إعـــــــلان

Collapse

.

,
See more
See less

فكرة عمل السيارة بالمياه ليست مستحيلة ولا درب من الخيال وتبدء من ورقة الشجر

Collapse
X
 
  • Filter
  • الوقت
  • Show
Clear All
new posts

  • فكرة عمل السيارة بالمياه ليست مستحيلة ولا درب من الخيال وتبدء من ورقة الشجر

    من خلال متابعتى لهذا الموضوع وما اثير حولة من ناقد ومعترض ومشكك بالاستحالة حبيت ادور عنة شوية واقول راى فيه

    انا كنت عاوز اوضح حاجة بسيطة ان كل الاختراعات والاكتشافات العلمية بدأت من وهم وحلم وكلام فاضى وكلام تخاريف

    قد نكون هنا فى مصر لسنا من ذوى القدرة على الابتكار والاختراع لعدم وجود اجهزة من الدولة تساند وتساعد ولعزوف الثقافة العامة للشعب المصرى وكافة الشعوب العربية عن التفكير والابداع واصبح القدوة المحتذى بها هو لاعب كرة القدم الذى تهطل عليه ملايين من السماء لمجرد انه (بيلعب) وتتبارى الاقلام والصحف والنقاد والمحللين والناس فى الشوارع وعلى المقاهى وفى وسائل المواصلات والمترو وسط الزحام والتكدس والحر تسمع واحد بيقول للاخر هوا فلان ساب الاهلى وانضم للفريق الفلانى والخبير يرد ويقولة دا فيه شرط فى العقد ينص على كذا والثالث يرد لا دا البطاقة الدولية هيحصل فيها مش عارف ايه والفيفا مش ساكته وتحس ان الشعب والناس كلها دماغها مع الكورة والاعيبة والمسلسلات والافلام والموبيل والرنات والماسجات وووووووو............................
    ولكن لا احد يتحدث عن العلم او الاختراع الفلانى او التطور اللى حدث فى المجال افلانى او او او ..............
    لقد نجح الغرب فى جعلنا نهتم بالتفاهات وندمر عقولنا وعلمائنا ومن يبرز منهم يتم الحاقة بهم حتى تصبح شعوبنا لاحول لها ولاقوة مجرد مستخدم ومستورد ومستهلك لهم ........... وبعد ذلك لا نحاول التفاهم او التفكير فى المنطق والبديهى ومحاولة من شبابنا للتطور او الاختراع او الدخول فى مجالات البحث العلمى والتقنى فعلا البلد دى بايظة

    --------------------------------- اللى جاى ملهوش علاقة باللى فات--------------------------------------

    الموضوع دا شفته واتعلمته من احد حلقات د. مصطفى محمود (شفاه الله وعافاه)

