مقارنه سعريه لصيانة ال 80,000 كيلو مابين اللانسر و الواجا . و فرق السعر المهول

[MohabSaeed]

السلام عليكم و رحمة الله و بركاته

انهارده كنت فى مركز صيانه عز العرب فى العجوزه و سالت على اسعار صيانات ال 60 , 80 الف و تكلفه تغير السيور و كان الاتى :-

و سالت للمره التانيه على ال2 اويل سيل الى المفروض بيتغيرو مع مجموعة الكاتينه .. و كان رد مهندس الاستقابل :- اويل سيل ايه !! دول مش بيتغيرو الى لو فيهم مشكله !!!!!؟؟؟؟؟؟؟؟؟؟؟؟؟؟؟؟ ازاى اذا كانو بيتغيرو فى التوكيل بتاع ميتسوبيشى فى ال لانسر مع طقم الكاتينه , و بروتون نفسها بتنزلهم باكدج واحد .!!!!! ( طبعا موتور الواجا و موتور الانسر الاتنين واحد نسخه طبق الاصل و نفس الكود 4g18


سالته انى عاوز اجيب زيت شيل هيلكس الترا , و مياه تبريد ريداتير شيل و بوجيهات NGK ايريديوم ماكس ..... قال الاتى :- احنا يا فندم مش بنركب اى قطع من بره ولا بنحت او زيون او سوائل من بره .
و كان ردى : انا عربيتى بره الضمان خلاص و بعدين البوجيهات ديه غاليه جدا و معاها ضمان و بتقعد 100,000 كيلو و زيت شيل هيلكس الترا طبعا غنى عن التغير و احسن من زيت توتال الى بتحطوه .
كان الرد كالاتى :- احنا يا فندم الى مسؤلين عن العربيه و مش بتحط اى منتجات من بره التوكيل

انا : طيب السلام عليكم و رحمة الله و بركاته .

و خارج و على وشى ابتسامه عريضه :k48:.

* طبعا الزيوت و البوجيهات الى كنت حجيبها انضف من الى عندهم 100 مره بس ما علينا

نيجى للمهم

1- سير الكاتينه + سير الدينامو + سير التكيف + بليه شداد + مصنعية التركيب = 1730 جنيه !!!!!!!!!!!!!!!!!!!!!!!! و لا تعليق على الاسعار ....
. 2- صيانه ال60000 = 2200 جنيه , شامله تغير السيور

3- صيانه ال80000 = 1500 جنيه , شامله تغير زيت توتال 5000

-: نيجى للمقارنه العجيبه :-

مقارنه مابين صيانه ال800000 فى الواجا و الانسر :-

1- بروتون واجا :-
فلتر/زيت توتال 5000 ك /ضبط محرك/فلتر هواء/فلتر بنزين/بوجيهات/زيت باور/زيت فتيس /زيت فرامل / ماء رادياتير
تنظيف فلتر هواء / ضبط تاكيهات / مراجعة مستويات الفرامل / مراجعة أنوار / تربيط عفشه

التكلفه 1500 جنيه


------------------------------
2- ميتسوبيشى لانسر

كاتب هذه الاسعار استاذ طارق زويل " مصراوى جدا " فى احد الموضوعات .

تكلفة صيانة الـ 80 ألف كالتالي :

- الصيانة ميكانيكا وكهرباء 120 ج
- زيت موبيل (1) 220 ج
- فلتر زيت 50 ج
- بوجيهات 100 ج
- فلتر هواء 135 ج
- فلتر بنزين 440 ج (يجب تغييره كل 40 ألف كيلو)
- زيت أوتوماتيك 300 ج
- سير باور 80 ج
- سير دينامو 60 ج
- سير كاتينة 180 ج
- بلية شداد 215 ج
- اويل سيلات 70 ج
------------
اجمالي 1970 ج + 10 % ض.م
-----------------

** طبعا فى حد حيقول ان صيانه ال80 فى الانسر اغلى من الواجا ... ده طبيعى لاختلاف بلد المنشأ لان الانسر يابانى و البروتون ماليزى ...

