إعـــــــلان

Collapse

.

,
See more
See less

ماذا تفعل اذا صدمت شخص بسيارتك ؟؟( تجربة واقعيه )

Collapse
X
 
  • Filter
  • الوقت
  • Show
Clear All
new posts

  • ماذا تفعل اذا صدمت شخص بسيارتك ؟؟( تجربة واقعيه )

    ماذا تفعل اذا صدمت شخص بسيارتك و انت غير مخطىء؟؟؟

    الاخوة الكرام سوف اعرض عليكم تجربة شخصية واقعية عن هذا الموضوع الهام الذى قد لا يخطر على بال احد منا رغم اننا جميعا معرضين له بسبب قيادة سيارة داخل عاصمة من اكبر العواصم كثافتا فى عدد السكان و امكانية اصابة البشر واردة جدا حتى ان كنت تعتقد انك من محترفين القيادة فكما يقولون ساعة القدر يعمى البصر.

    حيث ان التعامل مع هذا الموضوع بحسن نية و بصورة طبيعية فى مصر يعتبر من اخطر ما يمكن
    لذلك قررت ان اعرض عليكم هذه التجربة لعلها تفيدكم اذا وقعتم فى هذا الحادث لا قدر الله .

    فكيف تتصرف حتى يمر الامر بسلام و خاصة اذا كنت غير مخطىء
    منذ عامين تقريبا كنت اسير ليلا على طريق الكورنيش بجوار النادى الاهلى و قبل تقاطع البرج
    و اذا بى اجد شخص يقفز من الجزيرة الوسطى للطريق امامى بسرعة و لانها مرتفعة كثيرا فلم يستطيع ان يقف فجأة حتى امر من امامه فقام بتكملة تخطيته للشارع من مسافة قصيرة جدا و لان الطريق ضيق لم يكن هناك مجال لتفاديه غير استخدام الفرامل بكل قوة حيث كنت اسير بسرعة 50 كيلومتر و مع ذلك زحفت السيارة عليه و صدمته و قذفته فى الارض .

    و نزلت بسرعة لارى ماذا حدث له و كان يتألم من وقوعه على الارض و عندما سألته عن ما به اخبرنى انه يشعر بألم فى كل جسمه فاعتقدت ان عظامه قد تكسرت. فحملته للسيارة و لم يكن هناك غير عدد قليل جدا من المارة الذين شاهدوا الحادث و اقروا بأنه المخطىء و ليس انا .

    و كانت اقرب مستشفى لمكان الحادث هى مستشفى البرج و لكنهم رفضوا استقباله الا اذا دفعت الف جنية تحت الحساب اولا و حاولت ان ادخله على وعد بدفع المبلغ فيما بعد و لكنهم رفضوا تماما .

    فتوجهت الى مستشفى العجوزة و قاموا باستقباله و بمجرد علمهم بأنها حادثة طريق وجدت امين الشرطة فورا فوق رأسى لتحرير محضر بالواقعة و اعتبرته اجراء عادى و روتينى رغم تكفلى الكامل بعلاج الرجل المصاب و عدم اهمالى له او تركه فى الطريق و تم عمل المحضر و ذكرت به ماحدث بالظبط و بعد عمل الاشاعات اللازمة للرجل لم يجدوا به شىء سوى كسر فى صباع يده الصغيرالتى صد بها السيارة اثناء الحادث .

    و هذه الاصابة من الممكن ان تمر مر الكرام بما انى تكفلت بمصاريف علاجه و لم اتركه و من الممكن ايضا ان تتحول الى جنحة و قضية لانها تحتاج الى علاج اكثر من 21 يوم لان كسر الصباع بيأخذ وقت مثل كسر العظام فى اى مكان اخر بالجسم .

    و بعد انتظارى لقيام امين الشرطة لاستكمال المحضر مع المصاب وأخذ اقواله وجدته بعد ذلك يحجز الرخصة و البطاقة و اتى بوردية من قسم قصر النيل للقبض عليا.