    الفكرة دى بسيطة وسهله ومعروفة منذ بدء الخليقة وبتحصل كل يوم وهى التحليل للمياة والمركبة من 2 ذرة هيدروجين و ذرة اكسجين
    لو نظرنا الى ورقة الشجر البسيطة فهى تتكون عروق بسيطة كالشعيرات الدقيقة وعنق وانسجة بها مياة من التربة اتية من جذور الشجرة الى ساقها الى الاوراق الى تلك الشعيرات والانسجة
    ولو دخلنا الى النسيج باكثر تعمقا تحت المجهر لوجدنا المادة الخضراء وهى سر الحياة (مادة الكلورفيل) ولوجدناها فى حركة مستمرة ملايين من الخلايا الخضراء كل خليه تتكون من نواة ويدور حولها سحابة من الالكترونات الحرة فى غشاء الخلية وبسقوط الضوء تتحرك تلك الاكترونات بسرعة رهيبة مكونة كاقة كهربائية (90 ملى فولت) تأخذها النواة وتسلطها على المياة فتتحل الى اكسجين وهيدروجين الاكسجين يخرج الى الجو والهيدروجين يتراكب مع ثانى اكسيد الكربون من الجو ويكون المركبات الهيدروكربونية التى تتحول الى الشجرة لتمثل اللحاء والنمو للنبات (سبحان الله)
    فبتلك الخلية البسيطة اخرجت اكسجين وهيدروجين من الماء وعبر العصور تكون الاكسجين فى محيط الكرة الارضية ليكون 20% من الغلاف الجوى وياخذة الانسان والحيوان ليقوم بتفاعل عكسى فى الجهاز التنفسى ليحرق به السكريات من الغذاء ويخرج تثانى اكسيد الكربون للجو
    واستطاعت اوراق الشجر ان تنمو تصنع الاكسجين للعالم كلة وتكون مخزون من الطاقة متمثل فى الاخشاب التى تتحول لفحم لتكوين البخار ليدير الالات وتخزن فى الارض لتكوين البترول
    المهم من الموضوع دا ان فكرة فصل الاكسجين عن الهيدروجين بسيطة ولا تحتاج لطاقة كبرى او معجزة لاجراء هذا الفصل
    ولكن قد تكون هذة التجربة وليدة ولها عيوب وتحتاج لتطوير وابحاث ودراسات وتعانى ايضا من حرب شاملة من امبراطوريات البترول وشركاته
    الفكرة دى لو نجحت هتهدم مؤسسات باكملها وهتغير من الخريطة الصناعية والتكنلوجية وطريقة التفكير المبدئية التى نستخدمها الان وهى الحصول على الطاقة من اخر المطاف ويمكن التفكير فى الحصول على الطاقة من اول دورتها وهى نفس فكرة ورقة الشجر (سبحان الله)

    والموضوع مفتوح لكل الاراء
    نصائح هامة عند شرائك سيارة مستعملة (منقول)
    [url]http://www.nilemotors.com/Nile/showthread.php?t=32679[/url]

  • #2
    الرابط يوضح الفكرة


    طبعا اكيد فى مصر لن يقتنع احد الا اذا رأينا سيارة تعمل بالمياه باعيننا
    (وقد تكون شركة نصب-بردة الله اعلم)
    بس كفكرة هيا فعلا تنفع
    نصائح هامة عند شرائك سيارة مستعملة (منقول)
    [url]http://www.nilemotors.com/Nile/showthread.php?t=32679[/url]

    Comment


    • #3
      الله يفتح عليك بس اكيد شركات البترول هتقاوم الفكرة دى
      [SIGPIC]http://imageshack.us/photo/my-images/545/6c6d1551112s.gif/[/SIGPIC]

      Comment


      • #4
        مع احترامى فيه فرق انك تكتب موضوع علمى و تأملات شعرية فى أوراق الشجر و الطبيعة,
        الكائنات الحية تحتوى على طاقة أما السيارات فلا, و ده اللى بيخلى من الممكن نستغل طاقة النبات فى الوقود الحيوى و ده اللى بيخلينا ناخد طاقة لما ناكل, و أستاذ سبعاوى شرح الموضوع قبل كده باستفاضة و مش اللى نعيده نزيده.
        المياه خاملة و لا تحتوى على طاقة و الطاقة لا تفنى و لا تستحدث,
        و الاختراعات و الابتكارات تأتى متسقة مع الحقائق العلمية الغير قابلة للجدال و لا تأتى عكسها,
        ثانيا اللينك اللى انت جايبه عبارة عن اعلان و بدون قراءة الموجود فيه, فان تصميم الصفحة الغير الاحترافى ينم عن عملية نصب "بلدى" خايبة.
        [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
        الصقر سوف يحلق عاليا رغم أنف قانون المرور الجديد.
        [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

