أعطال الكليو و طريقة الإصلاح واماكن الاصلاح من ملاكها

[limo]

بسم الله الرحمن الرحيم

-الى كل من يملك هذه السياره الشقيه الى تدعى الرينو كليو التفضل بكاتبه ما واجه من اعطال سواء ميكانيكيه او كهربائيه ,العفشه او اى عارض واجه يحول دون سير السياره بطريقه طبيعيه وامينه .
-العرض من هذا الموضوع ان يكون مرجع لجميع ملاك الكليو سواء الحالين او اللاحقين يشمل وصف اعراض العطل وتحديد العطل وكفيه التغلب عليه والامكان التى تم الاصلاح فيها وان امكن عنوانها ورقم الهاتف وتقيم هذا المكان والتكلفه الاجماليه لتصليح العطل .
-من يتفضل بالمشاركه فى هذا الموضوع يجب ان يكون من ملاك السياره سواء كان مالك سابق او حالى .
-يفضل ذكر موديل السياره وعدد الكليومترات التى قطعتها ونوعيه الاستخدام (هل داخل المدينه ام خارجها او فى طرق مهشمه ..............وهكذا ) لان هذا الموضوع لم يفيد الملاك فقط وانما يساعد من يريد اقنتاء هذه السياره فى المستقبل فى موازنه الاعطال مع مع عدد الكليومترات مع نوعيه الاستخدام كى يستخلص هل السياره مناسبه ام لا ,جيده ام سيئه
شكرا لكم جميعا وجزاكم الله كل خير

[Chaos]

انا معايا رينو كليو 2002 1200cc و العربية كويسة الحمدلله بس فى مشكلة مش لاقلها حل لسة ظهرت قريب.....العربية بتسخن ساعات و بتسحب مياه زيادة عن المعدل الطبيعى و مش بسمع صوت المروحة شغاله الا قليل اوى معرفش دة سببه ايه الساعة ولا المروحة ولا ممكن الكهربة عايزة تتظبط..... يا ريت حد يساعدنى

[limo]

بسم الله الرحمن الرحيم
انا عربيتى رينو كليو مو2003 24600كم نوعيه الطرق (معقوله )اغلب الاستخدام داخل البلد ونوعيه القياده هادئه تميل للرياضيه فى بعض الاحيان
الاعطال التى واجتنى فى سيارتى هى :-
-اول ما جبت العربيه عديت طوبه عاليه خبطط فى صاجه حمايه الفتيس واتنت مما ادى الى سماع صوت غريب لما اجيب الغيارات ناحيه الشمال زى الخامس والثالث والرابع والصوت كان بيبان اكثر على الخامس (الصوت مثل حديد بيخبط فى صاجه ) والصوت بيظهر مجرد وانا بنقل فقط
روحت التوكيل (فرع المقطم ) واستعدل صاجه الفتيس ب50 جنيه.
-لما العربيه كانت عامله 7000 الف كم حصل عطل كهربائى (عيب صناعه) وهو ان العربيه مفيهاش عزم نهائى سواء على الاول والتانى والثالث الرابع الخامس
اول ما اشغل العربيه بتكون عاديه خالص لمده ثلاث ثوانى بعد كده لمبه الاعطال بتنور والعربيه مفيهاش عزم نهائى واقصى سرعه ليها حوالى 30 كم
روحت الميكانيكون العرب
وضبطوا العربيه على الجهاز داخل الضمان
وغيروا البوجيهات فى الضمان
وغيروا فلتر الهواء على حسابى (مع انه كان شغال ونظيف )وكان سعره 50 جنيه
-والعربيه عامله 13 الف كم الكلاكس اتحرق روحت الميكانيكون العرب غيروا بواحد ايطالى زى الاصلى بالضبط ب60 جنيه +25 تركيب وضريبه كان سعر الفرنساوى 200 جم
-والعربيه عامله 24475كم كل ما ادور العربيه اسمع صوت مارش فقط ولكن العربيه مش راضيه تدور
طلع العيب من طلمبه البنزين وغيرها
السعر 1710 جم سعر الطلمبه
40 جم مصنعيه
100 جم خدمه اعطال طريق
مكان الاصلاح انا كلمت رينو التوكيل الرئيسى على 16202 وبعتوا لى مهندس مكان العربيه فى اقل من ساعه كانت تقريبا الساعه 9 بليل والمهندس جه على الساعه 9,40
ارقام اماكن الصيانه الى اتعملت معاها
التوكيل الرئيسى شركه Eim لهم نمره 16202 عنوان الاوتوستراد -اول الطريق الصاعد المقطم (تقيم المكان ممتاز )
الميكانكيون العرب نمره 22970910 -عنوان 128 شارع جوزيف تيتو (طريق خلف المطار )بعد ملاهى السندباد -النزهه -مصر الجديده (تقيم المكان جيد جدا )

