.:(حصرى)-(عدل عربيتك بنفسك) (حلقة 3):.رينجات وفك ورش كشاف إمبريزا 2008#(بالصور)-

[ahmad7610]

-------------------------حصرى --------------------------------
-( تحذير :::العملية مش سهلة زى الحلقات اللى قبل كده لأننا حنفك الإكصدام الأمامى فى الموديل ده ... أى حد يجرب الخطوات دى وما ينجحش هو المسئول )
-
الهدف من التعديل ::::::::::::::::::
-
فك ورش العواكس فى الكشافات الأمامية لإمبريزا 2008-2009 هاتش باك وسيدان ...
-ثم
تركيب رينجات
-
قبل رش الكشافات ::::::::::::
-

-
بعد رش الكشافات :::::::::::::::
-

--------------------
بعد تركيب الرينجات:::::::::::::


-

-
--------------------------------------------------------------
--------------------------------------------------------------
الأدوات /:::::::::::::::::::::
-
-

-
مفك عادى مش صليبة
مفك صليبة
مفتاح صواميل 12 مم
لزق مخصص للعربيات بيبقى فى معظم الهايبر وهو عبارة عن أنبوبتين يتم خلطهما
دهان سبراى أسود مط أو أى نوع موجود فى محلات الاكسسوارات :

-
رينجات كشافات من أى محل اكسسورات كويس

وكالعادة صانية وفرن بوتاجاز ..:
---------------------
فيه أدوات فى الصورة زيادة مش حنحتاجها قوى .. بس لأن اللى عامل الموضوع ده دقيق حبتين ومستخدم حاجات زى ال driller
علشان يخرم بيه فى الكشاف من جوه عند تركيب الرينجات........

[ahmad7610]

الخطوات ::::::::::::::::::::::::::
-
فك الاكصدام =حوالى 20 دقيقة أول مرة
فك الكشافات = 10 دقايق
فك لحام الكشافات و دهانها وتركيبها تانى = ساعة
تركيب الاكصدام والكشافات = 15 دقيقة
تركيب الزينون = 30 دقيقة
-----------------------------------------------------------
((تنبيه من سوبارو أمريكا لكل مراكز الخدمة )) موديلات 2008-2009 سيدان وهاتش يجب فك الاكصدام عند فك الكشافات الأمامية والفوجات عند القيام بذلك للمرة الأولى .......
-
وبالتالى أول حاجة لازم نفك الاكصدام .. وكل ده بسبب 3 صواميل ماسكين الكشاف تحت الاكصدام ..
-
فك الاكصدام :::::::::
-
ده رسم تخطيطى للعملية ::

-
1- حنفك الكليبسات البلاستيك كما فى الصورة ::

-

-
وكمان حنفك الكليبسات والمسامير البلاستيك اللى ماسكة الاكصدام من الجنب ( أمام العجل الجانبى )

-
دلوقتى باقى مسامير تانية تحت الاكصدام ودى ممكن فكها بدون رفع العربية .. لو لقيتها صعبة ارفع مقدمة العربية:::::

-

-
قبل ما نبدأ نشيل الاكصدام ... فك كابلات الفوج لايت ....

-
إبدأ بفك الأجناب بالراحة لأن الكليبسات ضعيفة جدا ..

-

-
كمل الناحية التانية .. ( بكده الاكصدام مفكوك من االأجناب )

[ahmad7610]

-
من النص شد الكصدام بإيدك الاتنين
( الاكصدام عرضه فى الخطوة دى للتجريح أو الشرخ لو وقع منك )
-
-

-
تم فك الاكصدام ..........:
(( الصور لفك اكصدام STi 2008 وهى هى نفس خطوات فك أى اكصدام امبريزا 2008-2009 مع اختلاف بسيط لأماكن الكليبسات فى الأجناب وتحت العربية
(( فى موديلات 1500 فى مصر العملية أسهل بكتير وعدد الكليبسات أأقل ))
-----------------------------------------------------------------
((ملاحظة الاكصدام بيتفك كاملا بالشبكة - والشبكة ماسكة بمسامير تانية فى الاكصدام مش حنفكها لأننا مش محتاجين فك الشبكة :::))
---------------------------------------------------------------
2-
كمل فك صواميل الكشافات اللى فوق لو مكنتش فكتها مع فك الاكصدام ::::

-----------------

-

-

--------------
شيل الكشاف على بركة الله ::::::::: وطبعا فك أى كابلات واحفظ مكانها
-
فك شاسية الكشاف من الصواميل دول .........

-
وكمان ال 5 مسامير دول ............