    و لم افهم اى شىء منهم سوى ضرورة ذهابى لقسم قصر النيل لان هذه الحادثة تابعة لمنطقة هذا القسم و اقوال المصاب تديننى بشدة و ذهبت للقسم و قابلنى الظابط المسؤول حاولت اشرح له ما حدث فقال لى نحن جهة تنفيذية فقط و المحضر الموجود لابد من عرضه على النيابة و هى التى ستقرر من المخطىء.

    و لأن الوقت متأخر فكان لابد من العرض على النيابة فى اليوم لتالى صباحا فأتصلت بصديق لى و اخبرته عما حدث فأتى و ترجى الظابط ان يضمننى حتى ابيت فى البيت بدلا من البيات فى الحجز مع اللصوص على ان اتى صباحا للعرض على النيابة و قد فعلت ذلك و ذهبت صباحا من القسم الى النيابة و كل هذا على اعتقاد ان الموضوع بسيط و مجرد اجرائات روتينية واجبة فى مثل هذه الحالات و ان وكيل النيابة عندما يسمع منى تفاصيل الحادث سيتم انهاء هذه المشكلة تماما

    و لكن عندما دخلت الى وكيل النيابة لم يعطينى اى فرصة للشرح او للكلام سوى ما اسمك و هل صدمت هذا الشخص ام لا فقط لا غير طبعا قولتله صدمته و الباشا لم يرغب الا فى سماع هذا الاعتراف فقط بغض النظر عن التفاصيل يبدو ان الباشا وقته سمين و لا يهمه غير اثبات ادانة الناس فقط و طلب الافراج عنى على زمة القضية و طبعا الافراج لا يتم من النيابة و لابد من الترحيل مرة اخرى الى قسم قصر النيل ثم بعد ذلك يتم ترحيلى منه الى القسم التابع له سكنى حتى يتم الافراج المؤقت عنى على زمة هذه القضية .

    و بالفعل رجعت الى قسم قصر النيل و اصر الظابط المسؤول على ان اجلس بالحجز حتى يأتى موعد ترحيلى
    و جلست مع اللصوص و شاهدت ما لا عينا رأت و لا اذن سمعت و كل هذا لانى صدمت شخص و كسرت اصبعه الصغير رغم انه المخطىء و لم اتركه و اهرب و تكفلت بكل مصاريف علاجه و فى الاخر وجدت نفسى مع اللصوص فى مكان واحد

    و انتظرت موعد الترحيل كى اخرج من هذا المكان ثم اتصرف بعد ذلك و طال الانتظر حتى دخل الليل و بدأت اتيقن اننى سوف ابيت فى الحجز مع اللصوص لليوم التالى بسبب بطء اجرائات الترحيل و لم يكن امامى سوى الحل الشهير و الاسرع فى مصر و هو البحث عن واسطة لخروجى مما انا فيه فطلبت من قريب لى يتابعنى فى الحجز ان يتصل بصديق ظابط و لحسن حظى انه موجود فى نفس القسم اللى اتحجزت فيه و انا لا اعرف و قام بالافراج عنى فورا و الغى امر الترحيل الى القسم التابع له و ظلوا يعتذروا لى و يتاسفوا على ما حدث و انتهى الجزء الاول من الموضوع.

    و بدأت اتابع القضية عن طريق المحامى و اخبرنى بالاتى بعد اتطلاعه على المحضر و اقوال المجنى عليه و ارجو ان تنتبهوا جميعا الى ما يلى
    ان الرجل الذى صدمته عندما وجدنى طيب معه و خائف عليه استغل هذا الموقف و قام برشوة امين الشرطة فى المستشفى اثناء اخذ اقواله و كتب فى المحضر الاتى و هى صيغة متفق عليها فى حالة رشوة امين الشرطة اثناء عمل المحضر لادانة اى قائد سيارة لابتزازه بعد ذلك.

    و كتب الاتى انه كان يعبر الشارع من منطقة عبور المشاة و اننى كنت اقود السيارة برعونة و لم استعمل الة التنبيه و الانوار كانت مطفئة و كاسيت السيارة صوته مرتفع و ان السيارة كانت ممتلئة بالبنات و هربوا بمجرد ارتكاب الحادث مما ادى اى عدم توقفى فى الوقت المناسب .

