لمبة ال n بتنور و تطفى و انا على ال d

[عمرو عبيد]

لمبة ال n بتنور و تطفى و انا على ال d فهل دى مشكلة فى الفتيس

[ahmedhosssamy]

انا كانت عندى المشكلة دى و حلتها عند الكهربائى فك فيشة سنسورات الفتيس السلكشن لقى فيها مية جففها و راحت التعليقة على طول

[عمرو عبيد]

انا حاسس ان فى حاجة ميكانيكية لان الموتور لما اللمبة بتنور حالتة بتتلخبط

[mohamedway]

وديها التوكيل و اكشف عليها لأن ده معناه ان فيه مشكله فى الفتيس و ممكن لو مشيت عليه كده كتير يتحرق منك وأرجو قراءه هذا الرابط جيدا

http://www.nilemotors.net/Nile/showthread.php?t=55824

[ahmedhosssamy]

حساست الفتيس هيا المشكلة بس الموتور سليم انا كانت عندى كدة و كمان لما تجيب مارشدير تحس بنطة فى العربية المشكلة سهلة لو عاوز كهربائى هايل اديك تليفونة

[lordnykon]

هو حضرتك عربيتك نوعها ايه ؟
الموضوع ده كان بيحصل مع حد اعرفه فى لانسر بوما 1.6 و هوا كان شاريها مستعملة كدة , طنشها شوية فا الفتيس كله باظ , حاول بسرعة تهتم بالموضوع ده و يا ريت يكون فى توكيل العربية.
ان شاء الله تطلع حاجة بسيطة.

[Dr.SherifMansy]

فى كتالوج البومة هاتلاقى ان اللمبة N لما تنور و تطفى يبقى حساسات الجيربوكس مسجلة حاجة غلط و كده بتدخل الفتيس فى الSafe Mode علشان ما يبوظش منك
الكتالوج بيقول
عند وميض مصباح الدلالة N بسرعة (مرتين كل ثانية) يشير هذا الى ان يكون سائل جهاز نقل الحركة ساخنا عن الحدود الطبيعية
و بينصح انك توقف العربية و تجيبها على P و لكن تخلى الموتور شغال و تفتح الكبوت و بعد شوية تجرب تجيبه على D و تشوف لو بطلت تنور يبقى سوق عادى اما لو فضلت زى ما هى او من الأول كانت بتنور و تطفى ببطء (مرة كل ثانية) يبقى لازم تشوف التوكيل

[mohamedway]

فى كتالوج البومة هاتلاقى ان اللمبة N لما تنور و تطفى يبقى حساسات الجيربوكس مسجلة حاجة غلط و كده بتدخل الفتيس فى الSafe Mode علشان ما يبوظش منك
الكتالوج بيقول
عند وميض مصباح الدلالة N بسرعة (مرتين كل ثانية) يشير هذا الى ان يكون سائل جهاز نقل الحركة ساخنا عن الحدود الطبيعية
و بينصح انك توقف العربية و تجيبها على P و لكن تخلى الموتور شغال و تفتح الكبوت و بعد شوية تجرب تجيبه على D و تشوف لو بطلت تنور يبقى سوق عادى اما لو فضلت زى ما هى او من الأول كانت بتنور و تطفى ببطء (مرة كل ثانية) يبقى لازم تشوف التوكيل

كلام مضبوط 100% و أكيد الكهربائى اللى بيتكلموا عليه فى الموضوع وحل المشكله بإنه لعب فى حساسات الفتيس .....أكيد....أكيد ما حلش المشكله الأصليه و فصل الحساسات اللى بتعرف الكمبيوتر انه يوجد خلل و لكن الخلل ما زال موجود و كل اللى عمله انه بوظ دائره الفحص الالكترونيه للفتيس.


يا جماعه إضاءه لمبه التحذير ده فى الفتيس الCVT بالذات ممكن يكون معناها خطير زى مثلا ان السير المعدنى بيتزحلق على البكر ومش قافش عليه كويس وده سيؤدى لمزيد من الاحتكاك و التآكل للسير و البكر و الفتيس يبوظ خالص و مينفعش تانى(طبعا انت عارف ان الفتيس الCVT مافيهوش تروس و معتمد على سير معدنى على بكرتين متغيرتين القطر و نقل الحركه معتمد بالدرجه الأولى على الإحتكاك بين البكر و السير) وعشان كده زيت الفتيس الCVT مختلف عن زيت الفتيس الأتوماتك العادى.

[مصراوي جدا]

استاذ عمرو انا سألت المهندس عبد الجليل مدير الاستقبال في مركز خدمة قليوب (شركة مصرية التوكيل) وقال :

نعم توجد عندك مشكلة في الفتيس الاوتوماتيك ويجب الكشف عليه عن طريق جهاز الكمبيوتر وتكلفته 167 جنيه لتحديد العيب

[عمرو عبيد]

انا متشكر على اهتمامكم يا جماعة بس هو العيب دة اختفى لوحدة و مبيحصلش خالص اليومين دول فاية رايكم

[عمرو عبيد]

انا نسيت اعرفكم ان العربية عاملة 22500 كم بس

[مصراوي جدا]

انا متشكر على اهتمامكم يا جماعة بس هو العيب دة اختفى لوحدة و مبيحصلش خالص اليومين دول فاية رايكم

يبقى كلام الاستاذ أحمد هو اللي حصل عندك وكان فيه شوية ماية وجفت لوحدها

انا كانت عندى المشكلة دى و حلتها عند الكهربائى فك فيشة سنسورات الفتيس السلكشن لقى فيها مية جففها و راحت التعليقة على طول

[عمرو عبيد]

بارك الله فيك يا استاذ طارق