الخطوات الـ 55 لترخيص شاريد 91

[cybrarian]

مش عارف إذا كان ربنا ابتلاني ولا أنعم عليا لما أشتريت عربية شاريد موديل 91، ودا كان في مارس 2008، وطبعا انا اشتريت بتوكيل عن توكيل، يعني لازم اعمل نقل ملكية وفحص وفقا للقرار الجديد بعدم التجديد لمن يحمل توكيلين، وحدث ان الرخصة ضاعت مني وعملت محضر في القسم.

وجاء موعد التجديد ونقل الملكية، وابلغني احد الاصدقاء انه يعرف واحد بيخلص – يعني يطلع الرخصة – وهاياخد حوالي 250 جنيه، أنا رفضت وعملت فيها أبو السباع وأبو الاشراف، وقلت طالما العربية سليمة والورق تمام يبقى اخلص انا المواضيع دي كلها.

عربيتي تابعة لمرور الهرم اللى بيقولو عليه مرور فيصل، وانا والحمد لله ساكن في الهرم، يعني تجنبت قصة نقل الملف والنمر. توكلت على الله وبدأت رحلة نقل الملكية والفحص، واليكم الخطوات الـ 55:

السبت 11 أكتوبر 2008
1. جبت طلب الحصول على شهادة بيانات للشهر العقاري.
2. رحت لشباك تقديم الطلب، وبعد ما وقفت حوالي نص ساعة وصلت للشباك وقدمت الطلب، فرد عليا الموظف واسمه علي – اسف علي بيه – وقالي" فين الدمغة، روح هاتها من الخزنة وتعالى.
3. رحت الخزنة وكانت الساعة حوالي 11:30 ولقيت 3 طوابير أقل واحد فيهم حوالي 20 متر وكان فيهم طابور دوبل – يعني الناس واقفين اتنين في جنب بعض، طبعا انا لقيت الموضوع كدة، وكان باقي نص ساعة والخزنة تقفل، فقلت امس وأجي بكرة.

الأحد 12 أكتوبر 2008
4. وصلت بدري في حدود الساعة 8 ودخلت على الخزنة وأشتريت كل الاوراق والنماذج والدمغات التي ساحتجها، لاني طبعا ادركت ان اللى يوصل للخزنة ده بطل.
5. توجهت لشباك تقديم طلب الحصول على شهادة البيانات عند علي بيه، أخد رقم الرخصة وكتبه في ورقة واعطاه للعسكري عشان يجيب الملف.
6. انتظرت حوالي ساعتين، وكل 10 دقايق العسكري يجيب ملفات والملف بتاعي مش فيهم، فأسأل على بيه ميردش عليا الا بعد تالت مرة، وبعد ساعتين ونص واحد ابن حلال قالي "انت كل ده منتظر الملف، روح ادي العسكري 3 جنيه هتلاقي الملف عندك"، وفعلا عملت كدة وبعد 5 دقائق لقيت الملف على مكتب علي بيه !!!
7. الحمد لله الملف جه، قام علي بيه فاتحه وطلع ورقتين وشخبط فيهم – قصدي كتب فيهم – شوية ارقام مش فاهم منهم حاجة، وقالي روح الخزنة ادفع !!! طب ادفع ايه ؟؟ طب دي فلوس ايه ؟؟
8. رحت الخزنة تاني!! لقيت نفس المنظر بتاع امبارح 3 طوابير أقل واحد فيهم حوالي 20 متر وكان فيهم طابور دوبل – يعني الناس واقفين اتنين في جنب بعض – وقفت في اقصر طابور وبعد حوالي ساعة ونص دفعت الفلوس، وعرفت من الموظف ان دي فلوس الضريبة والشهادة.
9. رجعت لعلي بيه ومعايا الوصل، أخده مني وقالي "فين الطلب بتاعك" قلت "انت اخدته"، المهم دور ع الطلب وصورة المحضر .. مش موجودين، البيه ضيعهم.
10. أشتريت طلب جديد، ورجعت الشباك تاني اسلمه لعلي بيه.
11. علي بيه قعد يشخبط في شوية ورق ويكتب حاجات غريبة مش فاهم منها حاجة، والمهم قال انتظر نص ساعة وتاخد الشهادة.
12. فرحت جدا وانتظرت عند شباك التسليم، وطبعا هو قالي نص ساعة، ونص ساعة كمان من عندي يعني هانتظر بالكتير ساعة.
13. علي بيه احد الملف الى رئيس القسم.
14. رئيس القسم ارسله الى الظابط في مكتب تاني خالص.
15. الظابط رجع الملف لرئيس القسم.
16. رئيس القسم ارسله الى موظف الكومبيوتر، انا هنا قلت الحمد لله هانت !!
17. موظف الكومبيوتر طبع الشهادة.
18. موظف الكومبيوتر رجع الملف بأكمله الى رئيس القسم.
19. رئيس القسم أرسل الملف والشهادة الى موظف التسليم
20. موظف التسليم قام بتغليف الشهادة.
21. والحمد لله بعد ساعتين ونص انتظار استلمت الشهادة، واحنا واقفين منتظرين الشهادات كان في واحد منتظر معانا ما شاء الله طول بعرض، ولا سمع اسمه من فرحته داس على 3 بني ادمين في سكته وزق 2 تانيين، بس احنا كنا مقدرين شعوره.