        Comment


        • #5
          بدون ادنى شك انها هتتقاوم وستتم محاولات لالغائها من الوجود (دى ناس مش بتهزر)
          واللى شاف الفيلم الساخر (ليلة سقوط بغداد) من قصتة
          " ناظر المدرسة جاب شاب عبقرى تخرج من كلية العلوم وبعد تخرجة اصبح شاب فاسد مخة مشغول بالشرب والنساء زى معظم الشباب لكن لما اتيح له بيئة عمل مناسبة وتوفرت له كل سبل الراحة والحياة من سكن - فلوس - زواج - تحميس اخترع فكرة
          وبيحكى الفيلم بعدها عن مدى فشل مؤسسات الدولة وتبنيها للفكرة
          وحتى رجل الاعمال اللى راحلة خاف من الفكرة وقالة انت عاوزنى اعادى الدول اللى مصالحهم معاة واقترح عليه اختراع رنات موبيل تنزل عن طريق كروت الشحن
          المهم لما مشروعة اتعرف امريكا حاولت تشترية ولما رفض دخلوة مستشفى الامراض العقلية ودخل فى قسم العلماء "
          دى ملخص فعلا لحال البلد واللى بيحصل واللى فعلا ممكن يحصل اكثر منه
          وياما علماء كتيير اتقتلوا بسبب حبهم لبلادهم
          نصائح هامة عند شرائك سيارة مستعملة (منقول)
          [url]http://www.nilemotors.com/Nile/showthread.php?t=32679[/url]

          Comment


          • #6
            المشاركة الأصلية كتبت بواسطة فادى مشاهدة المشاركة
            المياه خاملة و لا تحتوى على طاقة و الطاقة لا تفنى و لا تستحدث,
            المياة لا تحتوى على طاقة ازى , امال الاكسجين اللى بيساعد على الاشتعال و الهيدروجين اللى بيشتعل اللى هما مكونات المياة دول اية ,
            الفكرة هى فصل الغازين دول عن طريق الكهرباء و استعمال الهيدروجين لتشغيل المحرك , وانا شوفت فيلم بنفسى عربsuv ية شغالة بالمياة بهذة الطريقة .

            و التاملات الشعرية مافيش فيها مشكلة , بالعكس التامل هوة سبب اخترعات كتير و ابحاث علمية كتير , قانون الجازبية كان نتيجة تامأل و قانون الطفو كذلك ,
            الفكرة موجودة بس عاوزة تتعمل ابحاث و درسات عشان تخرج للنور , و دة اللى بيتعمل بالفعل فى الخارج بس ليسة النتائج سرية و غير معلنة , عشنا هما نفسهم يخلصو من البترول دة بى شكل .

            و

            Comment


            • #7
              المشاركة الأصلية كتبت بواسطة wawoo مشاهدة المشاركة
              المياة لا تحتوى على طاقة ازى , امال الاكسجين اللى بيساعد على الاشتعال و الهيدروجين اللى بيشتعل اللى هما مكونات المياة دول اية ,
              الفكرة هى فصل الغازين دول عن طريق الكهرباء و استعمال الهيدروجين لتشغيل المحرك , وانا شوفت فيلم بنفسى عربsuv ية شغالة بالمياة بهذة الطريقة .

              و التاملات الشعرية مافيش فيها مشكلة , بالعكس التامل هوة سبب اخترعات كتير و ابحاث علمية كتير , قانون الجازبية كان نتيجة تامأل و قانون الطفو كذلك ,
              الفكرة موجودة بس عاوزة تتعمل ابحاث و درسات عشان تخرج للنور , و دة اللى بيتعمل بالفعل فى الخارج بس ليسة النتائج سرية و غير معلنة , عشنا هما نفسهم يخلصو من البترول دة بى شكل .

              و
              المياه بتتكون من هيدروجين و اوكسوجين, الهيدروجين لوحده نشط و لما يتحد مع الأكسوجين مكونا المياه بيطلع طاقة, الطاقة دى لازم تكون مساوية (لو تجاهلنا الفواقد) نظريا للطاقة اللى قدرنا بيها نفصل الذرتين عن بعض و عمليا هتكون أقل,
              عشان كده لا يمكن تلاقى هيدروجين لوحده فى الطبيعة , لازم يكون متحد مع اوكسوجين فى شكل مياه,
              لو افترضنا اننا هنطلع الهيدروجين من المياه بواسطة محطات مخصوصة تعمل بالطاقة النووية مثلا و نخزنه و تيجى العربيات تملا تانكها منه, يبقى كلام سليم و عملى لولا انو الهيدروجين خطر فى تخزينه, و يبقى احنا كده بنستخدم الطاقة النووية غير مباشر فى السيارة لأنه مستحيل تستخدم الطاقة النووية فى السيارة مباشرة,
              انما العربية تفصل الهيدروجين منها فيها كده ده كلام فاضى لأن فصل الهيروجين هيستهلك طاقة أكتر من اللى هيطلعها لدى اعادة حرقه مع الأوكسوجين مكونا المياه, لأن طبعا فيه فواقد للعملية دى, ده بالاضافة الى فواقد المحرك نفسه.
              و اديك قولتها اهوه :
              "الفكرة هى فصل الغازين دول عن طريق الكهرباء و استعمال الهيدروجين لتشغيل المحرك "

