سلام عليكم اللى عمل اكتر من اللى عملتة فى اللانسر يتجرأ ويقولى

[hdlhkhgikn]

سلام عليكم ورحمة الله وبركاتة انا محمد من القاهرة انا اول مشتريت لانسر اشتريت 1330 مانيوال موديل 2004 وكانت مستعملة وكانت عاملة 50000 كيلو وسعرها كان 68 الف قولت كويس والواحد هيركب لانسر بردة وطبعا كنت راكب قبلها لادا بتاعة الحج ومكنتش فاهم غير فى الادا وفرق السما من العمى طبعا بين الاتنين قولت ربنا يكرم واشتريت اول حاجة لقيتها ان الطنابير بايظة والتيل على الحديد قولت مش مهم يتغيروا غيرتهم وقولت اجيب اصلى انا بحب اتفزلك شوية اصلى جبتهم والحمد لله شويية واكتشفت ان فى حاجات كتير اوى مش شغالة الزرار اللى بيعلى نور التابلوة ويوطية والشنطة مفيهاش اللمبة بتاعتها واللمبة بتاعة زرار الانتظار مش موجودة ولمبة الولاعة مش موجودة ونور الصالون مبينورش لما افتح الباب والعربية فيها رعشة غريبة وهى واقفة وفيها تنتيشة اغرب وايريال العربية كان مكسور المهم ابتديت مرحلة التصليح بقى رحت لكهربائى فى عين شمس ظبطلى كل شغل اللمض اللى مش بتنور دى وجبت لمبة جديدة للشنطة وجبت ايريال ب 375 جنية !!! وكنت وانا بشترى العربية لقيت زرار الحرارة بتاع التكييف مش شغال بيلف على الفاضى وشغال ساقع بس قولت مش مهم ابقى اغيرة اتارى الزرار علشان يتغير بتغير المجموعة كلها بتاعة التكييف ب 1000 جنية قولت مش مهم يا واد قضيها ساقع المهم قولت اشوف بقى العفشة اللى بتدبدب دى وركبت جنوط من عند اشرفكو بالمناسبة اللى عايز حاجة من هناك يقولى لان دة محل قرايبى لو حد عايز حاجة عينية الاتنين نرجع تانى للموضوع ركبت الجنوط وكاوتش جديد وحركات والعفشة ابتدت تدبدب والعربية لسة بتنتش ومينفعش اتحرك بيها الا لما تسخن خالص علشان تمشى كويس رحت لواحد صاحبى اوى بدون ذكر اسماء من الناس اللى موجودين فى توكيل المصرية اللى فى طريق قليوب من مهندسين الصيانة اللى هناك قولتلة يا عمى شوفلى اية الليلة دى قالى يمكن بنزين قولتلة بحط 92 قالى نغير فلتر البنزين غيرت الفلتر ابو 450 جنية وغيرت بوجيهات وقولت اجيب اصلى بردة علشان مقاومتها تبقى مظبوطة ولا فى حاجة اتغيرت كأنى بنفخ فى اربة مقطوعة قولت مش مهم اجرب تانى قولت اشوف الموبينة وهما اتنين طبعا كلكم عارفين رحت للكهربائى كان عندة مباين استيراد قعد يجرب مفيش حاجة نافعة رحت لواحد تانى بردة العربية فيها رعشة غريبة كأنى راكب 128 وبتنتش جامد وهى ماشية وخاصة لما اكبس بنزين كل دة طبعا مصاريف على ودنة قولت بردة مش مهم ندخل على حاجة تانية لقيت زيت الباور بينقص قولت دة من اية دة كمان اتارى عربة الدركسيون بتطلع زيت من جنابها وكل يوم ازودلى يجع ربع كيلو زيت باور قولت مبدهاش بقى اروح اصلحها قالولى لازم طقم اصلاح