اجيب gen 2 ولا waja

[a7med3mar]

بعد تفكير طويل اقتنعت ببروتون بس مازلت محتار gen 2 ولا waja
ياريت لو حد يقدر يفيدني خصوصا ان الاتنين سعر واحد بعد اضافة 2000 السبورت باكج لل gen 2
عايز اعرف فرق الامكانيات و الواجا هتزيد عن تمنها يعني ليها باكج زي gen2 ولا لأ
حطوا في الاعتبار اني بحب جدا الراحة النفسية للعربية من جوة فلازم يكون منظر التابلوه مريحني
و حاجة تاني انا شاب بس باردو هستخدمها استخدام عائلي و الاسره كلها احجام كبيرة
:lol:

[Ahmed Hassan]

العربيتين ممتازين.
الواجا شكلها فخم.. و تقفيلها افخم من الجين2 بكتير. الموتور آداؤه جيد خصوصا في الزحام... الجين2 آداؤه اقوى.. بس بتاعه جري و شد في طرق مفتوحه.

طبعا لو هتستخدمها عائليه كتير يبقى واجا

[a7med3mar]

شكرا يا استاذ احمد
عايز اراء اكتر يا جماعة :roll:

[eng_elnaggar]

الواجا فيها وسع داخلي مالوش مثيل

[Ashraf A.Kader]

انا مع الواجا وكنت ناوي فعلا اشتريها قبل الصنى فعلا عربية رائعة

[a7med3mar]

يعني كل الناس مفضلة الواجا....طيب ايه نظام قطع غيارها

[fahd_628]

انا رأى جين 2

[a7med3mar]

با استاذ فهد ممكن تقولي لية فضلت ال gen 2 عن ال waja

[mohamed el hussien]

يا استاذ احمد
عشان توفر علي نفسك كل دة
لو انت شاب وبتاع شكل وبرستيج وجري وكدة =جين 2
لو انت كبير شوية وعايز عربية كلاسيك = واجا
الاتنين زي بعض تقريبا
ماعدا ان موتور الجين اداءة اعلي بعد 3 rpm
والواجا علي العكس
وتقيلة شوية في الجري والكيكات
بس الواجا انشف شوية من الجين وانضف في الخامات بحاجة بسيطة
بس الجين 2 شكلها احلي لشاب

فاهمني

يبقي الاتنين زي بعض علي حسبك انت بقا

[ahmed_gamal]

انا راي الجين 2 طالما انت شاب وتابلوه الجين 2 شكله احلي و شبابي اكتر فهتستريح في اكتر انا مجرب العربية دي لانها مع صاحبي انتيمي وانا اللي اقترحت عليه السيارة دي والعربية ماشاء الله مافيهاش مشاكل خالص لحد دلوقتي بقالها 7 شهور فحت وردم والحمد لله اشتري جين 2و ان شاء الله مش هتندم

[aboalm]

أنا مع الرأيى القائل لو عايز عربية شبابى و شوية جرى على شوية سواقه بالعقل لما تكون العائلة موجوده يبقى هات جين 2 لو كنت عايز سياره كبيرة و شكلها محترم يبقى هات الواجا
قطع الغيار موجوده فى التوكيل عادى وأن شاء الله قدامك مده على ماتحتاج لها قطع غيار غير الآشياء المعتاده اللى بتتعمل فى الصيانة الدورية

[a7med3mar]

شكرا جدا يا رجالة gen 2 او ممكن برسونة شكرا لكل اللي رد

[fahd_628]

با استاذ فهد ممكن تقولي لية فضلت ال gen 2 عن ال waja

بص يا باشا لشاب هية افضل من وجهة نظرى

1- كماليات اكتر (ABS EBD 2Airbags)

2- ثبات محترم

3- شكل التابلوة روش جدا و العدادات جميلة

4- موتور بتاع شد

5- شكل شبابى جدا و جامد

6-بالسبورت باكيدج بتبقى احلى و احلى

7- مش عارف لية بحب العربية دية جدا جدا جدا جدا جدا جدا :D :D :D :D :D :D

[a7med3mar]

:lol: :lol: تمام يا باشا

[abo3bdolrahman]

بص يا سيدى انا معايا الاثنين الواجا بتاعتى و الجين تو بتاعت اخويا اللى ساكن معايا فى نفس العمارة لو عاوز عربية عائلية و فخمة و برستيج يبقى الواجا و لو عاوز شبابية و شكل شبابى و قوة و برستيج شبابى يبقى الجين ? و كمالياتها اكثر بس خامات الصالون فى الواجا افخم و العربيتين حلوين بس شوف انت اللى يناسبك ايه و على فكرة الواجا بردو بتاعت شد و جرى بس المهم السواق و مهارته بس الجين ? مالهاش حل فى الجرى و الشد و الغرز و قطع الغيار متوفرة و اسعارها معقولة و التوكيل بردوا معقول هوا و مركزالصيانة المعتمد بتاع امير و جوزيف فى مدينة نصر ده كل اللى اقدر اقولهولك و ربنا يختارلك اللى فيه الخير ليك و مبروك مقدما