[عمرو عمارة]

السلام عليكم

مشكور يا استاذ Limo على هذا الموضوع وان شاء الله سيستفيد به كثير من مالكى كليو

كليو 2003 - 1.2 سى سى اشترتها من سنة ونص وكانت عاملة 80,000 كم وهى دلوقتى عاملة 100,000 كم

1- بعد شرائها باسبوع..طلمبة البنزين باظت... لما تجي تفتح الكونتكت مفروض تسمع طلمبة البنزين وهى تضخ بنزين...(لازم يا جماعة عشان نحافظ على الطلمبة والسينسورات الي موجودة فى العربية نفتح الكونتكت الاول وطبعا هتسمع طلمبة البنزين وهى بتضخ بنزين وبعدين بتشوف الانوار الخاصة بالاير باج ,السيرفيس, البنزين والحرارة بتطفى ورا بعض وبعدين تدور العربية..كل دة مايخدش ثوانى ) المهم سألت بتوع قطع غيار رينو وقالولى دى مشكلة بسيطة ومعروفة وحلها تغير الموتور فقط الي بداخل الطلمبة بس لازم تتعمل في مركز خدمة...ادونى رقم الميكانيكيون العرب...رحت خت واحد من عندهم وجاب معا طلمبة كاملة عشان ياخد العربية للمركز لانه قال ان تغير الموتور له طرق وادوات خاصة لازم تتعمل فى المركز.....اشتريت موتور BOSCH اصلى بـ250 جم
تكلفة خروج الفنى 60 جم - المصنعية 100 جم....الاجمالى 410 جم
ملوحظة مهمة: ماتخليش اى حد يفكلك غطاء الطلمبة الي فى قلب التنك غير التوكيل او مركز الخدمة لانه بلاستيك ويستحيل يتفك غير بالاداه الخاصة به...انا سمعت ان ناس حولت تفكه برة التوكيل واتكسر الغطاء وباظ التنك
2- انا عملت صيانة شاملة للسيارة من شهرين تشمل الاتي:
1- سير كاتينة + شداد ( الاصلى ) 470 جم...لازم يتغير كل 60,000 كم
2- طلمبة مياه اصلية 350 جم ( انا عارف ان الاصلى بـ550 جم بس هى هى نفس الي موجودة فى الاصلى بس تغليف مختلف من نفس الشركة الام الي بتصنع للاثنين ومش موجودة غير عند ميشيل حليم )...نصيحة غيرها مع سير الكاتينة
3- شداد رئيسى ( الاصلى ) 580 جم.....نصيحة غيره كل 120,000 كم
4- شداد التكيف والباور ( الاصلى ) 225 جم....برده نصيحة غيره كل 60,000 كم
5- طقم سيور ( الدينمو + التكيف والباور ) 95 جم ...لازم يتغيره مع سير الكاتينة
6- طقم دبرياج Valeo الاصلى...725 جم
7- طنابير ايطالى 325 جم ( جميلة جدا )
8- تيل اسبانى 125 جم ( انسى التصفير والاكلان فى الطنبورة )
9- بلية خلفية SNR فرنساوى 175 جم
10-بارات الدركسيون الخارجى اسبانى 250 جم
11-بارات الدركسيون الداخلى اسبانى 300 جم
12-بيض بارات الدركسيون اسبانى 180 جم
13-بيض المقصات اسبانى 100 جم
14-كوتش مسمار الميزان ( الاصلى ) 100 جم
15-بالنسبة لزيت الفتيس غيرته بالاصلى الي مش موجود غير فى بورسعيد 45 جم....ودى تفاصيل المشكلة الي حصلتلي مع زيت الفتيس:http://www.nilemotors.net/Nile/showt...014#post184014

