بروتون واجا 2006 أتوماتيك Base Line

[abo3bdolrahman]

السيارة ذات مواصفات قياسية عالية جدا فهى مطابقة للمواصفات الأوربية و من حيث التجهيزات فهى تخضع لمواصفات دول التعاون الخليجى.
السيارة من تصميم و تصنيع بروتون بالكامل و تحت إشراف شركة لوتس الإنجليزية.
تعد السيارة الأقوى فى فئتها فى الشاسيه و العفشة.
السيارة الموجودة بمصر حاليا هى المزودة بمحرك G18 S4 SOHC 103 HP و هو متسوبيشى و لكن يصنع بماليزيا أيضا و إن كانت السبارات المطروحة حاليا فى ماليزيا مزودة بالمحرك الكام برو او هو نفس محرك الجين 2 تصميم لوتس و تصنيع بروتون.
و السيارة تشبه فى أدائها بشكل عام نفس أداء التويوتا الكورلا و نفس الحجم و الأبعاد تقريبا.
و مستوى التقفيل و الفخامة أفضل بكثير من السيارات الكورى.
و المحرك هو نفس المحرك المستخدم فى اللانسر 1600 و هذا المحرك يمكن تركيب تيربو عليه لزيادة القدرة إلى 160 حصان و لكن ذلك غير متوافر بمصر.
السارة هى نفس السيارة التى تطرح فى إنجلترا باسم أمبيان.
تجهيزات السيارة لا تختلف من بلد لأخرى فهى جميعها تحتوى على :
تكييف ( ممتاز )
باور - سنتر - زجاج كهرباء أمامى و خلفى - مرايات كهرباء - إيموبليزر - جنوط اسبور 16 بوصة - تابلوه جلد محلى بالأبانوس و كذلك عصا الفتيس - كاسيت سى دى + راديو - كشافات شبورة - أستوب خلفى فى الشنطة.
و السيارة واسعة جدا من الداخل.
و هى تطرح إما بفتيس 5 سرعات مانيوال كاملة ب 84500
أو أتوماتيك كاملة بدون ABS , Air bag و فرش جلد ب 91000
أو أتوماتيك كاملة ب 103 الف
أرجو أن لا أكون قد أطلت عليكم و أرجو أن تكون تلك المعلومات مفيدة
م / أبوعبدالرحمن خطاب 8) :lol: 8)

[memo_hefnawy]

بالعــــــكس إنت مطولتــــش خالـــص :)

ده إنت منور و الله يا باشمهندس تسلم إيدك

و أحب أعقب تعقيب بسيط : التوكيل قريب أوى هايفتتح مركز صيانة ضخم فى أبو رواش بعد البوابات لبروتون و بس و هايكون ضخم فعلا و مجهز تجهيزات كثيره إن شاء الله مما يزيد من تميز بروتون فى مصر قريبا بإذن الله

و الواجا مش عايزه كلام :) 8)

[mido777]

تحليل اكثر من رائع .... ياريت لو نفس التحليل gen 2

[saied]

تحليل اكثر من ممتاز
تسلم يدك اخى ابوعبدالحمن

وتقبل شكرى وتحياتى

[Mohsens]

I would like to add that the only difference in 2007 Waja is that the cassette supports MP3 and bluetooth and it's the same cassette avaliable on the New Waja with Campro avaliable in Malaysia.


Thank you all for your efforts.

[Mohsens]

Waja's Engine

It's a Mitsubishi Lancer/Colt Engine, It belongs to the Mitsubishi Orion Engines Family with a single overhead camshaft (SOHC) codenamed "4G18".

Anyways proton have made serveral modifications to this Engine to make it powerful yet suitable for city driving, unlike the CamPro engine in new Wajas, the Mitsu engine delivers it maximum performance @2750 RPM but loses acceleration in high speeds, which I find to be an advantage in a crowded city like cairo as most of our everyday driving is in the rpm range of 2000-3000 rpm.

Please refer to this site for a comparison between the Mitsu engine and the new CamPro Engine and judge yourself.

http://paultan.org/archives/2006/01/13/waja-campro-vs-waja-4g18

[abo3bdolrahman]