السبت 18 أكتوبر 2008
22. دا بقى كان يوم الفحص، وقبل ما اروح الكل أمد عليا اني اخد معايا فلوس فكة كتير خمسات وعشرات، المهم بدأت اليوم بالانتظار بالعربية امام مكان الفحص.
23. رحت للظابط للحصول على تأشيرة الفحص، فقال العربية فين، قلت له على الباب، فرد وقال "لأ لما العربية تدخل ابقى تعالى.
24. بعد ما العربية دخلت وقفت في الطابور واخدت التأشيرة.
25. بسرعة شديدة جاء الفني واخد بصمة الماتور والشاسية، وقالي "خرج العربية برة وتعالى" قلت لسة المهندس مفحصش العربية، فقال "اعمل اللى بقولك عليه"
26. خرجت برة وركنت العربية، ورجعت تاني للمهندس واعطيته الورق، فقالي "فين العربية؟ مين اللى قالك خرجها برة"
27. رحت للفني وقلت له ليه خلتني اخرج العربية برة؟ خدني للظابط وقاله المهندس مش راضي يفحص للبيه، فالظابط قال له "قل للمهندس يفحص له"
28. الفني راح للمهندس وقاله "الباشا بيقولك خلص البيه بسرعة" تقريبا المهندس فهم اني تبع الظابط فكتب التقرير من غير ما يشوف العربية، وفي كل الاحوال العربية كانت جاهزة ولسه خارجه من الفرن، يعني مكنش ها يتكلم.
29. 5 جنيه للراجل بتاع فحص الشكمان ومضى وختم.
30. اشتريت طفايه جديدة لاني اللى معايا تاريخها 2002 ولازم تكون معداش عليها 5 سنين، وكدة انا خلصت الفحص وطبعا مكنتش مصدق نفسي اني خلصت في ساعة واحدة بس.
31. توجهت للحصول على شهادة المخالفات، قدمت سهادة البيانات وانتظرت النتيجة.
32. سعمت اسمي من شباك الخزنة، طبعا لاني عامل مخالفات.
33. فتحوا باب الخزنة لانه مقفول المفتاح معرفش ليه، وقفنا في الطابور ودفعنا، وقالوا انتظروا تاخدو الشهادة والوصل.
34. بعد نص ساعة اخدت الشهادة والوصل، وده كان اقصر يوم ليا في المرور من 8 صباحا الى 1:30.