اجمالى قطع الغيار : 4045 جم
المصنعية : 400 جم:D:D ( الميكانيكى بتاعى وهو اسمه محمد وده الموبايل بتاعه 0104667284 ومتخفوش هو متخصص رينو وكان شغال فى التوكيل وبعدين ميكانيكى فى جراج يوروكار للسياحة الي كل عربيتهم ميجان وكليو...وهو دلوقتى فاتح فى الحرفيين

ملحوظة : برجاء الابتعاد عن ماركة Febi الالمانية كما يدعو لانها مضروبة ومتوفر منها مختلف اجزاء السيارة من كاتينة ,طلمبة مياه ,بلي ,طنابير ,العفشة ....وهكذا

حصلت معايا مشكلة من شهر...لحظت ان معدل استهلاك البنزين بيزيد..انا عربيتى بتعمل ما شاء الله 300 كم فى الصفيحة وبدأت اخد بالى انها بتعمل 230 -240 فى الصفيحة ورعشة بيسيطة فى السلانسيه مع وجود تاخير فى السحب...المهم انا قلت ممكن دى تكون مشكلة فى الـThrottle Body ممكن يكون مش نظيف وعايز يتنظف ( زى البوابات الي موجودة فى الكاربراتير بس ده بيشتغل بموتور متوصل بكمبيوتر العربية) المهم...وانا عند الميكانيكيون العرب بغير زيت الفتيس الفنى قالى العربية دى متالتة؟؟؟؟...قلت ازاى ده انا باجيب بيها 160 واكتر...قالى عادى ممكن؟..فك البوجيه الي موجود فوق غرفة الحرق الي فيها مشكلة...قالي البوجيه ساليم بس مسود ومعنى كدة ان الحرق فى الغرفة دي ضعيف جدا....قالي دى ممكن تكون مشكلة فى رشاش....تمن الرشاش 375 جم ومصنعية تركيبه 100 جم ولو مطلعش المشكلة فيه مش هنغرمك حاجة...المهم ماكنش هو المشكلة والمهندس قالي دة احتمال يكون صباب او مشكلة فى البلوك الي فيه البساتم!!!!.....لو صباب هيغير نص تقم صباب بـ800 جم ومصنعية مش هتقل عن 800 جم دة غير طبعا جوان وش سليندر الي بـ350 جم!!! ....قلت شكرا قفلوا كل حاجة زي ماكانت وانا هاشوف الموضوع دة وقلت سلام عليكم.
انا كنت متوقع ان يكون صباب متاكل لانه لو البستم ده مش شغال خالص هيعمل حمل على عمود الكرنك والعربية هتبرجل جامد جدا ومستحيل اطلع عن الـ100 كم/س ودة سبب برده ان البنزين بيسرب منه فبالتالي يحصل عدم اكتمال فى الحرق واستهلاك بنزين عالى.
روحت للميكانيكى بتاعى واعدنا نتكلم ونتشاور فى الحلول...قالي كل حاجة هتبان لما نفك الوش:(...وفعلا كان صباب متاكل...اشتريت صباب استيراد بـ75 جم - تركيب الصباب وعمل قواعد لباقي الصبابات 120 جم - جوان وش سليندر اصلى 350جم
الجمالي: 545 جم
المصنعية : 400 جم :D

الحمد لله لعربية دلوقتي ما شاء الله اتظبطت وسحبها جميل وبتعمل فى الصفيحة من 300 لـ320 كم حسب ظروف التشغيل ( انا مشاويرى كلها دائرى واتوستراد لانى ساكن في التجمع الخامس )

السلام عليكم
عمرو عمارة


.................................
تحذير للعضو بمخالفة القاعدة رقم 6
الإدارة - 3

برجاء مراجعة قواعد المنتدى

http://www.nilemotors.net/Nile/announcement.php?f=45

[medohai510]