              طيب الطاقة الكهربائية الى فصلت بيها الهيدروجين هى نفسها الطاقة اللى هيديهالك الهيدروجين سواء استخدمته فى محرك احتراق داخلى أو أى شىء أخر + طبعا الفواقد و هى كبيرة فى هذه الحالة.
              يبقى انت كده جمعت مساوىء السيارة الكهربائية (ثقل البطارية, صعوبة تخزين الكهرباء, احتياجها لوقت طويل للشحن) و مساوىء سيارة الاحتراق الداخلى فى سيارة واحدة(قلة الكفاءة, العمر القصير, كثرة الأجزاء الميكانيكية).
              [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
              الصقر سوف يحلق عاليا رغم أنف قانون المرور الجديد.
              [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

              Comment


              • #8
                انا معاكم ان الموضوع ده حلم جمبل وبا ريت يتحقق بس ده من وجهة نظر واحدة
                بس فيه شوية حاجات كدة
                1- وقود جديد غير البنزين ده معناه كمية العربيات اللي مالية العالم وبتمشي بالبنزين هتترمي
                2-لو اتخلينا عن البترول ... كل الصناعات اللي قايمة عليه .... ايه مع السلامة ... و شركات البترول و شركات خدمات البترول و خلافة .... مع السلامة
                3- بعض الدول زي بلدنا البترول لا يمثل عامل مهم في التصدير بس نواية بتسند الزير ....فيه اقتصادات هتقع
                4- المنطقة بتاعتنا هتولع ..... حروب المياة هي الخطر القادم ده من غير ما تكون المياة وقود فمابالك لما بقت وقود ..... احنا طبعا عايشين في اللالا لاند وسايبين اسرائيل بتلعب براحتها مع الدول الافريقية المتحكمة في منابع النيل ..... بس وقتها الموضوع مش هيبقي شرب و زراعة لا ده طاقة
                5- ده طبعا معناه اندثار نشاط وظهور نشاط و فيه ناس هتتطور و ناس لا ....يعني مثلا ممكن هاليبرتون تفلس و شلمبرجير تتحول لشركة مياة ابار .... و سنتافي بدل ما تحفر ابار بترول تحفر ابار مياة




                و فيه سبب مهم ..... انا بحب ريحة البنزين .... اغيره ليه




                بس عموما انا متابع الموضوع بتاع خلايا الطاقة ده ...........بس المشكلة هي الفايدة ...مش عارف بس انت عشان تكسر ترابط الهيدروجين و الاوكسجين محتاج تيار كهربي قوي ...بس اساسا لو انت عندك التيار ده طيب ما تمشي بيه العربية احسن ....انت فاهم قصدي
                الموضوع فعلا موجود .... بس مالوش لازمة
                يعني ودنك منين يا جحا ....
                علي فكرة تم انتاج اول سيارة كهربائية حقيقية .... المقصود بحقيقية حسب الشركة المصنعة انها سيارة بنفس كفاءة السيارات العادية .... هي اساسا سيارة رياضية


                يعني المشكلة دلوقتي مش في توفير الطاقة الكهربية بس في ان انا لو وفرتها طيب ما استخدم موتور كهربي
                انما خلايا الهيدروجيين هتستخدم لما نقدر نحلل الماء و نحصل علي كمية كاقية من الهيدروجين باستخدام معقول و اقتصادي من الطاقة الكهربية
                [CENTER]لا يعرف الحق بالرجال و لكن يعرف الحق فتتبعه الرجال [/CENTER]