الأثنين 20 أكتوبر 2008
35. باقي خطوة اخيرة لتقديم الورق والحصول على الرخصة، وهى تسجيل العربية في الشهر العقاري، توجهت صباحا الساعة 8 الى مكتب التسجيل اللى في مرور بين السرايات.
36. قدمت البطاقة وشهادة البيانات والتوكيلين.
37. بعد 5 دقائق بالظبط سمعت اسمي، مصدقتش وداني وقلت اكيد في غلط، معقولة ده اسمي !! رحت جري للبيه الموظف، ودار الحوار الاتي:
الموظف: اولا شهادة البيانات دي مش مختومة بختم النسر، وثانيا التوكيل ده مش مظبوط
أنا: الشهادة معاك حق فيها وهاختمها من المرور، لكن لتوكيل ماله؟
الموظف: الاسم مش مظبوط وفيه شك – انا اسمي محمود عبد الستار محمود خليفة – عشان محمود الاولى مش زي التانية" !!!!
أنا: ازاي يا استاذ، مش انت قرأته محمود ولا حاجة تانية؟
الموظف: ايوة محمود مش في اختلاف بينهم ومدة هي محل شك.
وبعد جدل كبير بينا قال: بص احنا عارفين الحركات دي كويس من الاخر كدة، التوكيل ده بتاع اخوك حمود وانت اخدته وحطيت الميم على اسمه عشان تبقى محمود !!!!
مش قادر اوصف ليكم احساسي في اللحظة دي، فهى مشاعر تمزج بين الفرحة والاحباط معا، الفرحة لان طلع ليا اخ جديد اسمه حمود والاحباط لتعطيل الاجراءات.

بعد جدال وبعد اخد رأي المديرة اللى طبعا اكدت كلام الموظف، واكدت ان ده توكيل حمود وانا اخده
38. رحت مرور فيصل لختم الشهادة.
39. بعد كدة رحت مكتب شهر العقاري مصر القديمة لتعديل الاسم.
40. رجعت للموظف في بين السرايات، وقدمت الورق تاني.
41. ذهبت للخزنة لتقدير قيمة التسجيل.
42. الانتظار حتى سماع اسمي لدفع الرسوم.
43. تقديم الاوراق والايصال الى الموظف مرة اخرى، وانتظار سماع اسمي.
44. سمعت اسمي والحمد لله بعد نص ساعة، طلب الموظف توقيعي في دفتر.
45. العودة مرة اخرى للخزنة لختم العقد.
46. الحمد لله كدة حصلت على العقد وكانت الساعة 1 ظهرا، عدت مرة اخرى الى مرور فيصل لتقديم الورق الى شباك الرخص.
47. قدمت الورق للموظف.
48. طلب الملف من العسكري، وطبعا انا اتعلمت ... جبت العسكري ودفعت المعلوم وجاب الملف في ثواني.
49. الموظف فحص الاوراق وقال كله تمام، بس ناقص ضريبة لم تدفع !!!! ازاي يا سيدي انا دافع كل حاجة والوصلات في الملف ؟؟؟ فرد البيه وقال اصل دي ضريبة جديدة ظهرت الاسبوع ده !!!!
50. رحت الخزنة ادفع الضريبة الجديدة، وطبعا الخزنة قفلت، وطلبت من الموظف التأكد من ان الورق كامل، وسألته : هل فيه ضريبة جديدة هاتظهر بالليل ؟؟!!!

الثلاثاء 21 أكتوبر 2008
51. في 8 صباحا كنت اول واحد على الخزنة، دفعت الضريبة الجديدة.
52. قدمت الورق للموظف.
53. انتظر 20 ساعة للحصول على الرخصة.
54. قبل الاستلام طلب منى الموظف امضي ورقة من مخزن اللوحات، ورحت لموظف اللوحات شخبط ع الورق.
55. استلمت الرخصة

طبعا انا حتى الان مش مصدق نفسي، وحاطط الرخصة ادامي وكل شوية ابص عليها واقرأها، وفرجتها لكل اصحابي في الشغل.
انا بس في الاخر ليا سؤال : مين ابن الـ .... تيييييت.... اللى قال أنها ام الدنيا؟؟

[solycar]

انت ليك الجنة يا اخى
بس انت شكلك بتحب الصيد

[cybrarian]

دا حالي بعد الرحلة الطويلة


:huh:

[MotorX]

بصراحة ما فيش حاجة موتتني من الضحك اكتر من حكاية "حمود" دي:k48: ، ربنا يكون في عونك ويعينا جميعا.

تحياتي.

