كلمة ونص-2-4-2008

[sab3aawy]

تضطرنى ظروف عملى حاليا للسفر بشكل متكرر الى الإسكندرية ، ونظرا لأننى لابد من ان استخدم الطريق الزراعى لبعد الصحراوى عن كل من بيتى بالقاهرة وموقع العمل بجنوب شرق الإسكندرية،ولحالة الإنسداد المعوى التى يعانى منها المحور والصحراوى ، فاننى لاحظت ان الطريق الزراعى له خاصية منفردة جدا، وهى انه لو اردت ان تصل من القاهرة الى الإسكندرية فى نفس يوم السفر مع حالة تريلات يسار الطريق وجرارات الوسط والسائرون عكس الإتجاه فى اليمين فلا مجال للقيادة بدون غوراز، وبحسبة بسيطة فإننى فى الكيلومتر الواحد لا مفر امامى من اضرب 3 الى 4 غوراز وذلك لكى استطيع القيادة بأية سرعة تزيد عن 40 كيلومتر فى الساعة التى تمثل سرعة الجرارات والتريللات المحملة
وهكذا وبحسبة بسيطة وجدت اننى بالأمس خلال قيادتى لسيارتى (ريجاتا 85 ونبيتى كمان-فى الحقيقة هى سيارة زوجتى بس انا بضرب عليها فى مشاوير الشغل)من القاهرة الى الأسكندرية وبالعكس، ضربت 1750 غرزة تقريبا، او ما يمكن ترجمته بأن المسافة من القاهرة الى الإسكندرية 220 كيلومتر من الطريق الصحراوى او 875 غرزة من الطريق الزراعى

[aif]

والله يا باشمهندس كلامك مظبوط
انا ساعات باسافر المحلة الكبري وكفر الزيات ومافيش طريق لهم غير الزراعي وللأسف اصبح طريق اقل ما يقال عنه انه سيئ جدا
انا لو مكانك اسافر من الصحراوي برغم من المحور والدائري وزحمتهم بس بمجرد انك تطلع علي الصحراوي تبقي عملت نقلة نوعية كبيرة جدا

خارج الموضوع : فين يا باشمهندس باقي نمازج السائقين .. انت قولت نوعين وبطلت ... ايه ده نوع من انواع التشويق ؟؟

خارج الموضوع : فين يا باشمهندس باقي نمازج السائقين .. انت قولت نوعين وبطلت ... ايه ده نوع من انواع التشويق ؟؟

تصدق، انت رديت عليها وانا بكتب عن الموديل التالت "عم نج...." وللا بلاش خليها مفاجأة

[aif]

تصدق، انت رديت عليها وانا بكتب عن الموديل التالت "عم نج...." وللا بلاش خليها مفاجأة

منتظرين علي أحر من الجمر :)

تصدق، انت رديت عليها وانا بكتب عن الموديل التالت "عم نج...." وللا بلاش خليها مفاجأة

أديني قاعدلك يا سبعاوي ومش ماشي من المكتب لحد ما أقرأ النوع التالت..

ويكون في علمك بقي.. أنا لو أكلت في المكتب بسببك النهاردة.. الحساب هايكون عليك في أول زيارة ليك للصحراوي (أنا شغلي قبل البوابات في القاهرة)

ربنا يصلح حالي وحالك.. قول آمين :)

[Ghamrawy]

ان شاء الله توصل اسكندرية بالسلامة و تمشى على الكورنيش و تعمل كل 10 متر غرزة علشان تعرف تمشى

[Abo_Lina]

فعلا الطريق ده لما بيبقى زحمة بيبقى محتاج مجهود عصبي..و بعد ماتوصل و تهدى تحس ان كان عندك لوسة عقلية مؤقته

[goodwave]

طيب يا إستاذ سبعاوي ........ عيييييييب ..... عيييييب ..... عيييييب..... تكون في الإسكندرية وما تخليش حبايبك الإسكندرانية يشوفوك ويعملوا معاك الواجب :( دة إنت كلك واجب ولا نسيت الواجب بتاع مجموعة الإسكندرية يوم الفطار الجماعي ؟؟؟

ياريت (لو ظروفك تسمح) تقول بتكون متواجد فين وإمتة وننسق معاك مقابلة تخاطيف ونعمل معاك واجب على ما قسم:)

أنا بتكلم عن نفسي.

[sab3aawy]

طيب يا إستاذ سبعاوي ........ عيييييييب ..... عيييييب ..... عيييييب..... تكون في الإسكندرية وما تخليش حبايبك الإسكندرانية يشوفوك ويعملوا معاك الواجب :( دة إنت كلك واجب ولا نسيت الواجب بتاع مجموعة الإسكندرية يوم الفطار الجماعي ؟؟؟

ياريت (لو ظروفك تسمح) تقول بتكون متواجد فين وإمتة وننسق معاك مقابلة تخاطيف ونعمل معاك واجب على ما قسم:)

أنا بتكلم عن نفسي.

الفكرة انى بكون على حدود اسكندرية مش فى اسكندرية نفسها، وتحديدا فى كفر الدوار ، وبضطر اخلع بدرى علشان ظروف الطريق، بس باذن الله اول ما الظروف تتحسن شوية لازم آجى اسكندرية نفسها يومين ونتقابل مع شباب الأبيض المتوسط

[محمد ابراهيم 1]

طيب يا إستاذ سبعاوي ........ عيييييييب ..... عيييييب ..... عيييييب..... تكون في الإسكندرية وما تخليش حبايبك الإسكندرانية يشوفوك ويعملوا معاك الواجب :( دة إنت كلك واجب ولا نسيت الواجب بتاع مجموعة الإسكندرية يوم الفطار الجماعي ؟؟؟

ياريت (لو ظروفك تسمح) تقول بتكون متواجد فين وإمتة وننسق معاك مقابلة تخاطيف ونعمل معاك واجب على ما قسم:)

أنا بتكلم عن نفسي.

يا عم هو انت بتقابل اللى فى اسكندريه
متعرضهاش
بدل الراجل يصدق وييجى ميلاقيش سيادتك
تطلع سمعه علينا أونطه
جراند كافيه هه