ده الجزء الأول بس ؟!!!
أول القصيدة كفر و العياذ بالله
ربنا يستر على الأجزاء القادمة
رقم العضوية : 1642
تاريخ التسجيل : 31Jul2007
المشاركات : 62
النوع : ذكر
الاقامة : Egypt,Cairo
السيارة: Subaru
السيارة[2]: Hyundai
الحالة :
%%%%%%%%%%%%%%%%%%%%%%%%%%%%%%%%%%%%%%%%%%%%%%
أنا عندى حكايه واقعيه جدا (للأسف انا مش قادر اصدقها لغاية دلوقتى) مع السياره سوبارو امبريزا 2008 Rk والوكيل المحترم أبوغالى ،وتبدأ منذ أول تعامل مع موزعه الأول عبدالهادى ثم مبيعات أبو غالى حتى الصيانه ومشاكل السياره حتى يومنا هذا .
واقسم بالله انى سأتحرى الدقه فى كل كلمه أكتبها والحمد لله كل كلمه ليها عندى ورقه رسميه تؤيدها.
وعلشان ظروف عملى القاسيه اللى كانت السبب انى لم اشارك فى المنتدى طوال هذه الفتره السابقه ،سوف احكى لكم ما حدث على أجزاء .
الجزء الأول:
بعد تفكير استمر حوالى سنتين فى افضل سياره زيرو من حيث الأمان والقوه ،وبعد البحث و المحص حول السياره المحترمه جدا باجماع الأراء فى مصر و الخارج وعلى هذا المنتدى ،استقريت على سوبارو 2007 (كانت 2008 لسه ما نزلتش) وكان معايا هونداى اكسنت 1300 ، المهم رحت لعبد الهادى اتفرج على 2007 وقابلونى مقابله حلوه اوى ،وعجبتنى العربيه جدا ولكنى فضلت انى أنتظر 2008 لسببين :
1- عدم توافر كامل الفلوس على سعر الهاى لين 2007
2 - أملى فى أن 2008 سوف تكون فيها الايرباج الكامله 8 مش 2 زى 2007 ،علشان انا اهم حاجه عندى الأمان من اللى بشوفوا يوميا على الدائرى من حوادث تشيب.
أول ما عرفت أن 2008 نزلت، رحت لعبد الهادى ما لقيتش غير عربيه واحده لونها أبيض مانيوال ، المهم قولتله أنا عايز الهاى لين الأوتوماتك ال 8 ايرباج وطلبت أشوف الالوان قالى كل الألوان جايه بكره المهم احجز دلوقتى و سوف أعملك تخفيض حوالى 2000 جنيه ،قولتله أنا معايا مبلغ الحجز لكن اللون مهم أشوفه الأول ،امال انا ححجز لون ايه؟
ولما عرف انى معايا عربيه قالى اخودها منك وبعد ما كشف عليها و لقاها فابريكه بره و جوه ادانى سعر اقل من السوق بحوالى 2500 جنيه و ساعتها فهمت انه ناوى يعوض الخصم اللى وعدنى بيه،ولما ناقشته اعترف بذلك فرفضت أنا و قلت أنا حبيعها بره و حديلك فلوسك كاش.
المهم اتفقنا أنه سيتصل بى عند توافر الألوان الأخرى فى خلال يوم أو أتنين لكى احضر وأحجز ثم ابيع سيارتى الهونداى و أجيبلوا باقى الفلوس عند الاستلام.
مر حوالى اسبوع كل يوم اكلمه يقولى بكره وللأسف بعت عربيتى ورحتله مالقيتش أى عربيات قالى انهارده بليل كل الألوان جيه من أبو غالى وسوف يكلمنى غدا.
وفات شهر وانا كل يومين اكلمه و لا جديد (وانا كل هذه المده معاييش عربيه) ،حتى فى يوم كلمته و قالى تعال بكره احجز الألوان كلها جت ،فرحت تانى يوم أنا ومراتى وابنى (علشان افرجهم على العربيه الجديده ) ما لقتش غير اللون الأحمر المانيوال وقالى كله اتباع امبارح،وطبعا أنا زعلت جدا ،ولما لاحظ ذلك قالى هو انت عايز لون ايه ،قلتله برغم انا ما شفتش الوان ياريت الفضى قالى طب انتظر ثوانى.