[cybrarian]

انا فعلا مش عارف بالي كان طويييييييييييل جدا جدا ازاي

[hanystar]

الله يكون فى عونك
هو دة حال البلد
روتين وإجراءات عقيمة
بس متخليش حمود يسوق العربية بقى
هههههه

[sh23]

مش عارف إذا كان ربنا ابتلاني ولا أنعم عليا لما أشتريت عربية شاريد موديل 91، ودا كان في مارس 2008، وطبعا انا اشتريت بتوكيل عن توكيل، يعني لازم اعمل نقل ملكية وفحص وفقا للقرار الجديد بعدم التجديد لمن يحمل توكيلين، وحدث ان الرخصة ضاعت مني وعملت محضر في القسم.

وجاء موعد التجديد ونقل الملكية، وابلغني احد الاصدقاء انه يعرف واحد بيخلص – يعني يطلع الرخصة – وهاياخد حوالي 250 جنيه، أنا رفضت وعملت فيها أبو السباع وأبو الاشراف، وقلت طالما العربية سليمة والورق تمام يبقى اخلص انا المواضيع دي كلها.

عربيتي تابعة لمرور الهرم اللى بيقولو عليه مرور فيصل، وانا والحمد لله ساكن في الهرم، يعني تجنبت قصة نقل الملف والنمر. توكلت على الله وبدأت رحلة نقل الملكية والفحص، واليكم الخطوات الـ 55:

السبت 11 أكتوبر 2008
1. جبت طلب الحصول على شهادة بيانات للشهر العقاري.
2. رحت لشباك تقديم الطلب، وبعد ما وقفت حوالي نص ساعة وصلت للشباك وقدمت الطلب، فرد عليا الموظف واسمه علي – اسف علي بيه – وقالي" فين الدمغة، روح هاتها من الخزنة وتعالى.
3. رحت الخزنة وكانت الساعة حوالي 11:30 ولقيت 3 طوابير أقل واحد فيهم حوالي 20 متر وكان فيهم طابور دوبل – يعني الناس واقفين اتنين في جنب بعض، طبعا انا لقيت الموضوع كدة، وكان باقي نص ساعة والخزنة تقفل، فقلت امس وأجي بكرة.

الأحد 12 أكتوبر 2008
4. وصلت بدري في حدود الساعة 8 ودخلت على الخزنة وأشتريت كل الاوراق والنماذج والدمغات التي ساحتجها، لاني طبعا ادركت ان اللى يوصل للخزنة ده بطل.
5. توجهت لشباك تقديم طلب الحصول على شهادة البيانات عند علي بيه، أخد رقم الرخصة وكتبه في ورقة واعطاه للعسكري عشان يجيب الملف.
6. انتظرت حوالي ساعتين، وكل 10 دقايق العسكري يجيب ملفات والملف بتاعي مش فيهم، فأسأل على بيه ميردش عليا الا بعد تالت مرة، وبعد ساعتين ونص واحد ابن حلال قالي "انت كل ده منتظر الملف، روح ادي العسكري 3 جنيه هتلاقي الملف عندك"، وفعلا عملت كدة وبعد 5 دقائق لقيت الملف على مكتب علي بيه !!!
7. الحمد لله الملف جه، قام علي بيه فاتحه وطلع ورقتين وشخبط فيهم – قصدي كتب فيهم – شوية ارقام مش فاهم منهم حاجة، وقالي روح الخزنة ادفع !!! طب ادفع ايه ؟؟ طب دي فلوس ايه ؟؟
8. رحت الخزنة تاني!! لقيت نفس المنظر بتاع امبارح 3 طوابير أقل واحد فيهم حوالي 20 متر وكان فيهم طابور دوبل – يعني الناس واقفين اتنين في جنب بعض – وقفت في اقصر طابور وبعد حوالي ساعة ونص دفعت الفلوس، وعرفت من الموظف ان دي فلوس الضريبة والشهادة.
9. رجعت لعلي بيه ومعايا الوصل، أخده مني وقالي "فين الطلب بتاعك" قلت "انت اخدته"، المهم دور ع الطلب وصورة المحضر .. مش موجودين، البيه ضيعهم.
10. أشتريت طلب جديد، ورجعت الشباك تاني اسلمه لعلي بيه.
11. علي بيه قعد يشخبط في شوية ورق ويكتب حاجات غريبة مش فاهم منها حاجة، والمهم قال انتظر نص ساعة وتاخد الشهادة.
12. فرحت جدا وانتظرت عند شباك التسليم، وطبعا هو قالي نص ساعة، ونص ساعة كمان من عندي يعني هانتظر بالكتير ساعة.
13. علي بيه احد الملف الى رئيس القسم.
14. رئيس القسم ارسله الى الظابط في مكتب تاني خالص.
15. الظابط رجع الملف لرئيس القسم.
16. رئيس القسم ارسله الى موظف الكومبيوتر، انا هنا قلت الحمد لله هانت !!
17. موظف الكومبيوتر طبع الشهادة.
18. موظف الكومبيوتر رجع الملف بأكمله الى رئيس القسم.
19. رئيس القسم أرسل الملف والشهادة الى موظف التسليم
20. موظف التسليم قام بتغليف الشهادة.
21. والحمد لله بعد ساعتين ونص انتظار استلمت الشهادة، واحنا واقفين منتظرين الشهادات كان في واحد منتظر معانا ما شاء الله طول بعرض، ولا سمع اسمه من فرحته داس على 3 بني ادمين في سكته وزق 2 تانيين، بس احنا كنا مقدرين شعوره.

