الموتور أنتهي

[medohai510]

السلام عليكم،،،
واحد صديقي حصل معاه موقف صعب جداً جداً.
وهو ماشي في طريق حلوان العربية بطلت فركن علي اليمين وحاول يدون مرتين ولا جدوي نزل وفتح الكبوت وبص علي الوصلات الكهربائية وخراطيم البنزين وهكذا ولم يجد شيء في غير مكانه أو غير واصل المهم واحد أبن حلال وقفله وقاله أنا ميكانيكي وتحت أمرك يا باشا و حاول يدور العربية مرتين ثلاثة أربعة ( يوجد صوت للمارش ولكن السيارة لا تستجيب ولكن صديقي لاحظ أن صوت الإدارة سريع شوية فقالة ممكن يكون سير الكاتينة فرط وإلا حاجه) فقاله لا لا يا باشا أول حاجة شوفتها هي سير الكاتينة ولاقيته تمام التمام هي حاجة بسيطة وهتدور أن شاء الله وقالة أركب وأنا أزقق مرتين ثلاثة ولكن دون جدوي فبعد ذلك الراجل زهق ومشي فأتصل صديقي بميكانيكي معرفة ولما جاء فقاله واضح أن سير الكاتينة فرط.
وفي صباح اليوم الثاني فك الميكانيكي الموتور فوجد الأتي:
- 2 صباب متني (محتاج تغيير)
-شواكيش الكامة متكسرة.
- يوجد بوش صغير في البستم
يعني الموتور عايز عمرة كاملة ، فأرجو الأفادة هل يعمل عمرة أم يشتري موتور أستيراد ومنين وبكام......وأيه مزايا وعيوب الطريقتان؟
وشكراً مسبقاً

[MMamdouh]

انت مش محتاج عمرة بالمعنى المفهوم... كل اللى حتحتاجة طقم صبابات و طقم شواكيش و طقم جوانات و شكرا... طبعا متنساش طقم سرفيس الكاتينة

بوش البستم مش قضية... هو صاحبك كان بيشتكى من ان الموتور بياكل زيت او ضعف فى الاداء؟ لو الاجابة لا يبقى انسى البساتم دلوقتى

الموضوع سهل و مش مستاهل عمرة كاملة ولا حاجة... و ربنا ينتقم من اللى وقفلك و قالك دى بسيطة و حتدور... لو مكنش فتى كان ممكن الحوار يخلص على الصبابين المعوجين فقط

MMamdouh

فعلاً كلامك مظبوط هو كان بيشتكي أن الموتور بياكل زيت حوالي 1 لتر في الشهر لكن لا يوجد دخنه من الشكمان، فيبقي الحل أية يا بشمهندس ممدوح.

[Nistelrooy]

ده ممكن يكون نتيجة اية انو ما بيعملش صيانة ويشيك علي العربية اول باول ؟

[medohai510]

فعلاً هو مبيشيكش علي العربية أول بأول، لكن هو لسه مشتري العربية من حوالي 4 أشهر فقط.

[MMamdouh]

فعلاً كلامك مظبوط هو كان بيشتكي أن الموتور بياكل زيت حوالي 1 لتر في الشهر لكن لا يوجد دخنه من الشكمان، فيبقي الحل أية يا بشمهندس ممدوح.

طالما العربية جابت كاتينة مش حينفع اقولك خلية يعمل اختبار كبس... هو كان بيحط موبيل 1؟ اصل موبيل 1 بيتبخر اساسا و ممكن يكون هو السبب... و لو نقص الزيت سببة البستم يبقى لازم الموتور يحرق زيت و يبقى فيه نقص فى القدرة و دايما يبقى فيه بوجية معرق زيت لما يفك البوجيهات

MMamdouh

أنا سألته دلوقتي وقالي كان بيحط شيل الأصفر بحوالي 75 جنية 5000 كم وكانت فعلاً العربية بتاكل زيت لكن ميعرفش حالة البوجيهات كانت أيه.

[aboelshoog]

فعلاً هو مبيشيكش علي العربية أول بأول، لكن هو لسه مشتري العربية من حوالي 4 أشهر فقط.

هوا كان شاريها مستعملة ولا زيرو ؟ ونوعها اية لانوس ولا نوبيرا ؟

[medohai510]

أشتراها مستعملة موديل 2000 لانوس 2 وعاملة حوالي 180000 كم

[MMamdouh]

طيب... طالما فاكك يبقى يغير الاربع بساتم بالمرة طالما العربية ماشية كتير

MMamdouh