حد تعرض للموقف ده

[احمد عبدالله]

الحمد لله جت سليمة يا باشا

[kliken]

الحمد لله جت سليمة يا باشا

الحمد لله و شكرا ليك يا باشا

[دينا أبوالعلا]

الحمد لله اديك اتعلمت وعلمتنا كلنا معاك وكفايه ان حضرتك خرجت مع المدام بالدنيا

[د./اليشع ثابت]

ربنا يخليك يا حبيبى قلبى الحمد لله عديت المرة دى بس اتعلمت منها لانها برضه تعتبر عمليه نصب كدة و كدة
انا سعيد بالتشجيع الجامد دة شغل عصابات بجد
مش هنسمى العصابه اسم و لا ايه

شكرااااااا لك حبيبى م/ محمد
مش مهم الاسم يا غالى المهم النفس
كمان علشان البوليس مايشمش خبر بيها و نتقفش بدرى بدرى

خلينا فى المستخبى احسن

[tamohsen]

ياااااااااااااااااااااااه

الموضوع ده قديم قوي
بس زمان كان لسه فيه حياء وادب شويه في المجتمع المصري علشان كده كان بيتعمل بشياكه شويه وبدون فلوس
سنه 93 أو 94 تقريبا كنت شاب يافع بتمشي مع واحد صحبي في الوول تريد سنتر
طلع لنا بنتين اخر حلاوه

حكولنا قصه كده مش فاكرها وملينا استماره فيها الأسم ورقم التليفون وشويه بيانات عن عدد افراد الأسره وعمل الأب
بعد اسبوعين التليفون رن احنا شركه كذا مبرك كسبتم رحله لماريوت الغردقه رجاء حضور العائله بالكامل لماريوت الزمالك

طبعا نهايه القصه معروفه والساعتين سيمينار ووجع الدماغ

[mokhtar]

روقتهم يعنى شخيط و زعيق الله ينور عليك ياباشا

يا باشا الناس اللى زى دى عايزه الضرب على القفا عشان يعرفوا ان الله حق هى يعنى ناقصه ييجى واحد ينصب عليا ال يعنى خلاص الحياه بقت جميله ومافيهاش مشاكل




..mokhtar..

[Dr.SherifMansy]

حصلت زمان و انا لسه عريس جديد (يمكن 98 او 99) و كنت لسه غر ساذج انا و المدام و حضرنا الحفلة و صور و شريط فيديو عن التايم شير و يوريك ورق معتمد من وزارة السياحة الخ الخ يعنى كله فى السليم ، و العبد لله شرب المقلب و دفعت المقدم 5000 بندق و مضيت العقد و بعد يومين واحد قريبى (كان فى منصب واصل جدا و حساس) كان بيزورنا يبارك لنا و الكلام جاب بعضه و لما سمع اتنفض كانه اتكهرب :k26:و سال عن اسم الشركة و راع عامل كام مكالمة فى الجهاز اللى معاه و خدنا و طلعنا فى الحال عليهم و دخل معانا على انه زبون بس تقيل و عايز المدير شخصيا يقعد معاه مش اى حد تانى ، و لما دخلنا مكتبه كشف عن شخصيته و سرد للمدير صحيفة سوابقه !!! و هنا كانت الصدمة ، المدير اتشال و اتحط و اشتغل فى اسطوانة احنا ما ضربناش حد على ايده و هما اللى وافقوا باختيارهم الخ الخ ، و لما حس ان قريبى صبره نفد و هايقلب على الوش التانى:k26: قعد يجر ناعم و ان الورق اتختم خلاص و اندفع فيه فلوس و بقى رسمى الخ الخ:k30: و اخيرا جه الورق و اخدنا ال 5000 ملطوش (الحمد لله المال الحلال مايضيعش) و بعد ما قمنا فالمدير البجح بيقول لقريبى طب مصاريف الأختام و الموظف اللى راح و الهدية اللى الدكتور اخدها (طقم قهوة من اللى بتباع على الرصيف ب 10 لحاليح) راح قريبى باصص له و حدف له 3 جنيه و قال له لو زودت كلمة واحدة حاتخذ اجراءاتى ، لقيت المدير المحترم بيوطى على الأرض يلم ال 3 جنيه و يقول له تمام يا باشا
عرفت بالصدفة بعد كده ان واحد زميلى نصبوا عليه و كل ما يروح يقولوا له لسه القرية بتتبنى و لما طلب يسيبهم كانت المفاجأة ان قالوا له هات حد مكانك (يعنى ينصب على الناس معاهم) و ماعرفش عمل ايه بصراحة و بعد حوالى سنة عرفت منه ان الشركة المحترمة اتشمعت بالشمع الأحمر و الأخضر و الأصفر و كل الألوان
بعد كده لما حد يقول لى اقول له مابشيلش فلوس معايا كريدت كاردز بس و اوريهم له و لو قال لى موضوع معاك فلوس فيها رقم كذا او موبايلك رقمه فيه كذا باقول له لأ ، لو قال عمرة اقول له لسه راجع و الحمد لله ، لو هدية باقول له آخذها الأول و اقفل شنطة العربية عليها و بعدين نتفاهم اقبل اسمعك او لأ (و طبعا الهدية بتختفى مع المندوب اللى بيختفى فى ثوانى من قدامى)