عربيتي كليو مو2002 1200 سي سي عاملة 160000 كم أشترتها من حوالي 3 أشهر.
أول حاجة حبيت أني أغير طقم سيرفيس للموتور علشان أنا معرفشي البائع كان مغيرهم أمتي وحالتهم أية مثل البوجيهات (بوش ألماني) بــ90 جم- فلتر هواء بــ45 جم- فلتر بنزين بــ45 جم- طنابير فرامل أمامي بــ175 جم- تيل فرامل أمامي بــ75 جم قال أنة ألماني(طلع وحش جداً عامل زي صفارة الحكم في متش الأهلي والزمالك).
وبعد ذلك وجدت أن مياه الريدياتير بتنقص كل أسبوع حوالي ربع لتر، وبعد فترة أصبح نصف لتر ولم أجد تسريب للمياه وخاصة أن المياه خضراء ويسهل تتبع التسريب وفجأة بعدما ركنت العربية حوالي نصف ساعة وعدت إليها وجدت المياة تحتها كثير فزودتها وذهبت للميكانيكي مباشرة فوجدت أن مشترك موزع المياه الواصل بين الموتور وخراطيم الردياتير الفيبر به شرخ رفبع جداً ولكني سألت علية عند كذا محل قطع غيار ولكني لم أجده فقام الميكانيكي بلاحامه بمادة الأرنضيض (أنبوبة أسود وأخري أبيض)وركب جوان عليه.
مكان التصليح: المهندس/ أيمن أسعد ورشة ميكانيكي رينو فقط بشارع متفرع من شارع مسره شبرا
شغال في التوكيل وبالليل فاتح ورشة خاصة وللاسف معرفش تليفونه ولاكن حجيبو أن شاء الله.

[Chaos]

هو كلو مشاكل كده....طب فين الحلول يا جماعه انا عايز حل لمشكلتى... :((

[عمرو عمارة]

انا معايا رينو كليو 2002 1200cc و العربية كويسة الحمدلله بس فى مشكلة مش لاقلها حل لسة ظهرت قريب.....العربية بتسخن ساعات و بتسحب مياه زيادة عن المعدل الطبيعى و مش بسمع صوت المروحة شغاله الا قليل اوى معرفش دة سببه ايه الساعة ولا المروحة ولا ممكن الكهربة عايزة تتظبط..... يا ريت حد يساعدنى

السلام عليكم

يعني ايه الساعة ولا المروحة؟؟

ممكن طبعا لو المروحة مابتشتغلش يحصلك مشكلة فى السخونة.....طيب جرب سيب العربية دايرة وتابع مؤشر الحرارة...مفروض لما يوصل المؤشر للنص تبتدي المروحة تشتغل.....لو مشتغلتش يبقى ممكن يكون : تلميس فى فيشة المروحة - ثرموستات بايظ - فيوز محروق
لو اشتغلت ولسة الحرارة بتعلى يبقى في عيب عندك في دورة التبريد - ردياتير مسدود - طلمبة مية ضعيفة - حاول تشوف التسريب دة فين - المية الي في الاربة فيها بقع زيت؟؟ - الزيت الي على موشر الزيت لونه ايه ؟

السلام عليكم
عمرو عمارة

[Chaos]

thxxx renamr 3ala l rad bss l loon l zait mazboot w lzoget l zait koisa bardo w mafish zait fl 2erba bss heyya mayet-ha bten2as asra3 mn l mo3addal l tabee3y

[pharonicking]

كل دى اعطال!!!!

:k41:الاعطال دى موجودة فى الموديلات الحديثة؟ ولوكانت كدة فعلا يبقى ليه الواحد يشتريها اصلاا؟؟؟؟؟؟

____________________
العضو الفاضل
برجاء عدم الكتابة باللون الأحمر لإنه مخصص للإدارة

الإدارة - 3

[عمرو عمارة]

:k41:الاعطال دى موجودة فى الموديلات الحديثة؟ ولوكانت كدة فعلا يبقى ليه الواحد يشتريها اصلاا؟؟؟؟؟؟