وعمل نفسه بيتكلم فى التليفون و رجعلى قالى فى عربيه سوده Rk بس سعرها زاد 2000 جنيه علشان الين اليابانى زاد ومش حقدر اديلك الخصم اللى قلتلك عليه قبل كده ، ولو مش عايز الاسود احجز فى الدفعه اللى جايه.
وساعتها عرفت انى بيتنصب عليا فمشيت ،وكلمت ابوغالى روكسى و حكيت اللى حصل قالى مين اللى قالك كده عند عبد الهادى ادينى أسمه بسرعه ،أنا الألوان كلها عندى دلوقتى تعالى شوف وأحجز بالسعر العادى.
رحت لأبو غالىتانى يوم الصبح مالقيتش غير اللون الأبيض المانيوال و قالى كله طلع امبارح ،معلش احجز فى الدفعه الجديده اللى جايه علشان الدفعه القديمه خلصت لكن الدفعه الجديده زادت 2000 جنيه علشان الين اليابانى ارتفع ،والدفعه الجديده جايه كمان اسبوعين.
ساعتها فهمت ان عبد الهادى كان منفضلى علشان ميلتزمش بالخصم اللى وعدنى بيه وكان عايز يبيعلى عربيه فاضله عنده من الدفعه القديمه بزياده 2000 جنيه كمان .
قولتله أنا بقالى شهر و نصف بسبب اللى عمله معايا عبد الهادى و المفروض تحاسبنى على السعر القديم قالى مش حينفع انزل و لا جنيه.
أشتكيت لمدير مبيعات أبوغالى ،وحكيتله على كل اللى حصل و قالى حشوف واكلمك وأتصل بيه وفضل يعتزر على اللى عمله عبد الهادى و ادارة عبد الهادى كمان اتصلت تعتزر، المهم قاللى معلش احجز دلوقتى فى الدفعه الجديده ولكن مش حنقدر ننزل جنيه ،روح لمديرمبيعات فرع روكسى وهو ممكن يعوضهالك بهديه مننا كاعتزار.
ورحت لمدير الفرع أ/أحمد يسرى وبعد مباحثات قالى مش حقدر انزل جنيه لكن ممكن احطلك زينون هديه + عضوية نادى سوبارو (يشمل خصم 25% على المصنعيات ).
المهم وافقت لكن قولتلوا أنا عارف ان الزينون مهم يكون نوع كويس علشان ما تحصلش مصبيه فى كهربة العربيه ،اللى بتركبوه نوعه ايه ؟ ،فرفع سماعة التليفون وكلم مركز الخدمه الرئيسى وقالى Hid المانى ،قلتله كويس بس معلش لو كان حاجه غير كده بلاش و الف شكر على الهديه كانها وصلت ،قالى عيب المانى المانى .
دفعت مبلغ الحجز (10000 جنيه) ،وطلبت منه طلب وحيد وهو بالنص "انا جيت هنا لأبوغالى الوكيل لسوبارو بعد الكلام الفاضى اللى حصل مع عبد الهادى فلو سمحت انا دفعت الحجز هنا فى أبوغالى لو سمحت أنا عايز اخد العربيه منكم انتو مش عايز أتعامل ولا اشوف حد و لا اى ورقه من عبد الهادى " قالى عيب انت بتتعامل دلوقتى مع أبو غالى وكل ورق العربيه حتستلمه مننا و عليه اسمنا.
الاسبوعين امتدوا لشهر واسبوع وفى النهايه اتصل بيه علشان اروح استلم ، روحت لفرع روكسى صباحا و أنا فى قمة الفرح لقيت عربيتى مش موجوده و بعد انتظار دام لخمسه ساعات لقيت اثنين من عبد الهادى جيبين العربيه وبيفرجونى عليها وعايزين بقية الفلوس ومعاه ايصال بباقى المبلغ من عبد الهادى.
ناديت لأحمد يسرى و قلتله احنا متفقناش على كده قالى معلش اصلى انا حاسبها على حصته،قلتلوا ازاى ادفع العربون عند ابوغالى و الباقى لعبد الهادى، قالى مافيهاش حاجه وبعد حوار عنيف لمدة ساعه قالى على العموم لو مش عاجب حضرتك فلوسك معاك و العربيه معانا.