فى التوكيل يتعملها ب كام يا رجالة قالولى ب 450 جنية قولت ماشى اتصلحت وزى الفل قولت اغير عفشة ادام بقى قولت قضيها كورى وامرى لله غيرت كل العفشة اللى ادام كورى تلات اشهر بالظبط وبقت اوسخ من العفشة القديمة اللى اكتشفت انها مكنتش اصلى اصلا وكانت متغيرى قبل كدة ومع الوقت بقى بكتشف ان فى قاعدة من قواعد الفتيس مكسورة وان العربية مغيرة شنطة كاملة وانا كنت بقول بردة الشنطة دى غريبة مفيهاش ولا كلبس واحد فى الفرش قولت مش مهم كل دة كماليات المهم رحت التوكيل بعد كام شهر لان الطنابير الجديدة بقت بترف اقولهم انتوا حرامية اديتونى طنابير بايظة قالولى لا يا بية انت عندك بلى العجل بايظ وهو اللى عمل كدة قولت طيب رحت خارط الطنابير فى التوكيل بتاع قليوب وبالمناسبة اللى عايز يخرط طنابير ميخرطش فى حتة غير التوكيل بيعملوة مية مية ورحت مركب تيل جديد ومتركبش غير الاخضر او الرمادى لان الاسود زبالة المهم وغيرت البلى اللى ادام الواحدةب 300 جنية وقالولى فى بلية العجلة الشمال ورا مدمرة خالص قولتلهم لا كفاية كدة انا قلعت ملط خلاص قالولى وكمان فى فخدة طالع من المقص دى معصورة كدة وعاملة صوت جامد مع المطبات قالولى ب 960 جنية قولتلهم شكرا انا عايزة معصورة على عينيها كدة وكنت جايب جلب مقصات ورانية اركبها بالمرة بدل مكل مرة اربط عفشة تفضل العربية تزيق زى الميكروباص بسبب الجلب اللى ورا اللى مدمرة قالولى والجلبة دى الاساسية اللى هى الكبيرة اللى فى جنب المقص ب 185 جنية الواحدة انا بقول الاسعار علشان الناس تبقى واعية بس وكلة اصلى انا حرمت اجيب مستعمل المهم معرفتش اركب الجلب طبعا والفرح دة كلة فى العفشة اللى ورا لانى كنت اتنفضت خلاص وكشفولى بقى كهربا على العربية لانى نفسى اعرف الرعشة منين قالولى يا بية المباين سليمة وكل حاجة سليمة انما فى حساس كدة فوق الرشاشات بيقرا غلط المفروض يقرا 25 وبيقرا 32 تقريبا يعنى قالولى الرعشة منة انما التنتيش ممكن تكون طرمبة بنزين ابقى تعالى يوم تانى نشوفهالك قولتلهم شكرا ورحت ماشى ولما مشيت بقى كان فى يوم جمعة من كام اسبوع كدة الدنيا مطرت نص ساعة بس غرقت الدنيا كنت نازل يوميها جسر السويس ودخلت فى بركة مية ربنا ميوريكم لغاية الشكمان قولت اعمل بطل وجيت اعدى العربيات القديمة كلها عطلت ادامى فضلت واقف فى البركة دىيجى ربع ساعة المهم طلعت منها وعادى العربية مفيهاش اى مشكلة ركنت العربية ولما جيت اركب تانى مشيت 10 دقايق وبعدين لقيت العربية بتبطل لوحدها ومبقتش راضية تدور تانى مالك يا بنت الحلال فيكى اية مبتدور المارش بيلقط بس مبتدورش المهم سيبتها خمس دقايق لقيتها دارت وفضلت كابس بنزين لقيت بركة مية طالع من الشكمان ولقيتها عمال تبطل بردة المهم روحت بيها يوميها وهى