    لقد صدمنى هذا المحضر كثيرا و تأكدت من صحة المثل القائل خيرا تعمل شرا تلقى حيث انه كان بأمكانى تركه و الهرب ولم افعل ذلك بل انى حملته و تحملت كل مصاريف علاجه و سألت المحامى لماذا فعل كل هذا؟؟

    قال لى ان هناك اشخاص كثيرين اذا شعروا ان الشخص طيب معهم يستغلون مثل هذه الحوادث لابتزاز الناس حتى يتنازلوا عن القضية فى مقابل مادى كبير و هذا ما حدث معى تماما
    و ما هو الحل قال المحامى لابد ان تتصل بالرجل اولا و تذهب له بالمنزل وتحاول التفاوض معه و بالفعل ذهبت للرجل و صدق كلام المحامى لى بل انى وجدت الرجل قد اتفق مع محامى اخر على المطالبة بتعويض مادى كبير منى و المصيبة اننى اكتشفت ايضا ان المحامى الذى سيقوم له بذلك لن يأخذ اتعاب منه بل سيأخذها من التعويض اى ان المحامى الوقح اتفق مع الرجل على ابتزازى .

    و بدأ الرجل بمساومتى على مبلغ 5000 جنية و ينهى كل شىء .
    و لكنى رفضت الخضوع لابتزازه و تهديده و قلت له لن ادفع اى شىء لك و اذا احضرت محامى سوف احضر 10 محامين امامك و انت تعلم جيدا انك المخطىء و المكان مثبت فى المحضر و سوف احضر خريطة من المرور او من المساحة و اثبت بها عدم وجود مكان لعبور المشاة كما كذبت فى المحضر و ان اردت ان تجعلها قضية فلتكن كذلك و لنرى من فينا سيستمر الى الاخر و هددته بأننى ثأثبت انه المخطىء و اثبت ايضا واقعة الرشوة و تلفيق المحضر و ادخله السجن و اطالب بتعويض منه ايضا .

    و يبدو ان تهديدى له و عدم خضوعى لمطالبه اتى بنتيجة و وجدته بعد يومين يتصل بى و يطلب مبلغ 200 جنية فقط مقابل التنازل فى النيابة عن القضية فقلت له لن ادفع غير 100 جنية فقط فوافق و تم التنازل و انتهى الموضوع.
    و اضيف ان بعد تنازله عن القضية و خروجنا من سرايا النيابة معا لم اتمالك نفسى و اكلته مقص طرحه ارضا و تركته و مشيت.

    و من هذه القصة لابد ان نخرج منها بعدة اشياء هامة يجب اتباعها فى حالة اذا كنت غير مخطىء

    1- اذا صدمت شخص و انت لست المخطىء و لم يراك احد فمن الافضل ان تمشى .

    2- اذا صدمت شخص و توقفت فلا تظهر اى شفقه نحوه و يجب ان يعلم جيدا انه المخطىء و سبب المشكلة .

    3- اذا اضطرتك الظروف الى اخذه مستشفى و شعرت انه غير محترم و سيقوم بتضخيم الموضوع و عمل محضر لك فمن الافضل ان تلقيه فى اى مكان و لا تذهب معه الى المستشفى.

    4- لا تتأخر ابدا فى استخدام اى واسط متاحة قد تصلح فى تلك الظروف .

    6- لا تتأخر فى استدعاء محامى لانه خبرة بهذه الاشياء و من الممكن ان يمنع تضخم القضية من اولها.

    5- عدم الخضوع للابتزاز و اظهار القوة و انك مسنود من ناس كبيرة فى البلد و التهديد بذلك فهذا التهديد له تأثير قوى على نفوس المبتزين اللصوص .

    6- و هذا اهم بند فى الموضوع كله ارجو ان تنتبهوا له جيدا لانه السبب الرئيسى فى المشكلة كلها اذا وصل الامر لعمل محضر بالمستشفى و قام امين الشرطة باخذ اقوالك فلابد ان ترشى امين الشرطة هذا باكبر مبلغ ممكن معك و فى هذه الحالة سيحل المشكلة تماما و ينهيها فى وقتها و ربما يغلق المحضر من اساسه و اذا كتب محضر سيكتب الاتى ان الرجل الذى صدمته كان فى حالة سكر و قام بعبور الشارع فجأة من مكان غير مخصص لعبور المشاه و لم يستجيب لكلاكس السيارة و لا الى تنبيهات المارة.