السبت 18 أكتوبر 2008
22. دا بقى كان يوم الفحص، وقبل ما اروح الكل أمد عليا اني اخد معايا فلوس فكة كتير خمسات وعشرات، المهم بدأت اليوم بالانتظار بالعربية امام مكان الفحص.
23. رحت للظابط للحصول على تأشيرة الفحص، فقال العربية فين، قلت له على الباب، فرد وقال "لأ لما العربية تدخل ابقى تعالى.
24. بعد ما العربية دخلت وقفت في الطابور واخدت التأشيرة.
25. بسرعة شديدة جاء الفني واخد بصمة الماتور والشاسية، وقالي "خرج العربية برة وتعالى" قلت لسة المهندس مفحصش العربية، فقال "اعمل اللى بقولك عليه"
26. خرجت برة وركنت العربية، ورجعت تاني للمهندس واعطيته الورق، فقالي "فين العربية؟ مين اللى قالك خرجها برة"
27. رحت للفني وقلت له ليه خلتني اخرج العربية برة؟ خدني للظابط وقاله المهندس مش راضي يفحص للبيه، فالظابط قال له "قل للمهندس يفحص له"
28. الفني راح للمهندس وقاله "الباشا بيقولك خلص البيه بسرعة" تقريبا المهندس فهم اني تبع الظابط فكتب التقرير من غير ما يشوف العربية، وفي كل الاحوال العربية كانت جاهزة ولسه خارجه من الفرن، يعني مكنش ها يتكلم.
29. 5 جنيه للراجل بتاع فحص الشكمان ومضى وختم.
30. اشتريت طفايه جديدة لاني اللى معايا تاريخها 2002 ولازم تكون معداش عليها 5 سنين، وكدة انا خلصت الفحص وطبعا مكنتش مصدق نفسي اني خلصت في ساعة واحدة بس.
31. توجهت للحصول على شهادة المخالفات، قدمت سهادة البيانات وانتظرت النتيجة.
32. سعمت اسمي من شباك الخزنة، طبعا لاني عامل مخالفات.
33. فتحوا باب الخزنة لانه مقفول المفتاح معرفش ليه، وقفنا في الطابور ودفعنا، وقالوا انتظروا تاخدو الشهادة والوصل.
34. بعد نص ساعة اخدت الشهادة والوصل، وده كان اقصر يوم ليا في المرور من 8 صباحا الى 1:30.


