مشاكل الدايو عموما

[limo]

ايه رايكم يا جماعه كل واحد يكتب المشاكل الى واجته فى عربيه الدايو علشان نتجنب الاتى:-
1- اذا لقدر الله حصل مشكله مفاجأه فى العربيه اثاء القياده نعرف نتصرف ازاى سواء عملناها بنفسها او اذا استنجدنا بفنى امكنياته ومعلوماته ضعيفه .
2-اذا روحنا الى فنى وحب يعمل علينا شغل فبتالى لما يبقى عندنا الخلفيه بالمشاكل فالموضوع هيبقى صعب على الفنى انه يخدعنا .
فياريت اى حد معاه دايو سواء كانت لانوس او جوليت او نوبيرا او ليجانزا او كانت معاه وباعها ,يكتب لنا المشاكل الى واجهته اثناء استخدامه للعربيه من تاريخ الشراء الى الان .
وانا هبتدى بنفسى
انا معايا لانوس 99 فول اوبشن اوتوماتيك اشترتها مستعمله فى 10/2005 ومعايا لحد دلوقتى والمشاكل الى واجتنى هى
1-اول لما جبت العربيه لاحظت ان استهلاك النزين عالى كانت بتعمل 80كم فى الصفيحه روحت التوكيل غيرو حساس الاوكسجين والعربيه رجع المعدل بتعها الى 150 فى الصفيحه
2-العربيه كانت بتأخر فى الدواره جامد والعيب طلع من الرشاشات وغيرتهم.
3-الكوبلن الشمال كان بيطقق فى الدوران غيرت الكوبلن بالكامل.
4-العربيه كانت بتقطع فى السلانسيه وفى اثناء المشى البوجيهات كانت بايظه وغيرتهم .
5-العربيه كانت بتبطل لما ادوس فرامل او اهدى طلع منظم egr وهوه واحد شكل استوانى مثبت فوق الرشاشات بايظ طبعا علشان مفيش منه جديد الفنى لغاه (بصراحه طلع عينى لحد ما الميكانيكى عرف ان العيب منه )وغيرت حاجات كتير قبله ملهاش لازمه انها تتغير.
6-النور عندى كان ضعيف زودت كتاوت نور.
7-رمان بلى الدكسيون فرط طبعا الدكسيون بقى ملخلخ كان ممكن وانا ماشى لاقى الدكسيون طالع فى ايدى روحت جبت من الحرفين عامود الدكسيون كامل شامل البلى.
8-رمان بلى العجل كان خشن كان بيعمل ونه مع المشى وغيرته هوه وبيض جلب المقصات وبارات علبه الدكسيون
9-الدنيمو سعات بيشخن وسعات لا روحت جبت دينمو استيراد من عزبه شلبى وريحت دماغى
10-الفتيس كان بيرزع فى النقل جامد وسعات مبينقلش روحت التوكيل وغيرت حساس الفتيس
11-مره مختش بالى من مطب جامد وخذته جامد بعد شويه لقيت بركه زيت تحت العربيه اتارى المطب تنى كارتيره الفتيس وغيرتها هيه والجيوان .
12-التكيف كان ضعيف جدا روحت لفنى تكيف طلع ان فلتر التكيف باظ (حاجه كده شبه الكانز بس طويله شويه موجوده امام السربنتينه ) الفلتر لما بيبوظ بيطلع بالبى الى جواه فبتالى البلى بيدخل جوه مواسير التكيف ويخنق الكباس ويبوز معاه الاكسبنشن والاخير ده موجود خلف الدرج الى فى التبلوه
limo

[mina_ramsis]

كل ده بيتهيألى انت كنت شارى فيات 128 مش لانوس مع احترامى الكامل لل128 لا انا كل اللى كنت بعانى منه الصاج خفيف شويه البوبينه باظت بس الصراحة انا اللى بوضتها علشان وديتها لميكانيكى اى كلام قطعلى سلك البوجيهات و انا مأخدتش بالى فالبوبينة باظت و عزل الكبينة الداخليه ما كنش كويس اه صحيح كان فى مشكله فى المرشادير سعات يعلق و سعات يشتغل كويس على فكرة انا عربيتى كانت لانوس مانيوال اشترتها جديده 6 /2000 و بعتها من حوالى اسبوعين غير المشاكل اللى انا قولتها مفيش حاجة تانية قبلتنى

[شريف]

الى الاخ ليمو
مجهود رائع منك و ده ينفع دليل لاى حد يجد عيب من دول فى عربيته

[sokasoon]