    من عنده بند مفيد او تجربة فى هذا الموضوع ارجو ان يضيفها لنا . .
    243
    هل تهرب و تتركه ؟؟
    0%
    72
    ام تنقله الى اقرب مستشفى و تقع تحت طائلة القانون ؟
    0%
    171

  • #2
    والله أنا حصلت معايا نفس مشكلتك بس أنا مشكلتي أكبر لأن الراجل توفي .
    الكلام ده من حوالي أربع سنوات على الكورنيش أمام مستشفى معهد ناصر حوالي الساعه 7 مساء

    نفس اللي حصل معاك بس أنا شلت الراجل على المستشفى وهناك قالولي إنه توفي وبعديها لقيت الدنيا اتقلبت وأمناء وشرطه وحكاية

    المهم أنا أخو المدام عندي رئيس محكمة فاتصلت بيه فورا وجالي على المستشفى وطلعنا على قسم الساحل في شارع شبرا وهناك تم عمل المحضر (أنا فعلا مكنتش غلطان لأنه كان بيعدي من منزل مطلع كوبري) والضابط هناك تفهم الوضع ولكن كان لابد من البقاء في القسم حتى الذهاب للنيابة تاني يوم بس الحمد لله بت في غرفة النوباتشية وفي النيابة أول سؤال اتسأل لأولاد المتوفي (كان عنده ولدين) هو تعرفوا الراجل ده ولالا لأ ؟ وتم عمل المحضر والإراج بضمان محل الإقامة ثم عدت للقسم ومنه خرجت إلى المنزل

    بعد كده وكلت محامي طبعا وشوفت طلباتهم إيه (أنا مشيت حسب الشرع بوجوب دفع الديه) هما بصراحه كانوا ناس كويسين وطلبوا ثلاثة ألاف جنيه دفعتهم وتم التنازل في الشهر العقاري ثم المحكمة وخلص الموضوع على كده

    ارجو لا يتعرض أي حد لمثل هذا الموقف المؤلم .

    Comment


    • #3
      مع الأسف حصل معايا وضع مشابه جدا جدا و برضو مساومه و كذب و خلص الموضوع بطريقه لم اكن اتمناها.
      Thanks
      Ahmed Hassan
      [I][SIZE=3][SIZE=2]When all you have is a hammer, everything looks like a nail

      [/SIZE][/SIZE][/I][CENTER][SIGPIC][/SIGPIC][/CENTER]

      Comment


      • #4
        انا سمعت مره ان واحد خبطتوا عربيه واللى خبطو هرب واحد معدى شافو متكوم راح خدو فى عربيتو و على المستشفى طبعا الشرطة جت الرجل جيه يمشى قلولو لا دانتا خابط واحد بعربيتك قلهم لا انا مخبطوش حتى اسألوه راحو يسألوه قلهم اه هو اللى خبطنى !!!!
        بس فى الاخر الواحد بيعامل ربنا يعنى لو خبطت حد سواء غلطتك او غلطتو لازم توصلو بس طبعا لازم بأه نرشى الامين و بعد كده تعمل العدل و الحق