فكلمت مدير المبيعات و بعد محادثات لمدة ساعتين أخيرا وافقوا انى اسدد باقى الثمن (126900 جنيه) فى خزينة ابوغالى واستلمت الايصال منهم والسياره + الزينون متركب لكن لم استلم الأفراج الجمركى و لا ورق العربيه و لا عضويه نادى سوبارو و لا كتالوج اليساره ولا المفتاح الثانى وقالولى سوف تستلمهم بعد يومين ان شاء الله.
اليومين امتدوا لأسبوعين و طبعا علقت نمر تجاريه علشان مركنش العربيه كل الوقت ده (60 جنيه لليوم)
ولما اشتكيت لمدير المبيعات اعتزر واخيرا بعتولى ورق السياره فقط بدون الكتالوج وبدون النسخه الثانيه من المفتاح وبدون عضويه النادى.
المهم أخيرا رخصت
تعليقى على ما سبق هو أن الناس دى درسوا المبيعات والتسويق من وجهة نظر أخرى و هى ازاى تجيب الزبون وتدبسه وتاخد منه أعلى مكسب ممكن،الأضافه الى عدم الألتزام بالوعود والأتفاقات.
################################################## ###########
رقم العضوية : 1375
تاريخ التسجيل : 08Jul2007
المشاركات : 2,957
الحالة :
ده الجزء الأول بس ؟!!!
أول القصيدة كفر و العياذ بالله
ربنا يستر على الأجزاء القادمة
رقم العضوية : 1642
تاريخ التسجيل : 31Jul2007
المشاركات : 62
النوع : ذكر
الاقامة : Egypt,Cairo
السيارة: Subaru
السيارة[2]: Hyundai
الحالة :
################################################## ##########
الجزء الثانى :
أخدت العربيه و أنا فى قمة الاجهاد ولكنى حاولت ان اتناسى ما حدث و هنئت نفسى بالعربيه السوبارو الاسطوره.
بداً من يوم 23/4/2008 وفى كل يوم وفى كل ساعه وفى كل لحظه كنت مش مصدق نهائيا performance السياره الاسطوره الذى لا يمكن أن يوصف بكلمات وكنت بهنئ نفسى على أختيارى الموفق.
رحت جبت طقم عراقات فاخر (مش كسوه علشان مغطيش الايرباج اللى فى الكراسى) ، ومليت الكاوتش نيتروجين فى توكيل برجستون (طبعا بعد ما روحت التوكيل ووافقوا و رحبوا بالنيتروجين)
طبعا لازم ادلعها ،ربنا اعلم أنا أخذت قرض من البنك ازاى و كملت باقى تمنها ازاى علشان اجيب عربيه محترمه أحافظ عليها وتقعد معايا عمر ووداعا للميكانيكى و الاعطال و سواقة المانيوال.
لذلك جبت High line RK الاوتوماتك علشان اسوق زى الباشا عربيتى التى تعد الاولى و الوحيده فى فئتها top safety 2008 حسب IIHS ،ولأخذ الأسباب بشأن الحوادث بالذات علشان ابنى الطفل و زوجتى.
أقول ايه فيها بس :أنا ماكنتش بحس انى ماشى 160 الا من العداد و كانت زوجتى لما تشوفه تؤكد انه بايظ ، ولا الثبات فى الملفات و كلبشة العربيه فى الأرض برخامه.
الحاجه الوحيدة اللى كنت ملاحظها هو انها تقيله فى التسارع بالذات لما جربت المانيوال منها حسيت بفرق كبير ، ولكن مش مشكله انا مش جايبها علشان اجرى و اسبق حد و لا شقاوه ولا حاجه علشان انا كنت ناوى اقتل اى حد يخربشها او حتى يقف جنبها.
المهم رحت عملت صيانة الألف فى المعادى وكله تمام .وكل يوم اخدها من تحت بيتى فى المعادى الجديده الى عملى فى مدينة نصر عن طريق الدائرى ثم طريق القطاميه وهى طرق ممهده جيدا ورغم ذلك كانت اعلى سرعه 90 علشان الرادار، ثم ارجع من الشغل الى البيت اركنها ومنزلش تانى علشان أنا مشغول فى دراستى بماجستير الكمبيوتر.
مفاجأه رقم 1:
فى يوم لاحظت انه فيه تخبيط فى العجله الأماميه يمين وأنا ماشى خصوصا وانا بعدى على المطبات الصناعى ببطء ،المهم ما حططش فى بالى نهائيا .