[ahmad7610]

-
سخن فرن البوتاجاز على درجة 220 F وسيبه 5 دقايق يسخن وبعدين حط الكشاف ... ( ايوه كشاف العربية ::: )
-

-
(لأصحاب القلوب الضعيفة يمكن استخدام أى مصدر بخار ساخن زى استيشوار الشعر أو بخار مياه سخن ... كل واحد ومزاجه .. لكن أسرع طريقة هى الفرن)
_
(صاحب الموضوع حط الكشاف باللمض بالوصلات - لكن شخصيا أنصح بفك اللمض وأى وصلات قبل الفرن )
--------------------------------
سيبه 10-15 دقيقة وخرجه ( أكيد حيبقى سخن نار ..وأكيد مش حتمسكه بإيدك .. بأى جوانتى أو أى حاجة من المطبخ )
-
بأى مفك أو أداة كما فى الصورة ( بتبقى موجودة فى معظم علب المفكات )
إبدأ فى فك اللزق زى الصورة بالراحة::

---------------------

-

-
((((((((((((((0ملاحظة ))))))))))))))))))))))
الكشاف اللى فى الصورة مرشوش أصلا لأن ده بينزل كده بره
-
الكشاف اللى فى مصر كله فضى من جوه ... اللى عايز يرش الكشاف بالاسبراى الأسود المط يرش كما فى الصورة أو بأى شكل هو حابب يعمله
-
بس الأول فك الجزء الكروم كما فى الصورة علشان حنحتاجه لما نركب الرينجات

-
طبعا قبل الرش غطى أى جزء مش عايزه يترش بأى لزق أو ورق سميك وثبته جيدا ...( كالعدسة ) ويفضل فكها مع الاشارات من المسامير الصغيرة اللى ماسكاهم

الكشاف بعد الدهان ::::::::::::::::::::::::::::
(الدهان يستغرق من 10-15 ق لينشف فى معظم الأنواع )

0-
----------------------
ممكن تقفل الكشاف على كده لو مش عايز تركب رينجات .......

[ahmad7610]

-------------------------------
3-تركيب الرينجات :::::::::::::::::::::::::::::
-

-
علشان نركب الرينجات 100% ونعدى السلك لازم نخرم تحت الجزء الفضى اللى بيركب على العدسة

-

-----


-

-
ثبت الرينجات على الدايرة

-
وممكن تعمل زى الصورة وتثبتهم بلزق على ما نستخدم اللزق السائل
-
الزق الرينج من وراء زى الصورة باللزق المخصص للعربيات من ناحيتين كفاية أو أى مكان يعجبك .. المهم ما يكونش ظاهر من الأمام
-

-
وممكن تثبت السلوك كمان

---------------------------

[ahmad7610]

حنعدى السلك زى الصورة

-
وهنا حنحتاج نفك لمبة النور العالى HB3 من ظهر الكشاف ( لو مكنتش فاكيتها قبل ما دخل الكشاف الفرن أول مرة )

علشان نعدى السلك منها .. وبالتالى حنحتاج نخرم مكان صغير فى الغطاء بتاع النور العالى ...
[IMG]http://i48.photobucket.com/albums/f215/spaceman838/How%20To/Angel%20Eyes
/3872384c.jpg[/IMG]
------------------------------
دلوقتى ممكن نقفل الكشاف::::::::::::::

قفل الكشاف و امسك الوش فى الظهر تانى جيدا لمدة 5 دقايق ... دخل الكشاف فى الفرن تانى 10 دقايق علشان اللزق يسيح وخليك ماسكهم بعد مايبردوا فى بعض تانى .
-
---------------------------
دلوقتى عايزين نكمل باقى وصلات الرينجات :::::::::::::::::::


-
ميز السلك اللى مسئول عن نور التابلوه ( أكيد مش السلك اللى رايح على النور العالى ولا الواطى )
-
اكشف المادة السوداء اللى مغطياه و عرى السلكين الأسود والأخضر .......

-
وصل الوصلات زى الصورة :::::::::::

----------
بكده الكشاف جاهز يرجع العربية تانى ............
-------------------------------
رجع الكشاف مكانه فى العربية وثبته مكانه ... وركب الاكصدام بالشبكة تانى ..
---------------------------------
-والنتيجة النهائية ::::::::::::::::::::::::::

--------
((( باقى الزينون وده فى حلقة تانية ان شاء الله ))))

والزينون مش محتاج فك اكصدامات ولا حوارات تانى ..
------------
تم بحمد الله :::::
------------
(تمت الكتابة فى ساعة ونصف )
-
((الموضوع عبارة عن تجميع 4 مواضيع لامبريزا 2008 من فك اكصدام و- فك الكشاف ورشه- و تركيب رينجات و الجزء الأخير تركيب زينون ان شاء الله قريب
وتمت الترجمة والشرح بواسطة العبد لله بدقة كبيرة على قد ماقدرت)
----------
بجد اللى حينقل الموضوع بدون ذكر المصدر ( الموقع وصاحب الموضوع حرام عليه )
----------
انتظروا تجارب اخرى :::::::::::::
----------

[ahmad7610]

--------------الصورة دى ناقصة .. وهى أول خطوة فى فك اللزق بعد الخروج من الفرن ::وهى بدل صورة الكشاف اللى فى الفرن المكررة
لو ممكن المشرف يضعها مكانها ...
تم وضع الصوره في مكانها الصحيح
مشرف قسم السوبارو

[king_de_egypt]

لا بجد الموضوع دا لازم يتثبت و ربنا يكرمك على المجهود الرائع دا

[ahmad7610]

لا بجد الموضوع دا لازم يتثبت و ربنا يكرمك على المجهود الرائع دا

-
العفو يا كنج ..
-
وألف شكر بجد لمشرف القسم على سرعة التعديل وتعبته معايا معلش .. أكيد تعب على ما لقى مكان الصورة :::

[Ahmed Hassan]

الناس دي قلبها ميت :)

شكرا على الموضوع يا ابو حميد. مفيش مواضيع تغيير مواتير؟ :)