلة حتلاقى مكانها على قدها ...ووصلة العربية حتلاقى عليها ال + و - .. وصل + مع + و - مع -
-

-

-
( السلك الأسود هو - ) و (السلك الأحمر هو + )
-
وعلى الناحية اليمين ( ناحية السواق ) كرر العملية

-
لاحظ مكان تثبيت المحول ... لأن ده برضه مكان العلبة السوداء اللى شيلناها ..

-

-
وصل البطارية ورجع كل حاجة مكانها ... وممكن تتأكد إن الكهرباء وصلت بتجربة الأنوار ( والعربية مطفية )

--------------------
النتيجة ::::::::::::::::
--------------------
-

-
تم بحمد الله
-

[tarekkasaby]

جميل برافو عليك والله
بس كنت تكتب اسمك واسم المنتدى على الصور

[PoweRPassioN]

ربنا يكرمك
ايه الجمال دا كله
متعه تانيه الفك و التركيب والله

[ahmad7610]

جميل برافو عليك والله
بس كنت تكتب اسمك واسم المنتدى على الصور

-
الصور منقولة من منتدى أجنبى .. و اللى عملته هو نقل الصور مع ترجمة الشرح بدقة من إنجليزى لعربى مع بعض الإضافات .. وأحيانا بأضيف صور من مواضيع تانية أو من google لتسهيل الشرح .. وطبعا الموضوع مش منشور إلا فى نايل موتورز ...

[ahmad7610]

ربنا يكرمك
ايه الجمال دا كله
متعه تانيه الفك و التركيب والله

-
أجمد حاجة إنك تعدل عربيتك بنفسك .. خاصة لما يكون عندك أيام فاضية زى الجمعة أو أى يوم تانى .. وبجد هى مش محتاجة غير شويه قلب جامد وخبرة بسيطة فى كهرباء العربية ... وإن شاء الله حبدأ فى تجربة الخطوات الأول على كشاف 128 أو 504 :k45: وبعد كام شهر كده ممكن أجمد قلبى وأعملها .. ربنا يستر

[M.Mokhtar]

مواضيعك جامده يا أحمد
الف شكر يا كبيييير

[khalid_adel]

تسلم يا ابو حميد كالعاده وعدت ووفيت وشغل حلو ما شاء الله عليك
بس في حاجه انا لاحظتها في الصور !!! هي البطاريه اللي راكبه دي بطاريه سايله مش جافه ؟؟؟؟

تسلم يا ابو حميد كالعاده وعدت ووفيت وشغل حلو ما شاء الله عليك
بس في حاجه انا لاحظتها في الصور !!! هي البطاريه اللي راكبه دي بطاريه سايله مش جافه ؟؟؟؟

-لا شكر على واجب يا خالد ...
أنا كنت فاكر عندنا فى مصر التوكيل بيشيل البطاريات الجافة ويحط السايلة .. لكن لما شفت فى كذه موضوع أجنبى إن البطاريات عندهم سايلة فى كل الموديلات تقريبا من 2005 الى 2009 ... استغربت ...
-
و2005 فى مصر و 2009 بطاريات سايلة .. وأعتقد 2007 كده برضه