الأثنين 20 أكتوبر 2008
35. باقي خطوة اخيرة لتقديم الورق والحصول على الرخصة، وهى تسجيل العربية في الشهر العقاري، توجهت صباحا الساعة 8 الى مكتب التسجيل اللى في مرور بين السرايات.
36. قدمت البطاقة وشهادة البيانات والتوكيلين.
37. بعد 5 دقائق بالظبط سمعت اسمي، مصدقتش وداني وقلت اكيد في غلط، معقولة ده اسمي !! رحت جري للبيه الموظف، ودار الحوار الاتي:
الموظف: اولا شهادة البيانات دي مش مختومة بختم النسر، وثانيا التوكيل ده مش مظبوط
أنا: الشهادة معاك حق فيها وهاختمها من المرور، لكن لتوكيل ماله؟
الموظف: الاسم مش مظبوط وفيه شك – انا اسمي محمود عبد الستار محمود خليفة – عشان محمود الاولى مش زي التانية" !!!!
أنا: ازاي يا استاذ، مش انت قرأته محمود ولا حاجة تانية؟
الموظف: ايوة محمود مش في اختلاف بينهم ومدة هي محل شك.
وبعد جدل كبير بينا قال: بص احنا عارفين الحركات دي كويس من الاخر كدة، التوكيل ده بتاع اخوك حمود وانت اخدته وحطيت الميم على اسمه عشان تبقى محمود !!!!
مش قادر اوصف ليكم احساسي في اللحظة دي، فهى مشاعر تمزج بين الفرحة والاحباط معا، الفرحة لان طلع ليا اخ جديد اسمه حمود والاحباط لتعطيل الاجراءات.

بعد جدال وبعد اخد رأي المديرة اللى طبعا اكدت كلام الموظف، واكدت ان ده توكيل حمود وانا اخده
38. رحت مرور فيصل لختم الشهادة.
39. بعد كدة رحت مكتب شهر العقاري مصر القديمة لتعديل الاسم.
40. رجعت للموظف في بين السرايات، وقدمت الورق تاني.
41. ذهبت للخزنة لتقدير قيمة التسجيل.
42. الانتظار حتى سماع اسمي لدفع الرسوم.
43. تقديم الاوراق والايصال الى الموظف مرة اخرى، وانتظار سماع اسمي.
44. سمعت اسمي والحمد لله بعد نص ساعة، طلب الموظف توقيعي في دفتر.
45. العودة مرة اخرى للخزنة لختم العقد.
46. الحمد لله كدة حصلت على العقد وكانت الساعة 1 ظهرا، عدت مرة اخرى الى مرور فيصل لتقديم الورق الى شباك الرخص.
47. قدمت الورق للموظف.
48. طلب الملف من العسكري، وطبعا انا اتعلمت ... جبت العسكري ودفعت المعلوم وجاب الملف في ثواني.
49. الموظف فحص الاوراق وقال كله تمام، بس ناقص ضريبة لم تدفع !!!! ازاي يا سيدي انا دافع كل حاجة والوصلات في الملف ؟؟؟ فرد البيه وقال اصل دي ضريبة جديدة ظهرت الاسبوع ده !!!!
50. رحت الخزنة ادفع الضريبة الجديدة، وطبعا الخزنة قفلت، وطلبت من الموظف التأكد من ان الورق كامل، وسألته : هل فيه ضريبة جديدة هاتظهر بالليل ؟؟!!!

الثلاثاء 21 أكتوبر 2008
51. في 8 صباحا كنت اول واحد على الخزنة، دفعت الضريبة الجديدة.
52. قدمت الورق للموظف.
53. انتظر 20 ساعة للحصول على الرخصة.
54. قبل الاستلام طلب منى الموظف امضي ورقة من مخزن اللوحات، ورحت لموظف اللوحات شخبط ع الورق.
55. استلمت الرخصة

طبعا انا حتى الان مش مصدق نفسي، وحاطط الرخصة ادامي وكل شوية ابص عليها واقرأها، وفرجتها لكل اصحابي في الشغل.
انا بس في الاخر ليا سؤال : مين ابن الـ .... تيييييت.... اللى قال أنها ام الدنيا؟؟

*****
55 خطوة في 11 يوم تقريباً ---- لازم تغير اسمك إلي صابر عبد الصبور
يا طولة بالك *****************************
هو دة تبسيط الإجراءات
أنا لو مكانك كنت مشيت من غير رخص أرحم

[Ramy_Ali]

الحمد لله انك خلصت ومتعملش كدا تانى

[MoToRiZeR]

ياااااااااااااااااااااه !!

ألف مبروك عالرخصة ..

[Karim_Mohy]

hamdella 3 el salama , ahm haga enk saleem:err:........w ya reet a3raf ra2yak fe el 3arabya ely m3ak w s3raha kam now ....