الحمد لله اديك اتعلمت وعلمتنا كلنا معاك وكفايه ان حضرتك خرجت مع المدام بالدنيا

شكرا ليكى و فعلا ده اللى طلعت بيه فى الآخر فسحه جميله

[kliken]

شكرااااااا لك حبيبى م/ محمد
مش مهم الاسم يا غالى المهم النفس
كمان علشان البوليس مايشمش خبر بيها و نتقفش بدرى بدرى

خلينا فى المستخبى احسن

د/ اليشع ازيك يا باشا كله تمام
فعلا عندك حق خلينا فى الدرا احسن
هو ده شغل العصابات الجامد

[kliken]

حصلت زمان و انا لسه عريس جديد (يمكن 98 او 99) و كنت لسه غر ساذج انا و المدام و حضرنا الحفلة و صور و شريط فيديو عن التايم شير و يوريك ورق معتمد من وزارة السياحة الخ الخ يعنى كله فى السليم ، و العبد لله شرب المقلب و دفعت المقدم 5000 بندق و مضيت العقد و بعد يومين واحد قريبى (كان فى منصب واصل جدا و حساس) كان بيزورنا يبارك لنا و الكلام جاب بعضه و لما سمع اتنفض كانه اتكهرب :k26:و سال عن اسم الشركة و راع عامل كام مكالمة فى الجهاز اللى معاه و خدنا و طلعنا فى الحال عليهم و دخل معانا على انه زبون بس تقيل و عايز المدير شخصيا يقعد معاه مش اى حد تانى ، و لما دخلنا مكتبه كشف عن شخصيته و سرد للمدير صحيفة سوابقه !!! و هنا كانت الصدمة ، المدير اتشال و اتحط و اشتغل فى اسطوانة احنا ما ضربناش حد على ايده و هما اللى وافقوا باختيارهم الخ الخ ، و لما حس ان قريبى صبره نفد و هايقلب على الوش التانى:k26: قعد يجر ناعم و ان الورق اتختم خلاص و اندفع فيه فلوس و بقى رسمى الخ الخ:k30: و اخيرا جه الورق و اخدنا ال 5000 ملطوش (الحمد لله المال الحلال مايضيعش) و بعد ما قمنا فالمدير البجح بيقول لقريبى طب مصاريف الأختام و الموظف اللى راح و الهدية اللى الدكتور اخدها (طقم قهوة من اللى بتباع على الرصيف ب 10 لحاليح) راح قريبى باصص له و حدف له 3 جنيه و قال له لو زودت كلمة واحدة حاتخذ اجراءاتى ، لقيت المدير المحترم بيوطى على الأرض يلم ال 3 جنيه و يقول له تمام يا باشا
عرفت بالصدفة بعد كده ان واحد زميلى نصبوا عليه و كل ما يروح يقولوا له لسه القرية بتتبنى و لما طلب يسيبهم كانت المفاجأة ان قالوا له هات حد مكانك (يعنى ينصب على الناس معاهم) و ماعرفش عمل ايه بصراحة و بعد حوالى سنة عرفت منه ان الشركة المحترمة اتشمعت بالشمع الأحمر و الأخضر و الأصفر و كل الألوان
بعد كده لما حد يقول لى اقول له مابشيلش فلوس معايا كريدت كاردز بس و اوريهم له و لو قال لى موضوع معاك فلوس فيها رقم كذا او موبايلك رقمه فيه كذا باقول له لأ ، لو قال عمرة اقول له لسه راجع و الحمد لله ، لو هدية باقول له آخذها الأول و اقفل شنطة العربية عليها و بعدين نتفاهم اقبل اسمعك او لأ (و طبعا الهدية بتختفى مع المندوب اللى بيختفى فى ثوانى من قدامى)

فعلا يا باشا الحلال ما بيضعش ابدا