                Comment


                • #9
                  سوري يا جماعه لتدخلي في الموضوع وانا ولا كيميائي ولا ميكانيكي ولا بفهم حاجه في الاتنين
                  بس اول ما شوفت الفكره افتكرت تجربه كنا بناخدها في اعدادي كان المدرس بيرمي قطعه خارصين في كبايه الميه والميه بتتحلل لهيدروجين واوكسيجين تقريبا وكانت بتولع بفرقعه
                  مش يمكن الموضوع كله كيميائي لتحليل المياه ومفيش قدره كهربائيه ولا الحاجات دي
                  ويكون مثلا عامود الخارصين او ايا كانت الماده اللي حتستعمل بيتغير من وقت للتاني في الجهاز ده ؟؟؟؟؟؟؟؟؟؟؟؟؟؟؟؟؟؟؟؟؟؟
                  [CENTER]

                  [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                  [/CENTER]

                  [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                  ---------------------------------
                  [/SIZE][/B][CENTER]
                  [/CENTER]

                  Comment


                  • #10
                    وتكمله لموضوعي وتصحيحه انا لقيت كذاطريقه تحضير الهديدروجين في احد المنتديات ونقلتلكم الموضوع هنا
                    تحضير الهيدروجين:

                    يحضر الهيدروجين تجاريا بواسطة:

                    1- عملية الهيدروكربونات التجارية - التحويل التجاري...
                    2- الاكسدة الجزيئية غير المحفزة للهيدروكربونات مع الاكسجين...
                    3- طريقة غاز الماء التجارية...
                    4- التحليل الكهربائي للماء...
                    5- تفكك غاز الامونيا...
                    6- التفكك الحراري للهيدروكربونات...


                    * تتفاعل بعض الفلزات مثل الخارصين والحديد والالومنيوم مع احماض الكبريتيك او الهيدروكلوريك لتطلق الهيدروجين من الحمض:

                    Zn + 2HCl ---> ZnCl2 + H2

                    * بواسطة التحليل الكهربائي لمحاليل كلوريد الصوديوم:

                    2NaCl + 2H2O + Electrical Energy ---> 2NaOH + H2

                    * بواسطة التحليل الكهربائي للماء:

                    2H2O + Electrical Energy ---> 2H2 + O2

                    * بواسطة تفاعل الفلزات واللافلزات مع الماء:

                    Ca + 2H2O ---> Ca(OH)2 + H2

                    * بواسطة تفاعل هيدريد بعض المعادن مع الماء:

                    CaH2 + 2H2O ---> Ca(OH)2 + 2H2


                    الخصائص الكيميائية للهيدروجين...

                    1- يتفاعل الهيدروجين والاكسجين لتكوين الماء واذا ما تم اشعال الخليط فإنه يولد انفجارا...
                    2- يتفاعل الهيدروجين بطريقة مباشرة مع عدة لافلزات لتكوين مركبات تكافؤية...
                    3- يتفاعل الهيدروجين مع بعض الفلزات لتكوين بلورات هيدريدأيونية..
                    4- يتفاعل الهيدروجين مع بعض الاكسيدات ليطلق بها الفلز...


                    استخدامات الهيدروجين:

                    1- تحضير غاز الامونيا...
                    2- في عمليات تكرير البترول...
                    3- وقود للصواريخ...
                    4- يتحد مع الكلور ليكون حمض الهيدروكلوريك... ومع اول اكسيد الكربون ليكون الجازولين... ومع ثاني اكسيد الكربون ليكون الميثانول...
                    [CENTER]

                    [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                    [/CENTER]

                    [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                    ---------------------------------
                    [/SIZE][/B][CENTER]
                    [/CENTER]