Re: مشاكل الدايو عموما

ايه رايكم يا جماعه كل واحد يكتب المشاكل الى واجته فى عربيه الدايو علشان نتجنب الاتى:-
1- اذا لقدر الله حصل مشكله مفاجأه فى العربيه اثاء القياده نعرف نتصرف ازاى سواء عملناها بنفسها او اذا استنجدنا بفنى امكنياته ومعلوماته ضعيفه .
2-اذا روحنا الى فنى وحب يعمل علينا شغل فبتالى لما يبقى عندنا الخلفيه بالمشاكل فالموضوع هيبقى صعب على الفنى انه يخدعنا .
فياريت اى حد معاه دايو سواء كانت لانوس او جوليت او نوبيرا او ليجانزا او كانت معاه وباعها ,يكتب لنا المشاكل الى واجهته اثناء استخدامه للعربيه من تاريخ الشراء الى الان .
وانا هبتدى بنفسى
انا معايا لانوس 99 فول اوبشن اوتوماتيك اشترتها مستعمله فى 10/2005 ومعايا لحد دلوقتى والمشاكل الى واجتنى هى
1-اول لما جبت العربيه لاحظت ان استهلاك النزين عالى كانت بتعمل 80كم فى الصفيحه روحت التوكيل غيرو حساس الاوكسجين والعربيه رجع المعدل بتعها الى 150 فى الصفيحه
2-العربيه كانت بتأخر فى الدواره جامد والعيب طلع من الرشاشات وغيرتهم.
3-الكوبلن الشمال كان بيطقق فى الدوران غيرت الكوبلن بالكامل.
4-العربيه كانت بتقطع فى السلانسيه وفى اثناء المشى البوجيهات كانت بايظه وغيرتهم .
5-العربيه كانت بتبطل لما ادوس فرامل او اهدى طلع منظم egr وهوه واحد شكل استوانى مثبت فوق الرشاشات بايظ طبعا علشان مفيش منه جديد الفنى لغاه (بصراحه طلع عينى لحد ما الميكانيكى عرف ان العيب منه )وغيرت حاجات كتير قبله ملهاش لازمه انها تتغير.
6-النور عندى كان ضعيف زودت كتاوت نور.
7-رمان بلى الدكسيون فرط طبعا الدكسيون بقى ملخلخ كان ممكن وانا ماشى لاقى الدكسيون طالع فى ايدى روحت جبت من الحرفين عامود الدكسيون كامل شامل البلى.
8-رمان بلى العجل كان خشن كان بيعمل ونه مع المشى وغيرته هوه وبيض جلب المقصات وبارات علبه الدكسيون
9-الدنيمو سعات بيشخن وسعات لا روحت جبت دينمو استيراد من عزبه شلبى وريحت دماغى
10-الفتيس كان بيرزع فى النقل جامد وسعات مبينقلش روحت التوكيل وغيرت حساس الفتيس
11-مره مختش بالى من مطب جامد وخذته جامد بعد شويه لقيت بركه زيت تحت العربيه اتارى المطب تنى كارتيره الفتيس وغيرتها هيه والجيوان .
12-التكيف كان ضعيف جدا روحت لفنى تكيف طلع ان فلتر التكيف باظ (حاجه كده شبه الكانز بس طويله شويه موجوده امام السربنتينه ) الفلتر لما بيبوظ بيطلع بالبى الى جواه فبتالى البلى بيدخل جوه مواسير التكيف ويخنق الكباس ويبوز معاه الاكسبنشن والاخير ده موجود خلف الدرج الى فى التبلوه
limo

يااااا لهوووووووووووووووووى كل ده

ربنا يستر

على عربيتنا

[Abdallah]

كان فى مشكله فى المرشادير سعات يعلق و سعات يشتغل كويس على فكرة انا عربيتى كانت لانوس مانيوال اشترتها جديده 6 /2000

يا ترى حضرتك حليت موضوع المارشدير دة اذاى لانى بعانى منه برضة ساعات يشتغل كويس وساعات لاء وطبعا اكيد العربية كانت لانوس 1 مش كدة ؟

[limo]

كل ده بيتهيألى انت كنت شارى فيات 128 مش لانوس

كتب سوكاسون
يااااا لهوووووووووووووووووى كل ده

ربنا يستر

على عربيتنا

المشكله انى كنت شارى العربيه مستعمله يظهر ان الاخ الى كان معاه العربيه قبلى كان مهتم بالعربيه جدا لدرجه انى مش محتاج اعمل فيها حاجه :D بس الحمد انا فضلت وراء العربيه لحد ما اصبحت كويسه .
طبعا المشاكل ده كلها ماكنتش اول ما جبت العربيه لا دى جت واحده تلو كنت كل ماخلص من حاجه حاجه تانيه تحصل
على فكره انا نسيت حاجات من ضمن المشاكل الى واجهتنى وهى :-
1-الفرامل كانت سعات بتفرمل وسعات بتبقى ضعيفه وكان فيه زيت بينزل تحت دواسه الفرامل طلع العيب فى الماستر العمومى وغيرته
2-لما كنت بمشى على سرعه 110 العربيه كانت بترج جامد طلع ان العربيه عايزه ترصيص وعملته عن بتاع الزوايا.
3-اخر مواجهنى الان بس لسه معملتهاش هوه انى بحس ان الفرامل فيها على واطى وعالى وكمان على السرعات العاليه لما ادوس فرامل بحس ان الدكسيون بيترج فى ايدى الموضوع طلع طنابير بس انشاء الله هروح اغيرهم لانى عملتهم عند الخراط قبل كده والواطى والعالى فى الطنبوره زاد بعدها الحمد الله.