طبعا الكلام ده غلط لان صيانه الواجا اغلى من صيانه الانسر الضعف تقريبا ؟؟ طيب ازاى ؟

صيانه ال80000 للواجا مانيوال ب 1500 جنيه بدون تغير السيور " دول لوحديهم فى الواجا ب 1730 جنيه ", " بدون زيت فتيس اوتوماتك " يعنى فرق 150 جنيه على الاقل مابين سعر زيت المانيوال و زيت الاوتو
و زيت توتال العادى " يعنى فرق 130 جنيه بينه وبين الموبل 1 "

انما اسعار صيانه الانسر شامله
1- " 300 جنيه زيت فتيس اوتوماتك " , فرق 150 جنيه فى مقابل زيت الفتيس المانيوال للواجا .

2- " تغير طقم السيور بالكامل " ...... ( الى تمنه 1730 جنيه فى الواجا )

3- تغير زيت موبيل 1 ب 220 جنيه VS زيت توتال العادى ابو 90 جنيه فى الواجا " يعنى فرق 130 جنيه

--------

يعنى لو جمعنا المبلغ 1730 تمن السيور و تمن الصيانه ال 1500
النتيجه 3230 جنيه تمن الصيانه للواجا

يعنى لو احنا عملنا نفس الصيانه بالظبط فى العربيتين الانسر و الواجا حتبقى النتيجه كالاتى :-

الواجا = 3230 جنيه .
الانسر = 1690 جنيه + 10 % ضريبه . ( 1970جنيه ناقص تمن فرق الزيت الاوتوماتك 150جنيه - 130 جنيه فرق تمن زيت توتال و موبل 1 = 1690)

ادى عربيتين من نفس الفئه و تقريبا نفس السعر و ادى فرق تمن الصيانه المهول بالرغم من اختلاف بلد المنشأ !!!!!!!!!!!!!!!!!!!!!!!!!!!!!

و لكم الحكم .

انا كل الى بتكلم فيه ان على الاقل اسعار الصيانات و قطع الغيار ل الواجا = الميتسوبيشى لانسر .....على الاقل لانهم من نفس الفئه و فى تطابق 100% فى الموتور
و بطبيعة الحال فى اختلاف فى بلد المنشأ و رخص الايدى العامله المالزيه بالمقارنه باليابانيه .

يعنى المفروض تكون الواجا ك اسعار قطع غيار ارخص من اللانسر ....
انا مش عاوزها ارخص .
انا بقول ياريت تبقى زيها .

*يا جماعه ياريت تراجعو معايا الحسبه ديه و لو انا غلطان فى حاجه قولولى علاشان انا بقالى ساعتين بجمع و بحسب فى الاسعار و الفروقات

[khpopo]

ابعت الموضوع للمهندس أمر على الميل كل المقارنة دة مثلما تم الاتفاق علية مع الاخ توت لان كدة الحسبة بايظة وعالية قوى ربنا معاككككك بصراحة
ربنا يوفق

[AhmedGen2]

انا شفت واحد بيعمل صيانة ال 95000 للجين تو ودفع حوالى 450 جنيه !

[Ayman_52]

ابعت الموضوع للمهندس أمر على الميل كل المقارنة دة مثلما تم الاتفاق علية مع الاخ توت لان كدة الحسبة بايظة وعالية قوى ربنا معاككككك بصراحة
ربنا يوفق

+10000

عشان نشوف بقى هيتصرفوا ازاى....وربنا يوفقك

[mino]

طبعا معاك حق يا استاذ MohabSaeed

ما هو ده اللي بنتكلم فيه عاوزين حل للموضوع ده يكون مقنع ما ينفعش كدة ده اسمه استهبال و استكراد لملاك البروتون

[ahmedsiyam]

لو الصيانة اسعارها مبالغ فيها كده الواحد يكتفى بالصيانات الرئيسية فقط و بعد لما الضمان الواحد يظبط نفسه بره بس كده ده شيئ مبالغ فيه اوى

[MedaSam]

First let me greet you on this detailed statistical effort, thank you

Second wait till most Proton owners confirm these prices, then send directly to Mr. Amer. I prefer if you can discuss with him directly face to face, perhaps there is something missing or not clear for us. You may additionally make the same comparison with other models and for different periodical maintenance like 20000 or 30000 ........ I know you have chosen Lancer as it has the same motor like Waja, you can extend also your comparison to include cars with the same conditions as Proton cars.