        Comment


        • #5
          لا حول ولا قوة إلا بالله على النفوس المريضة دي للأسف مبقاش في إحتارم ولا رحمة ..
          أنا عن نفسي أسيبه يولع لو لاقيته بيتدلع يعني مثلا خبطة زي حضرتك كده واضح أنها حتكون بسيطه لكن لما ألاقيه يقولي جسمي والحكايه والروايه أسيبه يولع ..
          حصل مع والدي موقف زيه بس الحمد لله خلصه في ساعتها ..
          كان في الشارع اللي قدام الهانوفيل من بره وبيطلع على ال21 وماشي على 30 .. ووالدي شايف واحد عينه في عينه من اليمين ووالدي كان عالشمال ووالدي بيهدي عشان حاسس ان في حاجه مش مظبوطه حتحصل وفجأه الواد ده قام معدي الطريق بسرعه وعمل نفسه اتخبط ونط عالكبوت المفتري ...والدي أفتكره بجد أتخبط المهم نزله لقاه بيتكاهن وبيستموت قاله مالك في ايه قاله جسمي ودراعي والحكايه فوالدي قاله يابني عيب دانا ماشي على 30 وانت عينك في عيني المهم الواد ده أتلم وقاله أسف أنا فعلا اللي غلطان أعذرني وخلص الموضوع (العربيه كانت جمرك )(وكان فيها أمم يعني كان لو كتر كان زمانه أتطحن منهم بس والدي مش بتاع خناق ومبيحبش يظلم حد ) ومتهيألي كمان والدي أداله قرشين مش فاكر بصراحه .
          [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

          Comment


          • #6
            إلي متي ... الفوضي وشريعة الغاب !!!!!!! والله حرام
            الدول التي كنا نعلم أهلها مبادئ القراءة والكتابة ... أصبحت دول عصرية ومحترمة كل شيئ فيها يسير طبقا لسيادة الشريعة اولا ثم القانون ...
            هناك دوريات مرور راكبة تتجول ليل نهار في الشوارع
            عند حدوث اتصادم مع سيارة الأخر .. بمكالمة مجانية تجد دورية المرور عند الحادث في أقل من نصف ساعة .. يقمون بتقييم سبب الحادث ونسبة المسئولية علي كل طرف ويتكفل التأميين كل شيء ... (تأمين مروري في السنة بـ 450 ريال)
            وإن حدث لاقدر الله وإنك صدمت شخص ... وحتي إن كنت غلطان .. يتحمل التأميين الفدية وكل شيئ .....
            وإن إرتكبت (جرم) مروري مثلا بقطع إشارة ... تدفع غرامة فورية 500 ريال مع التوقيف ليلة واحدة ....
            التوقيف عبارة عن غرفة مكيفة معك فيها أصحاب نفس المخالفة وليس اللصوص والمجرمون ...
            وفي المساء في حجرة التوقيف ... تجد ظابط شرطة يأتي ويقولك ...
            (((( تتعشي إية؟))))
            نفسي مصر تتقدم وتبقي زي مصر سنة 1950:wheelchair:
            mytutor2008 سابقا

            Comment


            • #7
              انا كتير بمشي عالدائري بالليل و اشوف الأشباح اللي بتعدي بدون أدني مبالاة أكنها معدية في الغيط .. و مقرر من زمان عشان لو اتعرضت لا قدر الله للموقف ده مفكرش كتير .. اللي بتخبط في مكان زي ده ( يعني أكيد هو الغلطان ) ملوش دية .. و أحوال البلد متشجعش أن الواحد يعمل خير و يقف ياخده عالمستشفي يقوم يلبس تهمة

              خصوصا أن الحوادث اللي زي كدة بتبقي عشان واحد مكسل ينزل السلم عالدائري و يطلع من الناحية التانية .. أو مكسل يستني الإشارة تقفل في وسط البلد .. او بيعدي و مش باصص للطريق أصلا .. بينتحر في سعادتك

              فوضي
              [COLOR="gray"]
              [CENTER]Leadership is based on inspiration, not domination[/CENTER][/COLOR]

              Comment


              • #8
                انا ليا موقف مماثل و ناس كتير من هنا حضروا الواقعة

                الحادث حصل فى اول يناير 2008... و الحد النهاردة الموضوع امام المحكمة

                بعد ما كان بيتقال "احنا غلابة و مش لاقيين ناكل"... الكلام بقى "احنا عايزين تعزيض 20 الف جنية" و "انتوا ناس مستريحين" و "الباشا راكب عربية بالشىء الفلانى" (لانوس 2001) و "انتوا حتدفعوا كام و تخلصوا؟"

                طبعا انا مليش دراع يتلوى ولا كنت غلطان و بالتالى لا حدفع ولا حهبب و لو اخدت حكم حستانف ولو لعشرين سنة... اصل التامين الاجبارى اللى بندفعة ساعة الترخيص هو اللى بيدفع التعويض مش الجانى بس لازم الشق الجنائى (القضية بتاعتى) يخلص الاول و بالتالى كل ما القضية تطول مش فى مصلحتهم