[limo]

الاخ الفاضل شريف

الى الاخ ليمو
مجهود رائع منك و ده ينفع دليل لاى حد يجد عيب من دول فى عربيته

الف شكر على مداخلتك الى باين فيها اخلاقك وربنا ركفينا جميعا الاعطال والحوادث الغير متوقعه .
limo

[mina_ramsis]

انا ملقيتش حل للمشكله ديه كل ما روح للتوكيل يقولى مفهاش حاجة انت اللى مابدوس على الدبرياش للاخر و للاسف مرة تظهر و عشرة لأ فمعرفتش اوريهالهم

[amrrashed]

حسبى الله...

حسبى الله ونعم الوكيل فالشخص اللى باعلك العربية ولم يخبرك بكل العيوب ديه

[mohamed yousry]

شكرا يا ا.ليمو على المعلومات القيمة لكن واضح ان العربية كانت حالتها وحشة شوية....انا بحترم اى شخص يقول على العيوب اللى فى عربيتة بلا كسوف........بالمناسبة هو حضرتك جبتها بكام؟

[limo]

الف اشكر

شكرا يا ا.ليمو على المعلومات القيمة لكن واضح ان العربية كانت حالتها وحشة شوية....انا بحترم اى شخص يقول على العيوب اللى فى عربيتة بلا كسوف........بالمناسبة هو حضرتك جبتها بكام؟

متشكر اوى يا امحمد على على كلامك الجميل
انا كنت شارى العربيه فى شهر 10/2005 وكانت ب46 الف جنيه والسوق وقتها كان شادد حيله اوى, يعنى هيه بالنسبه للفتره ده كان سعرها حلو بس يظهر انى مليش نصيب ان العربيه تطلع كويسه .
بس بينى وبينك انا بحب العربيه ده جدا برغم المشاكل الى عملتها لانها شاركتنى لحظات من اجمل لحظات حياتى وكمان من مشاكلها عرفت معلومات مكنتش هعرفها لو كنت اشتريت زيرو .
limo

[M_ElSabaa]

شكرا يا ا.ليمو على المعلومات القيمة وانا جربت الجوليت و الانوس وبصراحة الاتنين كانوا ممتازيين وطبعا حصل شوية مشاكل كده منها :
1- مرة واحدة دواسة الدبرياش سقطت فى الارض ومش راضية تطلع خالص وطبعا الفتيس مش راضى ينقل والعربية دى مش موجود فيها سلك دبرياش لارم تطفى العربية وتنقل على التانى وتدور طبعا هتعد تنط منك وكده بس حاول معاها لغايت لما تمشى فى حاجة اسمها طقم اصلاح دبرياش وده مش غالى وممكن تركبلها بتاع هيونداى كمان وبتتعمل فى 15 دقيقة عند ميكانيكى
2- خرطوم الزيت الى داخل على الموتور معظم الاحيان كان بيجييب زيت وده عشان الافيز بتاعه مكانش كويس
3- سلك التحويل من التبريد لدورة التكييف الداخلية او الخارجية بيبوظ بسرعة جدا وتمنه من 3 سنة كان 80 جنيه فتحت درج التابلوه وشلته و خليت الدورة داخلية بس و هو ده حسن حاجة فى مصر عشان الجو كله تراب وبيسد فتحات التهوية ويقلل الكفاءة (احسن حاجة تخلى الدورة داخلية فى كل الاحوال يبقى عند كفاءة احسن و حفاظ على دورة التكييف من الانسداد)
4- انور الضباب كانت كل شوية واحدة تتحرق من غير اى سبب طلع ان الكشاف مكنش متسبت كويس ومع الاهتزاز اللمبة بتتحرق

[Abdallah]

3- سلك التحويل من التبريد لدورة التكييف الداخلية او الخارجية بيبوظ بسرعة جدا وتمنه من 3 سنة كان 80 جنيه فتحت درج التابلوه وشلته و خليت الدورة داخلية بس و هو ده حسن حاجة فى مصر عشان الجو كله تراب وبيسد فتحات التهوية ويقلل الكفاءة (احسن حاجة تخلى الدورة داخلية فى كل الاحوال يبقى عند كفاءة احسن و حفاظ على دورة التكييف من الانسداد)

ممكن تقولى ازاى اخلى الدورة داخلية وايه الفرق بين الاثنين لانى لسة شارى العربية ومش عارف الموضوع دة.

[mina_ramsis]

فى مجرى كده فى التابلوه تحت زراير التكيف بتحول بين الدورة الداخلية و الخارجية

[maged]

لانوس 2 موديل 2000 لاحظت ان مياة التبريد بتنقص كل 4-5 ايام و مع عدم وجود لاى اثر مياة اسفل السيارة وعرفت من واحد زميلى معاة لانوس زيرو ان مياة لا تنقص ابدا عنده فذهبت الى التوكيل قالولى بع بيات السيارة عندهم ان الردياتير مخروم خرم رفيع جدا وقاموا بتغيير الردياتير بواحد جديد انتهت المشكله تماما