نرجع للواجا :
يفضل إنك تغير المساعدين الخلفية فى أقرب فرصة و دى بتتغير فى التوكيل و مجانا.
و يرجع ذلك إلى أن السيارة تأتى بمساعدين استاندرد ببمواصفات خليجى
يعنى طرق مسفلتة و بدون مقبات أو مطبات أو حفر و دى لا تصمد فى شوارعنا.
علشان كده بيغيروهالك بمساعدين الخدمة الشاقة و هى يابانى برده مثل المساعدين الأصلية.
و فى موديل 2007 تم تزويد السيارة بكاسيت CD MP3 بس لم أراها عند الوكيل و لكن بعض التجار بيستوردها كده.
العربية عاملة معايا دلوقتى 10 آلاف كم و العربية أكثر من ممتازة و سبعاوى كان جربها فى العبور فى آخرمقابلة.
عيوبها من وجهة نظرى:
الفرش يأتى باللون السمنى و ده بيتوسخ بسرعة جدا
المحرك المتسوبيشى ال103 حصان أقل منها و أعتقد أنها أفضل مع المحرك الكامبرو
الوكيل بيجبها بكماليات أقل فهى بره بكاسيت CD MP3 + Blue Tooth و كشافات زينون و إشارات خلفية ليدات.
شكل السيارة لم يتغير من 2001 حتى 2006 أما فى 2007 تم طرح واجا نيو.
عذرا للإطالة بس أنا بحب العربية دى و يارب المعلومات دى تفيدكم
أبو بودى

[Mohsens]

Dear abo3bdolrahman

I got my 2007 from Ezz el Arab with the new cassette (MP3 and bluetooth).

As for the Engine I do believe that our Engine is better than the CamPro in a crowded city like Cairo....Please check the comparison link in my last message and
أحكم بنفسك.

أراك دائماً علي خير :)

علي فكرة....أنا أبو عبد الرحمن برضه :D :D

[TAG_Turbo0]

مبروك أول مشاركه فى المنتدى الجديد بعد التعديل
وعلى بركة الله

والموضوع أكثر من رائع

[Karim_Monir]

والله موضوعك رائع والعربية اروع
افتكر لو نزلت بموتور الجين 2 افكر فيها لاني بفكر كمان في كيا سييد الجديدة مع ان عربيتي ما كملتش سنة
بس هو حب التغيير
ربنا يباركلك فيها :lol:

أبا عبد الرحمن
ولا اقولك ابو بيدو عشان ماتزعلش

[Mohsens]

عزيزي كريم

في رأيي الموتور الميتسوبيشي أحسن.....بص علي اللينك ده و قولي رأيك.

http://paultan.org/archives/2006/01/13/waja-campro-vs-waja-4g18

[aboaya]

تحليل اكثر من رائع

[Karim_Monir]

ماشي بس انا كنت بفكر علي اساس انه موتور جامد بس مش عارف اداءة هايبقي شكلة ايه مع وزن العربية

[mohamed el hussien]

يا جماعة مع احترامي
مينفعش تقارن موتور الواجا اللي هو اساسا بيقولوا انة موتور جالنت
بالكامبرو
انا معايا جين2 و2 صحابي معاهم واجا
في فرق مش طبيعي بين الاتنين في السرعة والتجميع
الكامبرو التجميع بتاعة اكتر بكتير جدا
ودة بيدي 110 hp
والواجا 101

هناك فرق بردة مع احترامي للواجا
بس لو مواتير بيقي الجين تكسب او الكامبرو يكسب وحط في اعتبارك

وكمان الواجا تقيلة اوووي علي الموتور بتاعها عاملة زي الاوكتافيا كدة يعني السحب بطيء
وكلامي عن تجربة مش كلام وبس

والكامبرو بيجمع 100 في 10.5 ثانية
و110 hp
و148 torque

يعني يفوق موتور الواجا
بس طبعا حتقولي ان موتور الواجا بيدي max.torque 2750
ودي نقطة تتحسبلها

وانا واللة مش بدافع عن الجين ولا بقلل من الواجا

يعني لو نقارن

مواتير يبقي الجين تكسب بكتير مع الاعتبار في فرق الوزن
صاج الواجا تكسب
نبات الاتنين بس بردة الواجا تتفوق عشان الوزن وقاعدة العجلات الاكبر
تقفيل الواجا احسن بردة
شكل وكماليات وقاعدة من جوة وتابلوة الجين تكسب
مع ان الواجا جميلة بردة من جوة

يعني من الاخر الواجا دي مش عربية جري او بالاخص مش عربية شاب
عربية كلاسيك بتاعة راجل كبير او اسرة
علي عكس الجين 2 شكل صارخ اوبسن كتير كراسي تشية عربيات السباق
موتور حامي اووي
يعني بتاعة شاب

وعلي فكرة انا بحب الواجا جداا

[Mohsens]

مش حنختلف يا باشا و انت عندك حق الCamPro كمحرك أقوي من الMitsu ..لكن يبقي الفيصل للظروف اللي انت مستخدمه فيها.. بلدنا معظم السواقة فيها علي RPM واطى و أنا في مشاوير الشغل العادية ممكن اعد الأسبوع كله ماعرفش أجيب 4 عال RPM و هنا يتفوق المحرك الميتسوبيشى لأنك بأقل لمسة بنزين بتوصل لأقصى عزم ليه علي عكس الCamPro اللي لازم تRev الموتور شوية عشان يقول معاك.

علي أي حال كلامي و كلامك نظري و لازم نستني لنا نشوف الCamPro حيتصرف ازاي مع Body الواجا.