                    Comment


                    • #11
                      انا لما شفت اعلان للموضوع ده علي الصفحه الرئيسيه للمنتدي و قريته و شفت الفيديوز بس لما جيت اقول لأصحابي اللي عندهم درايه بالحاجات دي كان الاعلان اتشال المهم المره دي هديهم اللينك يمكن الموضوع يكون فاتحه خير علينا و رحمه من الاستغلال المتصاعد

                      Comment


                      • #12
                        المشاركة الأصلية كتبت بواسطة MOHAMED ABD EL SHAFY مشاهدة المشاركة
                        من خلال متابعتى لهذا الموضوع وما اثير حولة من ناقد ومعترض ومشكك بالاستحالة حبيت ادور عنة شوية واقول راى فيه

                        انا كنت عاوز اوضح حاجة بسيطة ان كل الاختراعات والاكتشافات العلمية بدأت من وهم وحلم وكلام فاضى وكلام تخاريف

                        قد نكون هنا فى مصر لسنا من ذوى القدرة على الابتكار والاختراع لعدم وجود اجهزة من الدولة تساند وتساعد ولعزوف الثقافة العامة للشعب المصرى وكافة الشعوب العربية عن التفكير والابداع واصبح القدوة المحتذى بها هو لاعب كرة القدم الذى تهطل عليه ملايين من السماء لمجرد انه (بيلعب) وتتبارى الاقلام والصحف والنقاد والمحللين والناس فى الشوارع وعلى المقاهى وفى وسائل المواصلات والمترو وسط الزحام والتكدس والحر تسمع واحد بيقول للاخر هوا فلان ساب الاهلى وانضم للفريق الفلانى والخبير يرد ويقولة دا فيه شرط فى العقد ينص على كذا والثالث يرد لا دا البطاقة الدولية هيحصل فيها مش عارف ايه والفيفا مش ساكته وتحس ان الشعب والناس كلها دماغها مع الكورة والاعيبة والمسلسلات والافلام والموبيل والرنات والماسجات وووووووو............................
                        ولكن لا احد يتحدث عن العلم او الاختراع الفلانى او التطور اللى حدث فى المجال افلانى او او او ..............
                        لقد نجح الغرب فى جعلنا نهتم بالتفاهات وندمر عقولنا وعلمائنا ومن يبرز منهم يتم الحاقة بهم حتى تصبح شعوبنا لاحول لها ولاقوة مجرد مستخدم ومستورد ومستهلك لهم ........... وبعد ذلك لا نحاول التفاهم او التفكير فى المنطق والبديهى ومحاولة من شبابنا للتطور او الاختراع او الدخول فى مجالات البحث العلمى والتقنى فعلا البلد دى بايظة
                        الاخ العزيز محمد لقد اعجبتنى هذه المقدمة لموضوعك

                        لانها اتت على الجرح تماما و لخصت وضعنا المخزى فى جمل بسيطة

                        و لاننى بعيد عن الكمياء فلن استطيع ان افتى فى موضوع استخدام الماء كوقود

                        و لكن اعلم ان معظم الاختراعات فى البداية كانت مجرد احلام و تحققت و كثيرا ما قوبلت بهجوم

                        و لكن المثابرة و الاصرار هو الذى يؤدى دائما الى النجاح

                        و قد مررت بهذه التجربة و قمت بتسجيل اختراع فى اكاديمية البحث العلمى

                        و للاسف تم نشره بدون أذنى ثم علمت بسرقته بعد ذلك و بيع تفاصيله .

                        و هذه الاشياء تعتبر محبطة ايضا لاى مخترع مصرى يريد ان يستفيد من اختراعه الذى تعب فيه سنين حتى يخرج به لحيز الوجود.

