عربيه 131 موديل 1984 ((الماني))للبيع حاله نادره

[cheetos_892005]

-ماركة السيارة فيات 1600موتور cl واحد كامه الماني
2-الموديل/السنة 131 موديل 1984 الالماني
3-عدد الكيلومترات؟؟؟؟؟؟
4-الكماليات (كاسيت-تكييف-زجاج كهرباء-باور)كاسيت سوني 2 سماعه بيونير تكييف بتاعها الفبريكه و شغال
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) رشه نضافه عشان التجديدات و خربشه العيال من غير ولا حادثه الحمد لله
6-حالة الدواخل (رشة مناطق كذاوكذا او فابريكة)فبريكه باالكامل بس للامانه رشه نضافه بردو و اللي مش مصدق يكشف عليها في اي حته و انا مستعد و عرضتها علي سمكري قالي الكلام ده و لو حد شك 1% او السمكري بتاعو شك فيها ميخدهاش
7-حالة الصالون (معقول-جيد-جيد جدا - ممتاز- حالة نادرة)ممتاز في الفرش جيد في التابلوه يعيبه بعض الشروخ
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)جيد جدا
9-حالة الكاوتش (جديد او مستعمل كام كم؟)مستعمل بس حالته جيده جدا تيل بريدج ستون مبقاش ينزل
10-حالة البطارية جديده من شهر
11-مكان المعاينة اي حته
12-السعر المبد ئي كام (هل قابل للتفاوض او نهائي) 25 الف حنيه قابل للتفاوض
13-اسم صاحب الاعلان ورقم هاتفة مهندس شريف عبد الفتاح 0106089033 كلمني في اي وقت
14-تاريخ انتهاء الرخصة؟ 8/2010
15-اول يد او ثاني او ثالث الخ الخ تاني يد و اللي و اخدينها منه قريبنا و سافر الخليج و مكنش بيسوقها تقريبا سنه 1996
16-امكانية البيع بتوكيل او اشتراط التسجيل اللي يريحك
17-حالة الموتور ممتازه
معلش اضيف حاجات
العفشه اماميه جديده بالكامل من شهر و نص تقريبا مساعدين و حلب و بارات دريكسيون كله الاصلي بتاعها و معايا الفواتير

الفرامل برده متجدده حتي زيت الباكم

الكرونه الحمد لله سليمه 100%
الفتيس سليم 100% الحمد لله
فرش جلد في قماش فاخر من سبير كار
قطع غيارها و بالامانه مبيجبش غير الاصلي 100% من الكيلاني مدخلهاش الصيني و التركي و المصري خالص
الزيت شيل و موبيل و كالتكس احيانا
و بينزل تمام
السياره استعمال والدي من الاخر مفيش شد و حرق والكلام ده
من الاخر اللي هيشتريها هيخدها و يعمل بيها مشاويره و يسافر بيها كمان من غير جنيه مصاريف

[mangere90]

ممكن صور ليها بعد اذنك

[cheetos_892005]

دول صورتين بساط للحوض والموتور
بكره ان شاء الله اصورها و اجيب باقي الصور
ولو تحب حضرتك تتفرج عليها في وقت تشرف من غير كلام في البيع حتي

[cheetos_892005]

يا جماعه كل دي مشاهدات و رد واحد
طيب حد يكتب ربنا يوفقك في البيع او اي تعليق
طييييييييييييييييييب
السعر بقي 23 الف جنيه نهااااااااااااائي...............
اقل من كده بجد ابويا يقتلني

[nike7777]

يا باشا ربنا يحسنلك سوقها ويوفقك على بيعه ويرزقك باحسن منها كمان

[gouda]

انا فى حد جارى كان محتاج حاجه كده هاشوفه والله وارد عليك
بس ياريت صور عشان احنا فى اسكندريه

[fellacd]

المشكلة إن سعرها غالى حبتين .. مش دى أسعار المستعمل دلوقتى خالص
على كل حال ربنا يوفقك
وياريت تقولنا آخر سعر ممكن تبيعها بيه

[cheetos_892005]

خلاص انتو شايين ان السعر عالي ماشي

انسو بقي 25 و 23 الف و الكلام ده خاااااااااالص
اللي جاااااااااااااااد و عايز يشتري يكلمني وولا اكنو قرا الاسعار ديه قبل كده
و نتفاهم مع بعض
0106089033 مهندس شريف
اظن انا كده عداني العيب و لا ايه؟؟؟؟؟؟؟؟؟؟؟

[lo2aa]

http://www.nilemotors.net/Nile/88505...%E4%C7%CA.html

.................................................. ..........................
لقد خالفتم قاعده رقم 9 بند ا
برجاء عدم ذكر مثل هذه الالفاظ علي صفحات المنتدي
تم حصولك علي انذار مصحوب بوقف يومين
مشرف عام 1

[vegorex]

كل كلامك مظبوط يا lo2aa

[cheetos_892005]

كل كلامك مظبوط يا lo2aa

معلش هو loaa قال ايه ؟؟؟
اصلي لما دخلت مشاركته كانت اتشالت
بس من غير مندايق حد

[vegorex]

قال ان عربيتك تساوي 23 الف واكتر واللي مش عاجبه ....... وان فيه ناس ....... عايزه تبخس العربيه لمصالح ... حاجات زي كده
افتح الرابط الموجود في مشاركته

[ahmed_esmail]

يا استاذى الفاضل حضرتك تسعر عربيتك زى ما انت عاوز لكن المعقول والطبيعى ان اللى حيجى ياخدها ويشوفها حيسعرها هو كمان وحيكشف عليها وحاجات كتير ممكن تريح الزبون واللى جاد ف الشراء يكلمك على الخاص او الموبايل وربنا يصلحلك الحال

[vegorex]

ماهو المشكله ف الناس اللي بتتهكم على السعر وتتريق دون مراعاه لشعور الشخص اللي بيبيع . وده عيب ومش من اخلاق الاسلام ف شئ والمفروض اداره المنتدى تحذف الردود اللي ب الشكل ده. وبصراحه الاخ lo2aa عنده حق واضح انه اتنرفز من اردود وجت على دماغه رغم ان موضوع السياره اصلا مش بتاعه ...

او موضوع بيع السيارت يتلغى فيه الردود اصلا يبقى احسن .. وبالتالي يمنع احتدام المشاكل زي موقع كونتاكت مافيهوش ردود وبالتالي اللي عاجبه السعر بيتصل شخصيا بصاحب الموضوع ... وشكرا

[Mi3d3]

موضوع بيع السيارت يتلغى فيه الردود اصلا يبقى احسن .. وبالتالي يمنع احتدام المشاكل زي موقع كونتاكت مافيهوش ردود وبالتالي اللي عاجبه السعر بيتصل شخصيا بصاحب الموضوع ... وشكرا

كلام تمام