                انا حاولت اخلص بدرى بدرى و دفعت مبلغ صغير فى الاول على سبيل اثبات حسن النية بس يظهر ان دة اعتبر ضعف منى لان من بعدها بدات الحوارات دى

                هى دى عينة الناس اللى فى البلد.. والصراحة انا فعلا واخد قرار انى لا قدر الله حصل معايا الموقف دة تانى مش حقف... و لو اللى خبطة وقع قدام العربية حفرمة و اجرى.... طالما غلطان يستاهل... انا من زمان مبقفش لحد لما المراية تلطش دراعة و كدة لان طالما دراعة جة فى المراية يبقى ماشى فى نص الشارع و لاننا شعب جاهل و بتاع رغى فقط فا حيجيبوا الغلط على اللى راكب عربية عشان راكب عربية و خلاص.

                ممكن الكلام ميعجبكمش بس معلش... انا اللى كنت فى العربية و انا اللى كنت فى القسم و انا اللى رحت النيابة و انا اللى اتحطيت فى الحجز فا انا اللى عارف اللى فيها... حرام تتبهدل و انت مش غلطان... و اللى مش خايف على نفسة مش مطلوب منى انى اخاف علية... يولع بجاااااااز

                صحيح انا عربيتى لما خبط الراجل نزلت ميه التبريد بس كان ممكن تمشى شوية حتى بعيد عن مكان الحادث بس انا وقفت فورا... انا بدات اندم على القرار دة و الندم بيزيد كل يوم

                MMamdouh
                [CENTER]What is the difference between ignorance and apathy?...I don't know & I don't care[/CENTER]

                [CENTER][SIGPIC][/SIGPIC][/CENTER]


                [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                [marq="Error"]what goes around... comes around[/marq]


                [CENTER][URL="http://www.cardomain.com/ride/567267"]MMamdouh's Lanos on CarDomain
                [/URL][/CENTER]

                [URL="http://www.nilemotors.net/Nile/showthread.php?t=85421"]
                [/URL]

                Comment


                • #9
                  القاعده رقم واحد في مصر :
                  always be agressive and never be soft

                  Comment


                  • #10
                    انا حصل معايا موقف ذى ده خبطة عيل حوالى 15 سنة كان بيجرى ورا كورة ومرة واحدة لقيته فى نصف الشارع طبعا خدته على الكبوت وتنطر 10 متر وديته المستشفى وجبتله العلاج واديته رقم التليفون وطبعا اهله مفيش كلمة شكر كل الى عرفته انهم خدوه لمستشفى خاص وحاولوا يضربوا تقرير ان الواد فيه اصابات مع ان الواد ذى الجن ومحصلوش حاجة
                    [SIGPIC]http://imageshack.us/photo/my-images/545/6c6d1551112s.gif/[/SIGPIC]

                    Comment


                    • #11
                      بجد شكرااا على الموضوع ده أهم موضوع قريته في المنتدى من زمان
                      اخوكم ... د/ محمود
                      " وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ "

                      Comment


                      • #12
                        المسلسل اليومى اللى كل يوم بشوفه على الكورنيش
                        لسه إمبارح واحدة او واحد مشفتش كويس مخبوط ما بين نفقين المسافة ما بينهم 3 شوارع جانبية

                        انا مش عارف إيه الحل؟؟؟ الناس دى عايزة إيه بالظبط

                        من كام يوم ماشى بالعربية و مروح بالليل على الكورنيش
                        و عند جليم اللاقى العربيات كلها بتقف جامد ووقفت انا كمان و الحمد لله مكانش فيه عربية ورايا
                        و اللاقى عيل شكله جربان من اللى بييجوا يوسخوا البحر و يمشوا بيشاور للعربيات عشان تقف عشان يعدى الناس من فوق نفق

                        فزعقتله و قولتله متنزل من النفق..... يرد يقوللى انت اللى جاى بسرعة و هنعدى من هنا (إذا كان عجبك يعنى)
                        إستفزنى لدرجة انى شتمته و نرفزنى طول السكة