                        Comment


                        • #13
                          برأيي و حسب ما قرأت كتير اوي عن الموضوع ده على الانترنت وبعض الكتب
                          المشكله كلها تكمن في عمل Online Analysis للميه
                          بمعنى ... ان الكميه المحروقه من الهيدروجين في الماتور مش هتلاحق نقص الكميه المتكونه في الجهاز اللي هيتم استخراج بيه الهيدروجين وبالتالي العربيه هتقف بعد لحظات
                          طبعا عمل خلايا تحليله كتير اوي لتخطي الموضوع ده فكره وارده ... ولكن زياده التكرار للخلايا بيزيد احتمال الخطأ و هو حدوث تسرب بشكل او آخر يعمل مشكله


                          الفكره اللي عرضها بعض الاخوه ورفضها البعض الاخر هي موجوده فعليا في بعض الدول (مش فاكرها حاليا ) وبتستعمل للاتوبيسات
                          وهي عمليه تعبئة الهيدروجين زي عمليه تعبئه الغاز الطبيعي (في مصر)
                          وطبعا الهيدروجين خطر ولكن ...
                          بس ممكن نعيد الكلام اللي دايما يقال مرارا وتكراراً التكنولوجيا تطورت جدا جدا جدا جدا من آخر مره انفجر فيها المنطاد اللي كان فيه هيدروجين ده في المانيا
                          التكنولوجيا تطورت جدا عن الكلام المكتوب في الكتب بتاعت العلوم اللي من عصور المماليك هنا في مصر
                          اللي خلا الناس دلوقتي تسيطر على الالكترونات و البروتونات و النيوترونات و حتى الكواركات لوحدها وتفصل كل واحد لوحده مش هتعرف تسيطر على قابليه اشتعال الهيدروجين ؟؟؟

                          تحياتي
                          [CENTER][IMG]http://img502.imageshack.us/img502/750/do3a3mm3.gif[/IMG]

                          [IMG]http://img134.imageshack.us/img134/5892/bmwfanbywearwolfaaxx6.gif[/IMG] [IMG]http://img134.imageshack.us/img134/1016/medicalstampbydrgmqc3.gif[/IMG]
                          [FONT=Arial Black][SIZE=6][COLOR=Navy]Dr.GM[/COLOR][/SIZE][/FONT]
                          [/CENTER]

                          Comment


                          • #14
                            فعلا اشكر جميع الاخوة الزملاء على مشاركتهم جميعا فى هذا الموضوع سواء بالمستبشر خيرا بالفكرة ان تتحقق مستقبلا او المعارض لها وبالمناسبة انا مليش فى الكيمياء خالص بس عندى بعض المعلومات من ايام الدراسة اللى اكيد كلنا عارفينها
                            وفعلا فيه بعض الافكار الجميلة اللى ظهرت فى المشاركات منها على سبيل المثال :

                            مشكلة الطاقة المتحولة هل نحتاج لطاقة كبيرة لتحويل المياة لاى اكسجين وهيدروجين
                            تصورى ان الموضوع بسيط مش معقد وذلك لاننا لو نظرنا لاداء ورقة الشجر نجد انها لا تحتاج الا الى ضوء الشمس فقط كطاقة خارجية فتقوم بتحريك الاكترونات فى مادة الكلورفيل لتولد طاقة كهربائية صغيرة (9ملى فولت) لتقوم بهذا التفاعل والتحليل للمياة

                            والتى استفاد الانسان منها وصنع اول خليه شمسية مربعة بابعاد 5سم طول 5سم عرض لتولد 5 وات من ضوء الشمس والتى استطاع منها التجميع لاعداد كبيرة من الخلايا لادارة منزل متكامل ولتسخين المياة وتبخيره واستخدامة فى غلايات المستشفيات وخلافة دون الحاجة لطاقة (غير طبيعية) اكبر من الطاقة الناتجة

                            ايام الدراسة عرفنا فى الثانوية العامة فكرة عمل ملف الملكورف وشوفنا الطاقة الكهربائية الهائلة المتولدة من طاقة اخرى صغيره.