ولكن فى يوم وأنا بقفل جنزير السلسله مكان ما بركنها لقيت نقط زيت على الارض من الناحيه اليمين قدام .
رفعت العجله اليمين قدام بالكريك وحطيت ايدى على المساعد لقيتة غرقان زيت ،أخذت اجازه وجريت على صيانة جسر السويس وقابلت المهندس ايهاب وحكيت له اللى حصل رفع العربيه و فك العجله لقينا المساعد غرقان زيت ومنقط حتى الدشمه بتاعة العجله.
وقفت فى ذهول وقلتله: ايه ده
هو: زيت
أنا : ازاى
هو:المساعد ضرب زيت
انا: بعد 5 دقائق لما فقت.....ازاى عربيه سوبارو مساعد يضرب زيت عند 3151 كم
هو:لسه حنشوف ولو كان بايظ عادى ووارد ،عيب صناعه،اومال احنا مديينك ضمان 3 سنين ليه
المهم غسل المساعد وركب و طلعنا بالعربيه وقام بتجربتها بعنف ورجعنا فك العجله لقى المساعد جاب زيت تانى ففكه وقالى ده حيتغير (طبعا هو نظفه الأول وطلع جرب علشان يشيل احتمال انى انا اللى حاطط زيت على المساعد)
ثم طلع مساعد جديد من المخزن وركبوه وقاللى:
هو: يالا نجرب
انا:مش حنظبت زوايا
هو:ما فيش لازمه احنا علمنا على المساعد ثم ان جهاز الزوايا عايز يتعاير.
وأخيرا اصريت انه يسجلى تغيير المساعد فى كتيب الضمان وقام بذلك.
################################################## ##########
رقم العضوية : 3848
تاريخ التسجيل : 25Dec2007
المشاركات : 3,011
النوع : ذكر
الاقامة : Heliopolis
السيارة: ربنا يبارك في الاولي
السيارة[2]: Mazda 3 - 2008
دراجة بخارية: لا امتلك
الحالة :
يالهوي ليسه في حاجه تاني ياباش ولا ايه كفايه كده
اول القصيده كفر و بقيتها حاجه افظع من الكفر بس مش لاقيلها معني و ربنا يستر في الباقي ...................؟
رقم العضوية : 3186
تاريخ التسجيل : 14Nov2007
المشاركات : 3,576
النوع : ذكر
الاقامة : الهرم
السيارة: mercedes
السيارة[2]: ibiza
الحالة :
مساعد امبريزا يضرب عند 3151 كيلو يا نهار اسود دي الامبريزا دي انا بعتبرها اقرب عربية ياباني للالماني لابنا يكون في عونك و يعينك علي ما بلاك!!
رقم العضوية : 15504
تاريخ التسجيل : 30Jul2008
المشاركات : 1,772
النوع : ذكر
الاقامة : مصر المحتلة
السيارة: كيا
السيارة[2]: كيا
الحالة :
لا حول ولا قوة الا بالله دة كله ولسة زيرو ربنا يصبرك
مبروك ومتابع الاجزاء القادمة لو في
ها قد اصبحت "موديل قديم"
رقم العضوية : 14840
تاريخ التسجيل : 16Jul2008
المشاركات : 429
النوع : ذكر
الاقامة : Egypt
السيارة: Toyota Corolla
السيارة[2]: Skoda Octavia 2009
الحالة :
ana metabe3 hadretak we mestany 3ashan ana ba7eb el 3rbya de gedan we nefsy asm3 7ad megrbha ya3ni
رقم العضوية : 5614
تاريخ التسجيل : 13Feb2008
المشاركات : 816
النوع : ذكر
الاقامة : ireland
السيارة: golf soon
السيارة[2]: ford fietsa ghia 2002
دراجة بخارية: no
الحالة :
انا جالي اكتئاب.وبسسسسسسسسسسسسسسس.
bemo,ire
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
ربنا يصبرك يا باشا و منتظرين الباقى
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 10752
تاريخ التسجيل : 15May2008
المشاركات : 1,825
النوع : ذكر
الاقامة : Alexandria
السيارة: HYUNDAI Verna 2014 M/T
السيارة[2]: Proton GEN2 A/T 2008
دراجة بخارية: no
الحالة :
الحمد لله علي كدا .............. و يارب يكون ما فيش حاجة تانية ان شاء الله و رمضان كريم
Eng.Mo'men Hamdy Fahmy
المفضلات