مشكلة و ارجو الحل

[عمرو عبيد]

عندى مشكلة يا جماعة و ارجو حلها من فترة و انا ماشى بعربيتى فوجئت بان لمبة ال n بتنور و تطفى و انا على ال d فجريت للتوكيل فى شارع عبد الخالق ثروت و عملوا كشف كمبيوتر و قالوا ان حساس ضغط زيت الفتيس مسجل مشكلة وبعد كدة المهندس لغى المشكلة دى بالكمبيوتر و ساعتها استغربت و قلتلوا المفروض انك تصلح المشكلة مش تلغى قراءة الكمبيوتر قالى متخافش انت عربيتك عاملة 24000 كيلويعنى لسة جديدة و ان اكيد فى مية جت على الحساس دة فهنج المهم بعد شهر رجعت المشكلة تانى رحت راجع للجماعة بتوع شارع ثروت لقيت الكمبيوتر عندهم بايظ و قالولى اطلع على الرواس اللى فى العجوزة رحتلهم و كشفوا بالكمبيوتر وطلع العيب فى الحساس مع ان التوكيل الى فى شارع ثروت قال ان مافيش حاجة بعد كدة غيروا الحساس و دفعت الف جنية 685 تمن الحساس الجديد و 150 مصنعية و الباقى ضرائب و اول ما خرجت من الوكيل لقيت المشكلة رجعت تانى رحت راجعلهم و عملوا كشف كمبيوتر تانى لقوا فى مشكلة وبعد مجهود و بعد مافتحوا الفتيس اكتشفوا ان الحساس الجديد بايظ غيروا الحساس الجديد و جربوا العربية و قالولى ان المشكلة زالت تماما قلت الحمد لله وبعد يومين نورت اللمبة تانى فبصراحة انا مش عارف اعمل اية و هل من المعقول ان المهندسين فى التوكيل مش عارفين المشكلة دى عبارة عن اية !!!!!!!!!!!!!!!!!!!!!!!!!!!!!!!!!!!!!!!!! فارجوكم يا جماعة الى عارف حل المشكلة دى او حتى اسبابها يقولى و هل المفرض امشى بالعربية ولا اركنها ارجوا من الأستاذ طارق زويل افادتى انا عربيتى لانسر خليجى 2007 و عملة 24000 كم !!!!!!!!!!!!!!

[mohamedway]

عربيتك 1600 ولا 1300؟؟؟؟؟؟

[عمرو عبيد]

انا عربيتى 1600

[mohamedway]

وديها قليوب و احكيلهم القصه و ما تقؤصش على العربيه خالص لغايه ما تحل المشكله لأن فتيسك Cvt وده حساس جدا و لو باظ مالهوش تصليح و تمنه فى التوكيل 30000 جنيه و لو عريتك ليها ضمان و المشكله بترجع تانى زى ما قولت كده يبقه من حقك الفتيس كله يتغير على حساب الشركه (عشان كده الضمان مهم جدا خصوصا لو بتشترى عربيه اتوماتك بالذات).

نصيحتى ليك ما تسكتش و لا يهدالك بال إلا لما الفتيس يتضبط لأنك لو مشيت بيه كده كتير هيبوظ خالص بأسرع مما تتخيل و ساعتها هتغير الفتيس كله.

[mohamedway]

http://nilemotors.net/Nile/showthread.php?t=55824

شوف الموضوع ده هيفيدك

[lovelorn]

أخيرا حنشوف لازمة للضمانات ... انا شايف ان كلام استاذ mohamedway صح .. عشان معروف ان الأوتوماتيك ليه معامله خاصة وبالذات ال cvt فا انتا تروح على قليوب ولو صلحوا الفتيس يبقى كان بها واهو يبقى التوكيل اثبت انه بيعرف يصلح حاجة " غير الصيانات الدورية " ... ولو معرفوش يصلحوه يبقى ضمان العربية أخيرا حيكون ليه فايدة " دا لو التوكيل متلككش وقالك سوء استخدام مثلا وانتا اللى تتحمله " .. ولو زهقت من الوضوع ده انا ممكن اسألك المهندس اللى بعمل عنده الصيانة عشان اللى اعرفه انه مش بيقرب من أى عربية غير فى تصليح الأوتوماتيك بس .. غير كدا هو باشا مش بيلمس حاجة مجرد اشراف مش أكتر

[مصراوي جدا]

استاذ عمرو طالما العربية لانسر خليجي واعتقد انها بضمان الرواس طالما بتعمل الصيانة عنده فطبعا هو مسئول عنها تماما ولازم المشكلة تتحل ومركزهم الرئيسي هو العجوزة لازم تروح لهم تاني لحل المشكلة

انا رحتلهم مرتين و معرفوش يحلوا المشكلة و انا خايف يكونوا مش فاهمين فى الفتيس ال cvt و يعملوا مشكلة فية خصوصا انى اسمع انة مالوش تصليح .
انا عايز اعرف بس المشكلة فين هل هى الحساسات ولا فية حاجة مش مظبوطة فى الكهرباء ولا الفتيس باظ مع العلم انى استبعد الأحتمال الأخير لان العربية لسة جديدة و الفتيس لسة جديد و بعدين لما مشكلة لمبة الn بتحصل عندى اول ما ابطل العربية و اشغلها بتختفى تماما و بترجع بعد كام يوم و اظن ان لما يكون فية مشكلة فى الفتيس اللمبة تفضل منورة علطول و اداء العربية مفروض يقل مش عارف بصراحة انا محتار و على فكرة العربية مالهاش ضمان

[pharonicking]

هو ماثر على اداء العربية؟

[مصراوي جدا]

انا رحتلهم مرتين و معرفوش يحلوا المشكلة و انا خايف يكونوا مش فاهمين فى الفتيس ال cvt و يعملوا مشكلة فية خصوصا انى اسمع انة مالوش تصليح .
انا عايز اعرف بس المشكلة فين هل هى الحساسات ولا فية حاجة مش مظبوطة فى الكهرباء ولا الفتيس باظ مع العلم انى استبعد الأحتمال الأخير لان العربية لسة جديدة و الفتيس لسة جديد و بعدين لما مشكلة لمبة الn بتحصل عندى اول ما ابطل العربية و اشغلها بتختفى تماما و بترجع بعد كام يوم و اظن ان لما يكون فية مشكلة فى الفتيس اللمبة تفضل منورة علطول و اداء العربية مفروض يقل مش عارف بصراحة انا محتار و على فكرة العربية مالهاش ضمان

خلاص هات العربية المركز الرئيسي للوكيل (مصرية) عندنا في قليوب تعال في اي يوم بس بدري احنا بنبدأ 8صباحا