                            بالنسبة لموضوع تحويل المياة لغاز اثناء تحرك السيارة وما يعتريها من قصور فى التحويل اثناء القيادة
                            فدى ممكن تتحل بتكوين خزان هيدروجين صغير للتخزين لفترة استباقية يعنى تخزين مثلا لمدرة نصف ساعة اضافية مسبقة لدورة تحويل الهيدروجين
                            ولنا فى المكثف الكربائى عبرة حيث انه يختزن الكرباء لفترة وكثير مننا يعرف انك لو قمت باصلاح تلفزيون مثلا ممكن تصاب بصاعقة كهربائية رغم انك فاصل التيار وذلك نتيجة الكهرباء المخزنة فى المكثفات

                            موضوع تانى هو الاستفادة من طاقة حركة الموتور لتوليد كهرباء عن طريق الدينامو وممكن الموضوع دا يتتطور مستقبليا بحيث طاقة الدينمو تكون اكبر من طاقة الحركة عن طريق استخدام مجموعات تروس تزيد من طاقة الحركة كمثال باالضافة الى تقنيات اخرى كهربائية قد يحدث لها تطور مستقبلا
                            كمثال ترانس لمبات الفلورسنت صدر منها حديثا من حوالى 3 اعوام انواع جديدة تعمل على تحويل التردد ال 50 هرتز المروف الى الاف الترددات تصل الى 10000 هيرتز وبنفس حجم الترانس القديم ولكنة عبارة عن مجموعة الكترونية بدلا من الملف المعدنى التقليدى

                            وبردة تظهر فكرة اخرى وهى تخزين الهيدروجين فى اسطوانات خارجية واستخدامها

                            الموضوع لها اكثر من طريق وحل
                            وليس لنا الا التصفح والمتابعة والتفكيير والتخيل لما قد يحدث مستقبلا ونقف موقف المتفرج الذى يحاول ان يفهم ويفكر فيما قد يحدث من تطور

                            واظن انه لو احد تحدث عام 1940 مثلا عن التليفون المحمول وانه يمكنك تلقى مكالمه صوت وصورة على جهاز لا يتعدى طولة وعرضة بضع السنتيمترات وتديرة بطارية طاقتها اضعف من ان تتخيلها لظنك الجميع انك تهزى وان عقلك اصابة خلل

                            ولو تحدث احدهم انك ممكن ان تصنع سيارة تتحكم فى زجاجها بضغطة زر وان تغلقها وتفتحها بالريموت وفيها نظام abs ومثبت سرعة وباور ونظام انجيكشن وناقل حركة اتوماتيكى و........لضحك من يسمعك من تخيلاتك وقال ربنا يشفي كل مريض.
                            مع تحياتى
                            نصائح هامة عند شرائك سيارة مستعملة (منقول)
                            [url]http://www.nilemotors.com/Nile/showthread.php?t=32679[/url]

                            Comment


                            • #15
                              فكرة بردة جميلة
                              اللينك الموضوع للموقع دا ليست سيارة تعمل بالكامل بالهيدروجين
                              ولكنه يقوم بعمل تحفيز بالهيدروجين من خلال دورة الهواء الداخل الى المحرك
                              بمعنى انه يضيف هيدروجين بالاضافة الى البنزين فبتلك التجربة وجد انه يوفر من استهلاك البنزين بواقع 20% من البنزين المستخدم بالاضافة الى تقليل مستوى صوت المحرك وزيادة السحب للسيارة واطالة عمر المحرك بتقليل الكربون الناتج فى البساتم
                              والموضوع بسيط اوى ممكن فعلا يتجرب ومتكون من :
                              1- قارورة مياة بها قطبين للتحليل (طبعا هتتملى كل فترة بالمياه والقطبين كل فترة هيتغيرو)
                              2- وصلة كهرباء من البطارية وتعمل مع الكونتاكت
                              3- وصله خرطوم به h h o تدخل الى الموتورعبر خرطوم ماخذ الهواء
                              متهيالى بداية مش وحشة وخاصة انى اعرف ان فيه ناس بتقوم بتركيب نيتروز وخلافى فى السيارات
                              يعنى برده مش جديد اوى ومش مكلف خالص على كدا وبيوفر 20% من استهلاك البنزين يعنى يجيب تمنه بعد 2 او 3 تفويلات بنزين .
                              نصائح هامة عند شرائك سيارة مستعملة (منقول)
                              [url]http://www.nilemotors.com/Nile/showthread.php?t=32679[/url]

                              Comment

                              Working...
                              X