سؤال بالنسبه لتنظيف فرش السياره؟؟؟؟

[memoo_1st]

انا معايا لانسر 2004
و انا مركب فرش جلد بس هوا اتوسخ فكنت عاوز اسأل ممكن اغسله بميه و صابون غادي ولا كدا الفرش يبوظ

2-الباب عندي من جوه فيه حتت قماش كدا الاماكن دي عاوز أغسلها هل ممكن اغسلها عادي ولا ممكن القماش يبقى شكلوا مش حلو

وشكرأ

mr.memo

[M_ElSabaa]

بالنسبة للفرش الجلد انا كان عندى فرش جلد وكنت بعمله بمية وصابون وبعد كده استخدمت منظف مخصوص بيتباع فى محطات البنزين بس ده لو الجلد طبيعى مش عارف لو مش طبيعى ممكن يكون الوضع بتاعه ايه
الابواب فى برضه سبراى فى المحطة عشان الفابريكس كويس جدا
وممكن تريح نفسك وتروح محطة موبيل الى فى الدائرى بين شيراتون ومدينة نصر وعندهم غسيل كيميائى بيعملوا كل الحاجات دى ويخلوا العربية اكنها زيرو بس هو فى حدود 120 جنيه

[memoo_1st]

متشكر حدا لرد حضرتك
بس هوا حضرتك تقصد بنزينه موبيل الي قبل نزلة طريق السويس صح

[M_ElSabaa]

ايوة هى دى الى عندها سيرفيس للميتسوبيشى وبتوع العصير

[Nader]

في فشيل غسيل شامل للعربية للداخل فرش و ابواب وشنطة والخارج بـ40 جنية

[شريف]

في فشيل غسيل شامل للعربية للداخل فرش و ابواب وشنطة والخارج بـ40 جنية

ودى اى شيل ولا ايه

[Nader]

انا جربت شيل الفي علي امين وانت خارج من عباس العقاد، بس اعتقد ان اي محطة شيل هتبقى نفس السعر

[kh_talaat]

على فكرة في صابون سائل إسمة فاست Fast ودة مخصوص لغسيل السجاد والقماش وهو عبارة مادة زي الصابون بس زي السبرتو يعني بعد ما يتغسل بيها القماش الصابون يطير من القماش زي السبرتو ودي ينفع لغسيل الفرش القماش للسيارة ودي متوفرة في أي سوبر ماركت و بتنشف في وقت قليل جدا

[Sherif Khalifa]

هات صابون سائل بتاع غسيل الاطباق و اعمل منة رغوة كتير
و بسفنجة شيل بيها الرغوة دى و ادعك بيها قماش الباب