                        بصراحة انا مش عارف الناس دى عايزة إيه؟؟؟؟؟
                        [B]عمرو مختار[/B]
                        [CENTER]
                        [/CENTER]

                        Comment


                        • #13
                          حصل معايا الموقف ده سنه2004 بالعربيه القديمه بس مع عجله المهم البدايه انى كنت واقف فى اشاره وكنت فى اول صف فتحت الاشاره اتحركت المهم وصلت لسرعه 50 او 60 مش فاكر ولد بعجله على يمين الطريق وقدامى بحوالى 10 متر وفجأه قطع عليا الطريق علشان يلف من اللفه اللى على شمالى وهب وقفت على الفرامل وطبعا راحت العربيه دخله فى العجله وطلعلى هو فوق الكبوت وكسرلى البريبريز(فيورا) وطبعا زى المعتاد الناس اللى شافت الحادثه واصحاب العربيات اللى طلعوا معايا من الاشاره قاللوا انى مش غلطان وانه هو اللى قطع الطريق من غير ما يكلف نفسه ويبص يشوف فيه عربيات ولا لأ جايه من وراه والقسم المشعللاتى بتاع انتوا راكبين عربيات علشان تدوسوا على خلق الله .المهم وديته فى تاكسى لمستشفى وسواق التاكسى تبرع بالمشوار ده لانه كان شايف انى مش غلطان وهو كان ماشى ورايا بس اديته تمن المشوار بس ورحت انا جبت اختى من المدرسه ورجعت على المستشفى واتصلت بواحد صحبى يعرف يتعامل مع المواضيع ده ونرجع للولد اللى اخد 5 غرز فى راسى لان راسه هى اللى كسرت الازاز عندى .والمهم الولد معترف انه غلط وانه مبصش على الطريق قبل ما يعدى بالعرض رحت اوصله البيت وطبعا معملناش محضر فى المستشفى لان الولد قال انا مش عاوز لانى غلطان وبيتهم فى حته بيئه جدا واول ما ابوه شاف ابنه متغرز والعجله متكسرة مسك فينا وقاللك محدش ماشى من هنا اتصلت بوالدى وخليت صاحبى يروح اختى وفضلت انا فى المعتقل لحد ما ابويا جه واخد الولد وعمله اشعه وجابله ادويه واطمنه عليه وطبعا الولد قدام ابوه مش قادر يقول انه هو اللى غلط وعمال اقنع فيه انى مش انا اللى غلطان وهو مقفل ويقولى بقى اللى راكب العجله هو اللى هيبقى غلطان(قوانين خاصه بمصر) وبعد ما سيبته ونسيت الموضوع لقيتهم عملوا محضر فى القسم وبقت قضيه وجالى اخطار بمعادها بعدها ب8 شهور بس الحمد لله كانوا عملوا تقرير مستشفى بعد الحادثه ب 3 ايام فوكيل النيابه بيسألهم كنتم فين لمده 3 ايام بين الحادثه وتاريخ التقرير فقالوا رد اتقلب عليهم قالوله اصله كان فى غيبوبه3 ايام بس الحمد لله اخدت براءه وقولت قدر الله وماشاء فعل
                          ramylancer سابقا

                          Comment


                          • #14
                            على فكره طبقا للاستفتاء لو انا فى اى بلد بره مصر هنقله لاقرب مستشفى وابقى معاه انما هنا فى مصر هاخد فسنانى واطير
                            ramylancer سابقا

                            Comment


                            • #15
                              ان حصل مع واحد قريبي انه خبط واحد
                              بس فعلا طلع ناصح انه سابه وجري و والدي عاقبه علي حاجه زي كده بس اتضح انه علي حق عارفين ليه
                              علشان في واحد اخد النمره بتاعت العربيه وكل اللي حصل انه جاتله غرامه 500 جنيه وخرج براءه زي الفل تخيلو بقي لو كان وقف كان هيحصل ايه وهيدفع كام وهيتبهدل اززززززاي
                              [CENTER]:11_5_14[1]:[/CENTER]

                              Comment

                              Working...
                              X