حاجة غريبة بتحصلي بعد غسيل العربية

[Mohamed El Sokkary]

حاجة غريبة بتحصلي بعد غسيل العربية
كل لما بغسل العربية في المحطة لمبة الشبورة في التابلوة بتنورسواء العربية شغالة او مش شغالة اة علي فكرة انا معنديش فوانيس شبورة وبعدين بتطفي بعد ايام بس المشكلة المرة دي بقالها حوالي 10 ايام وماطفتش

[yascro]

المية بتاعت الغسيل بتعمل قفلة ف فيشه الفوجات اسفل الاكصدام مكان تركيب الشبورة

[M.Nasr]

المية بتاعت الغسيل بتعمل قفلة ف فيشه الفوجات اسفل الاكصدام مكان تركيب الشبورة

تمام كده ولما الماية تنشف اللمبة بتطفى بس واضح ان اخر مرة كانت واخده غسلة جامدة شوية

[Mohamed El Sokkary]

اسف جدا علي تاخيري في شكركم بس المنتدي مكنش راضي يشتغل عندي بس الف شكر

[karim_hhhhh]

لف الفيش بتاعت الفوجات بشكرتون ولا حاجة

[Oushy]

هي العربيه الي مافيهاش فوجات بيبقي وصلاتها موجوده جاهزه عشان كده بتوصل المايه للوصله بتاعتها ؟؟ وياريت لو حد يعرف مكان الوصلات بتاعتها يقولنا عشان انا عربيتي مركب ليها فوجات بس مركبها علي الدفيره الي جايه معاها فا ياريت حد يقولنا لو وصلاتها موجوده اكيد نوصل عليها احسن وعشان كمان عايز أشغل اللمبه بتاعتها الي في الطابلو ؟

[karim_hhhhh]

هتلاقيها جوه الاكصدام مكان فتحة الفوجات هتلاقي فيشة بيضة بس بيتهيألي ان مش هينفع تركب الفوجات اللي انت جايبها عشان الفيشة اللي موجودة في العربيه بتاعت الفوجات الاصلي يعني ليها شكل معين
علي العموم شوفها لو هينفع تركب علي الفوجات بتاعتك بس اهم حاجة اوعي تقص الفيشة الاصليه

[HeMa_LanCeR]

هتلاقيها جوه الاكصدام مكان فتحة الفوجات هتلاقي فيشة بيضة بس بيتهيألي ان مش هينفع تركب الفوجات اللي انت جايبها عشان الفيشة اللي موجودة في العربيه بتاعت الفوجات الاصلي يعني ليها شكل معين
علي العموم شوفها لو هينفع تركب علي الفوجات بتاعتك بس اهم حاجة اوعي تقص الفيشة الاصليه

مش شرط يركبها في الفيشه ولكن ممكن قشر السلك من قبل الفيشه ويركبها فيها
وبكده هيحافظ علي الفيشه زي ما هي
بس حاول تغطيها علشان مايدخلش فيها مياه تاني

[Oushy]

أنا فعلا كنت شوفت وصله كده قدام الردياتير عند الكلاكس ورا الشبكه محطوطه وملفوف عليها شريت وهي فيشه تخينه.. عموما انا كده كده رايح للكهربائي النهارده عشان كان الفوج فيها مشكله مش شغاله فا هقولو عليها ونشوف هنعمل ايه فيها ولو مكانش كده نبعد عنها خالص