عمالة ترعش وتتنطط وتبطل وفوجئت بقى وانا ببص تحت رجلى ان فى مية داخلة فى العربية وفى بحر مية تحت رجلى وفى كل الدواسات بتاعة العربية قولت المية دخلت منين رحت التوكيل اعرف المية دخلت منين والعربية عملت كدة لية قالولى اى عربية هتدخل فى المية هتعمل كدا ومدونيش سبب مقنع وقالولى المية دخلت منين محدش يعرف هى مدخلتش من البيبان ولا من ادام لان جنب الباب ناشف ومن ادام ناشف هى كل دواسة فيها مية منفصلة عن اختها قولت اكيد تحت فى حد خارملى العربية نزلت ابص لقيت فى كاوتش تحت كل دواسة علشان تنزل منة المية لما تغسل من جوة ولقيتة مقفول على الاخر وفتحتة بالعفية معنى كدة انة مدخلش من هنا ما علينا الرعشة لسة موجودة والعربية لسة بترعش والعفشة زى الزفت مع العلم انا بجيب بالعربية دى 185 و 190 وهى 1300 هى بتجرى اة بس فى حاجة كمان كل شوية الاقى زيت الموتور ناقص يجى ربع كيلو مرة واحدة !!! قولت الموتور خف ولا اية ابص فى الشكمان الاقى الدخان طالع مش ملون ولا حاجة قولت يبقى بيسرب من كارتيرة الزيت ابص الاقيها ناشفة خالص ومفيش اى تسريب اشوف البوجيهات يمكن عليها زيت الاقى البوجيهات ناشفة وللعلم لما بتنقص ربع كيلو زيت كدة بيبقى فى يوم وليلة كان العربية بتشربة من ورايا دة طبعا غير لما رحت غسلت بعد يوم المطرة دة قولت اغسلها بعد المية اللى دخلت فيها دى يمكن تقول اى حاجة وغسلتها ب 180 جنية يوميها ومعطر وبحط مع البنزين حاجة تنضف دورة البنزين ومبحطش غير 92 وحركات كل شهر بعملها بعد الغسيل لقيت المساحات بتشتغل لوحدها كأن فى عفريت قولت اسيبها يمكن تهدى منا بقيت متعود بقى على المفأجات تانى يوم لقيتها كويسة وانا رايح الشغل الصبح ومنزل الازاز اللى جنبى لقيتة بيطلع لوحدة قولت الله اكبر العفاريت اشتغلت ولقيتة مش راضى ينزل قولت اسيبة شوية يهدى زى اختة المساحات سيبتى شوية لقيتة شغال دخلت الشغل وجاى اروح لقيتة نزل عادى جاى اطلعة بقى مش راضى يطلع خلاص قفش فضلت نايم فى العربية لغاية معرفت اوصل لكهربائى الساعة 7 بليل بقى يعملى اى حاجة عايز اقفل ام الازاز دة وارمى العربية فى اى حتة المهم يتقفل رحت للكهربائى قالى يا بية دى البوردة اللى جوة فيها حاجة باظت قولتلة طيب يبنى ربنا يطمنك وطبعا اللى مسئول عن المساحات والازاز والكلام دة كلة بتبقى مجموعة فيش تحت كدة بتاعة تحكم جنب رجلك الشمال وانت سايق متغطية ببلاستيكة كدة من باب العلم بالشىء يعنى المهم بقيت كل شوية افك مجموعة الزراير اللى جنبى بالمفك وافك الفيشة واجيب سلكين والمس واحد ارضى وواحد الرفع وواحد كهربا والتتنزيل علشان الازاز يقفل يعنى لو حد حصل معاة الموضوع دة لا قدر الله وشغال على كدة بقالى يجى اسبوعين اهو بقيت بخاف افتح الازاز تانى والله.