- انا عملت صيانة شاملة للسيارة من شهرين تشمل الاتي:
1- سير كاتينة + شداد ( الاصلى ) 470 جم...لازم يتغير كل 60,000 كم
2- طلمبة مياه اصلية 350 جم ( انا عارف ان الاصلى بـ550 جم بس هى هى نفس الي موجودة فى الاصلى بس تغليف مختلف من نفس الشركة الام الي بتصنع للاثنين ومش موجودة غير عند ميشيل حليم )...نصيحة غيرها مع سير الكاتينة
3- شداد رئيسى ( الاصلى ) 580 جم.....نصيحة غيره كل 120,000 كم
4- شداد التكيف والباور ( الاصلى ) 225 جم....برده نصيحة غيره كل 60,000 كم
5- طقم سيور ( الدينمو + التكيف والباور ) 95 جم ...لازم يتغيره مع سير الكاتينة
6- طقم دبرياج Valeo الاصلى...725 جم
7- طنابير ايطالى 325 جم ( جميلة جدا )
8- تيل اسبانى 125 جم ( انسى التصفير والاكلان فى الطنبورة )
9- بلية خلفية SNR فرنساوى 175 جم
10-بارات الدركسيون الخارجى اسبانى 250 جم
11-بارات الدركسيون الداخلى اسبانى 300 جم
12-بيض بارات الدركسيون اسبانى 180 جم
13-بيض المقصات اسبانى 100 جم
14-كوتش مسمار الميزان ( الاصلى ) 100 جم


هو كل الي مذكور في الأعلى مشاكل!!!!؟؟؟؟

[أبو عبدالله]

عمرو الصيانة دي كانت صيانة الكام كيلو ؟؟؟؟؟
دول 4000 جنيه وفي دبرياج ووش سلندر وحاجات المفروض العربيه لسه جديده يعني على الكلام ده

[عمرو عمارة]

عمرو الصيانة دي كانت صيانة الكام كيلو ؟؟؟؟؟
دول 4000 جنيه وفي دبرياج ووش سلندر وحاجات المفروض العربيه لسه جديده يعني على الكلام ده

دي عربيتي يا أبو عبدالله

أنا عملت الحاجات دي والعربية عاملة 82000 كم ....أنا غيرت طقم الدبرياج للوقاية لأن المالك السابق كانت سيدة ( محدش يضرب:D) وقولت أعمل طقم الكاتينة عشان ماضمانش إذا كانت هي عملته في صيانة الـ60الف
باقي الحاجة شغل عافشة

أما الصباب الي حصل فيه مشكلة دة...فدة طبعاً نصيب أولاً....غلطتي لما إشتريت العربية ما شوفتش خبطة في قعدة الريدياتير....الميكانيكي قالي إن الصباب دة حصل فيه مشكلة بسبب سخونة شديدة تعرض لها الموتور قبل كدة ومع الوقت بدء يعمل مشكلة.......هي خبطت العربية من تحت والمية بدأت تتسرب واحدة واحدة ( إما كانش كلها إتسربت ) وطبعاً إنت عارف الباقي
كان لازم أجيب جوان وش سيليندر لأن القديم ماينفعش أركبه تاني

[mohmac]

يا جماعة هو محدش بيتكلم ليه عن مركز فرينش موتورز مع اني بعت الرينو من سنتين بس بصراحة دول جامدين جدا والله حببوني في الرينو هم مكانهم في عين شمس وصاحبه اسمه الزيني اللي هايجربه مش هيروح لغيره

[Sharky]

فيه ناس فى المنتدى كانوا إشتكوا من خدمته

[Hisham1]

أخوكم هشام عضو جديد في هذا المنتدي المحترم
نوع السيارة رينو كليو 1200 16vموديل 2004
العربيه جميله جدا ومش عايزه كلام
المشاكل الي واجهتها بعد ماشتريت العربيه في تيل الفرامل الأصلي بتاعها غيرته علي 12000كم وبعد كده جبت الاسباني وفعلا كان أحسن زي مالراجل بتاع قطع الغيار قال00
تاني حاجه واجهتها طرمبة البنزين فؤجئت بالعربيه طفت وانا ماشي في أمان الله وجبت الميكانيكي قالي دي طرمبة البنزين00وحصلي صدمه لما عرفت ان سعرها 1750 بس الحمد لله لحقوني وقالولي ان القلب الي جوه بس ممكن يتغير ب 175 جنيه ماركة بوش
وقد كان00 بس العربيه اجمالا ممتازة واقتصاديه وناعمه