Nice effort man :)

[MohabSaeed]

ابعت الموضوع للمهندس أمر على الميل كل المقارنة دة مثلما تم الاتفاق علية مع الاخ توت لان كدة الحسبة بايظة وعالية قوى ربنا معاككككك بصراحة
ربنا يوفق

ان شاء الله لكن انا فى صدد عمل مقارنه شامله مابين اكتر من سياره فى فئه الواجا من حيث اسعار قطع الغيار و الصيانات و بعد كده حبعتها ل التوكيل
و ان كنت لا اعتقد انهم حيغيرو سياسه التسعير

طبعا معاك حق يا استاذ MohabSaeed

ما هو ده اللي بنتكلم فيه عاوزين حل للموضوع ده يكون مقنع ما ينفعش كدة ده اسمه استهبال و استكراد لملاك البروتون

طيب ايه الحل !!! هل التوكيل حيرخص اسعار قطع الغيار و الصيانات و المصنعيات !!!!! انا الحقيقه لا اعتقد

لو الصيانة اسعارها مبالغ فيها كده الواحد يكتفى بالصيانات الرئيسية فقط و بعد لما الضمان الواحد يظبط نفسه بره بس كده ده شيئ مبالغ فيه اوى

انا بالفعل حعمل الصيانه بره و معتقدش انى حدخل التوكيل تانى الى للشديد القوى
الحمد لله ان قطع الغيار الموتور المستهلكه موجوده بره فى كل محلات مصر

و ان كان فى حاجات ناقصه و لسه عاوز اوصل لبديل ليها من ماركه اخرى زى المساعدين .. علبه الدركسيون .
بس اعتقادى الخاص ان الحاجات ديه حتتوافر لما الواجا تقدم شويه لان معظم عربيات بروتون الى فى الشارع لسه فى الضمان و علاشان كده معظم ملاكها مش بيحتاجو القطع ديه .. لو حاجه منهم باظت بتتغير فى الضمان .

First let me greet you on this detailed statistical effort, thank you

Second wait till most Proton owners confirm these prices, then send directly to Mr. Amer. I prefer if you can discuss with him directly face to face, perhaps there is something missing or not clear for us. You may additionally make the same comparison with other models and for different periodical maintenance like 20000 or 30000 ........ I know you have chosen Lancer as it has the same motor like Waja, you can extend also your comparison to include cars with the same conditions as Proton cars.

Nice effort man :)

اهلا بيك يا MedaSam

انا فعلا ان شاء الله حعمل المقارنه ديه و العربيات الى فى دماغى كالاتى

(تويوتا كورولا , نيسان صنى , ميتسوبيشى لانسر - كيا سيراتو , هيونداى الانترا شيفورليه اوبترا - رينو ميجان , فورد فوكاس ) .

و انا قاصد ان يكون فى تنوع فى بلد التصنيع يابانى , كورى , اوروبى

كل الى بتمناه ان ملاك السيارات ديه يساعدونى و يكتبو اسعار الصيانات الاساسيه و اسعار قطع الغيار الى يعرفوها ...... و حتى تبقى مرجع لينا كلنا فى نايل موتوز ...

بالنسبه لانى اتكلم مع المهندس امر .... اعتقد ان موضوع التسعير مش فى ايده .... يعنى اقصى ما ممكن يعمله انه يعملى خصم 5 % او 10 % اكتر من كده مافيش حاجه فى ايده .
لكن هو فى ايده حل المشاكل المتعلقه بالصيانه او الضمان .. او قطع الغيار و عدم توافرها ... لكن التسعير ؟؟؟ لا اعتقد .


-----------

شكر لكل الى شاركو فى الموضوع و تضامنو معايا

[aapaap855]

الف شكر عالموضوع

[aapaap855]

ممكن نبعت شكوى كلنا على موضوع الغلاء المبالغ فيه ده