حصرى كشف سر اللوحات الجديدة

[hossam_elwani]

طبعا كلنا عارفين ان اللوحات الجديدة فيها ارقام وحروف الارقام والحروف دى تتبع طريقة حسابية تسمى المتتالية الحسابية ناتج عن العملية دى 35 مليون لوحة تقريبا وممكن تتشابة الارقام فى اللوحات ولكن لا تتشابة الحروف والارقام معا فى اى محافظة اخرى معنى الحروف لايعبر عن اى شىء بخلاف اللوحات خارج القاهرة والجيزة اول حرف بيدل على المحافظة التابع لها السيارة ازاى اعرف بيقى انا العربية دى من القاهرة او من الجيزة او من اسكندرية بيانهم كالاتى:
3 ارقام و 3 حروف القاهرة
4 ارقام و حرفين جيزة
4 ارقام و 3 حروف اسكندرية او اى محافظة اخرى وطبعا زى ما قلت او حرف فى اللوحة هو الدال على المحافظة خارج القاهرة والجيزة . اسكندرية مثلا تلاقيه (س) مش( أ)

[mramzy]

طب انا ج ع ط
تبقى جاهره

[أحمد كمال]

طب انا ج ع ط
تبقى جاهره

نياهاهاهاهاهاها حلوة جدا

جاهرة

او جايز "جاسيوط"

زي "عين عاحمد" كده

[hossam_elwani]

طب انا ج ع ط
تبقى جاهره

لا يا عزيزى القاهرة والجيزة اسم المحافظة لايستدل عليه فى اللوحة باقى محافظات الجمهورية اول حرف فى اللوحة يدل على المحافظة والمصدر من مساعد وزير الداخلية

مشكور على المعلومه بس انا كنت بداعبك
وعذرا ان كنت اتضايقت

[Ahmed Nouh]

حى الان اللى اتعرف فى اخ لينا فى المنتدى معلق نمر ( س ى أ ) فى الاسكندريه ولسه صديق لى من السويس معلق ( ط س أ )

يبقى لو كلام الراجل ده صح نقدر نقول ان اسكندريه (س) و السويس (ط) مع انى معرفش ايه علاقه (ط) بالسويس

[Ashraf_Ashraf]

مع كل الاحترام والتقدير اعتقد الكلام ده مش عملى
ولو لاحظت مش كل ملاكى القاهره فيه حرف الالف على سبيل المثال ولا المحافظات اللى نزل فيها بيبدا بحرف المحافظه
مهما كان مشكور للمعلومه

[kliken]

السويس ط س ا
اختصار طريق السويس الصحراوى بنقول عليها كده فى السويس بهزار طبعا

[Dr_Ahmed_Abdelghany]

معلش مع احترامى المعلومة فيه جزء منها خطأ بدليل ان نمر القليوبية حرفين و 4 أرقام ولا يدل الحرف الأول على شئ

[Bossy_Fadl]

انا ملاحظة ان في تضارب في الاراء

طيب يا تري مين الصح يا جماعة ومنين الواحد فيه يعرف المعلومة الصحيحه؟