الحمد لله على كل شىء بس لو حد حصل معاة الكلام دة قبل كدة يقولى علشان انا اتعلمت الادب على ايد العربية دى بس انا بصراحة بقيت خبير فى العربية الحمد لله انا بصراحة اعرف ناس بتسوق لانسر بقالها سنين ومتعرفش ان فيها اتنين موبينة اصلا فالحمد لله على كدة وياريت لو حد يعرف يحللى مشكلة رعشة العربية دى او يقولى حل فيها احرقها مثلا اولع فيها اغرقها او ارميها فى الزبالة يقولى وانا موافق :) معلش انا وجعت دماغكم وانا لله وانا الية راجعون
سلام عليكم

[mohamedway]

لا للمستعمل لا لا لا لا ..............................................

[mohamedway]

انت صعبت عليه بجد و منه لله اللى باعلك العربيه من غير ما يصارحك بعيوبها كلها و بعد كده ما تجيبش عربيه الا و تكون انت أول واحد يركبها.

[MoDyBeNz2008]

ياااااااااا كل دة لا حول و لا قوة الا بالله اول مرة اسمع عن العيوب دي كلها في اللانسر حضرتك ممكن تسال الباش مهندس طارق هو اللي هيفيدك ان شاء الله

انا انصحك تبيعها بس هتخسر فيها كتيييييييير

[Terrible_DaRsH]

فى غلط حصل فى الاول .. هو انك مكشفتش على العربية قبل ما تاخدها !!!
فى مواضيع كثيرة عن (شراء سيارة مستعملة) يا رجل على الوصف اللى انت قلته ده العربية كانت تخلص على 35000 ولا اقل كمان ..
انا عايز اعرف انت اشتريتها ازاى ؟؟
اخدت معاك متخصص يعنى ميكانيكي موثوق فيه ؟؟!!!
وكمان لازم تاخد بالك جداااااا من شراء السيارات الجديدة اخطر من السيارات القديمة !! ليه بقي ؟
علشان السيارات الجديدة تكنولوجيا اكثر تعقد واكثر تطور يعنى الغلطه هتكلف لكن السيارات القديمة ممكن تفكها وتركبها لوحدك !!!
على العموم افحص العربية فحص كلى ولو لاقيت عيوبها كثير بيعها واتكل على الله وشوف حاجه احسن وابقي خلى بالك ...

[مصراوي جدا]

والله انا مش عارف اقول لحضرتك ايه ..

اولا بخصوص العربية نفسها فطبعا واضح انها كان فيها حادثة جامدة طالما مغيرة شنطة واللي صلحها واضح انه عك فيها كتير

معلش سؤال مهم ليا انا شخصيا.. هي العربية دي كانت ملاكي دقهلية؟

اصل انا زمان حصل معايا موقف مشابه (بس مش قوي كده) اشتريت عربية ماروتي ملاكي دقهلية من سوق العاشر ولفت نظري شكلها الجميل والبوية الجديدة وعشت قصص وحكايات فيها كل ما اصلح حاجه يطلع فيها مشكلة تانية واكتشفت بعد كده ان فيه ميكانيكية في المنصورة متخصصين نصب درجة اولى ياخدوا عربيات مشنشة ويظبطوها شكلا فقط وينزل سوق العاشر يدبس فيها الناس ربنا لا يبارك لهم ويديهم على قد نيتهم السودا.

واضح ان حضرتك زبون مستديم عندنا في التوكيل وصاحب بيت طيب هاقول لك هاتها نكشف عليها ده شكلهم عندنا في التوكيل عارفينها كويس بس الظاهر ان الاصلاح الصح هيكلف كتير اوي اوي فبيعملوا اللي ينفع وفي حدود المعقول

نصيحتي تبيعها وتجيب واحدة كويسة تنسى معاها التعب اللي شوفته مع العربية دي وتستعوض ربنا في الفرق.

its your fault

no one buys a car without checkung everything in it

the brand new cars need to check it before taking it from the showrooms
ma balak bel 2adima

its ur falt from the beginning

try to through it or sell it and buy another one

idont know how come you continue to pay on it till now

rbna y3awdak

w try to sell it and get a new one

[MedaSam]

yaaaaaaaaaaaaaaaaaaaaaaah ......... kol dah

rabena ma3ak begad

[mada121977]

اولا الاخ الفاضل صاحب الموضوع اخطأ انه ماكشفش على العربيه كويس ونصيحه لوجه الله ابعد تماما عن تجار السيارات المستعمله لانى تعاملت مع الفئه دى لفتره من الزمن لقيتهم معندهمش لا دين ولاضمبر ولا اخلاق اهم حاجه عندهم فلوسك وبس وماتخدش العربيه الا من وش الرخصه يعنى من صاحبها الاول او على اقصى تقدير توكيل واحد بس اذا كانت العربيه حالتها ممتازه اما العربيه الى فيها 3 او 4 توكيلات ابعد عنها تماما .


ثانيا زعلت جداا ان الباشمهندس طارق حصلت فيه الحركه دى من واحد من الدقهليه وان شاء الله ربنا مش هيكرم الراجل اللى باعله العربيه دى بس المشكله ان موضوع شد العربيات فى الدقهليه اصبح مهنه اساسيه لناس كتير وهما بيجيبوا عربيات حوادث فعلا ويضبطوها وتتباع على انها فابريقه بدون ضمير ولا اخلاق بس طبعا من غير تعميم لان زى مافيه الوحش فيه الكويس

[zAzU]

عندنا فى المنصوره سمكريا بيظبطوا عربيات الحوادث دى جامد اوى انا شفت bm525 2007 مغيره نصف كامل هنا و شفت عربيات كتير اوى و بيرجعوها جامده اوى وكله 2007 و 2008