شاب يشنق نفسه أعلى كوبري قصر النيل بعد خلاف مع خطيبته

**Abo_Lina** · 03-06-2010 12:02 PM

و ما خلقت الجن و الإنس إلا ليعبدون
احنا هنا مش علشان نحب و نتجوز احنا الهدف الرئيسي من وجودنا في الدنيا هو عبادة ربنا و غير كده فرعيات و إبتلاءات مكتوبة علينا ..
يا ما فيه ناس كان عندها بلاوي و بالإيمان هزموا أحزانهم و تغيرت حياتهم ..

أكيد فشل الزواج أو أي مشروع ليس مبرر لإنهاء الحياة

**wawoo** · 03-06-2010 12:03 PM

المشاركة الأصلية كتبت بواسطة hossam_hassan

الله يرحم امواتنا جميعا

هنا بقى ييجى دورنا علشان نبقى ايجابيين بدل ما يكون الخبر مجرد خبر، خلينا نبص حوالينا شوية و نشوف الناس اللى ظروفهم صعبة و نحاول نسمعلهم، نساعدهم، نصبرهم او حتى نوجههم للعلاج النفسى.

ايه رأيكم؟

اقتراح ممتاز الحقيقية و احيك علية ...فعلا الفضفضة دى علاج نفسى فى حد ذاتة ..و احلى حاجة كمان الفضفضة لله

**OlaOsman** · 03-06-2010 12:20 PM

المشاركة الأصلية كتبت بواسطة Hossam_Hassan

الله يرحم امواتنا جميعا

بس انا عاوز ادخل بالحوار فى اتجاه مختلف بعد اذنكم

اكيد فى ناس كتير بيعانوا من مشاكل و ظروف اصعب من المتوفى اللى انتحر و بالرغم من كده مش بينتحروا، فى رأيى ان من العوامل اللى وصلته للأنتحار هو انه ملقاش حد يفضفض معاه و يسمعه و يشجعه او حتى يهون عليه و ينصحه انه يقرب من ربنا و يصبر.

هنا بقى ييجى دورنا علشان نبقى ايجابيين بدل ما يكون الخبر مجرد خبر، خلينا نبص حوالينا شوية و نشوف الناس اللى ظروفهم صعبة و نحاول نسمعلهم، نساعدهم، نصبرهم او حتى نوجههم للعلاج النفسى.

ايه رأيكم؟

كلام صح جدا

**OlaOsman** · 03-06-2010 12:24 PM

من ساعة ما شفت الخبر و انا بافكر كتير.. بافكر في الشاب ده الله يرحمه.. إيه اللي وصله لكده؟ يعني السبب مادي بس؟ و إيه هي إمكانيات الجواز اللي هو مش قادر عليها و تتسبب في إنه يوصل مع خطيبته لطريق مسدود؟ هل لأهل خطيبته دور في المأساة دي لما طالبوه بما لا يطيق؟ و لا هو مش قادر يوفر حتى أقل سبل الحياة الكريمة؟

فكرت كمان في أهله اللي هايتوصموا طول عمرهم بالفقر و إنهم محدش فيهم قدر يساعد الشاب ده إنه يتجوز لحد ما يئس من الحياة و انتحر.. يا ترى كام واحد من أهله و قرايبه دلوقتي حاسين بالذنب؟

ربنا يصبرهم و يرزقنا البصيرة إننا نحس بغيرنا و نساعدهم وقت ما يكونوا محتاجينا جنبهم.

**gomangy** · 03-06-2010 12:38 PM

الله يرحمه
وربنا يصبر اهله

**زينة الله** · 03-06-2010 12:46 PM

المشاركة الأصلية كتبت بواسطة tyler_durden

و ما خلقت الجن و الإنس إلا ليعبدون
احنا هنا مش علشان نحب و نتجوز احنا الهدف الرئيسي من وجودنا في الدنيا هو عبادة ربنا و غير كده فرعيات و إبتلاءات مكتوبة علينا ..
يا ما فيه ناس كان عندها بلاوي و بالإيمان هزموا أحزانهم و تغيرت حياتهم ..

أكيد فشل الزواج أو أي مشروع ليس مبرر لإنهاء الحياة

ربنا يفتح عليك
و يحسن ختامنا
ويغفر للمؤمنين والمؤمنات

**M.Mosaad** · 03-06-2010 01:47 PM

موضوع صعب جدااااااااااا
الله يرحمه و يتجاوز عن سيئاته
مش عارف ايه كمية اليأس اللي تخلي انسان يعمل في نفسة كدة

يعني متخيلشي منظرة يعني دة حتي الموت ليه حرمه هو حتي مدهاش لنفسة

دة لو انتحار فعلا !!!!!!

**aif** · 03-06-2010 02:26 PM

المشاركة الأصلية كتبت بواسطة أحمد كمال

عندكم حق

و ربنا يسامحني على نعته بالكفر ...... استغفر الله العظيم

ربنا يبارك فيك يا احمد ويجعلك وقاف عند حدود الله

- وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ [آل عمران : 135]
ممكن اوي حد تاني كان يقاوح بالباطل علشان ما يغلطش نفسه
الرجوع للحق فضيلة وكمان شجاعة ادبية
.....
نرجع للموضوع الاصلي
اكيد ده شيء مؤلم لينا لما بنشوف الصورة او نسمع الخبر
يبقى اكيد الموضوع اكثر الما للشخص المنتحر نفسه
واكيد هوا كان في حاله نفسية سيئة الى ابعد الحدود وقت انتحاره ان لم يكن مريض نفسيا
...
وممكن اوي يكون السبب مختلف عما ذكر
ممكن مثلا يكون انتحر علشان مش لاقي وظيفة ومش قادر يعيش
ممكن يكون انتحر لشعوره باليأس والغربة داخل بلده
...
ايا كان
الله يرحمه ويغفر له ويصبر اهله

**M7amD_7amDy** · 03-06-2010 04:49 PM

لا حول ولا قوة الا بالله

ربنا يرحمه ويخفف عنه

**Ramy_Tantawi** · 03-06-2010 06:32 PM

اولاً الله يرحمه ويغفر له ان شاء الله.

ثانياً احيي استاذ حسام العزيز على اقتراحه ودعوته الجميله حقيقي يا جماعه بيكون فيه ناس شايله هم الدنيا والآخره ومش شايف قدامه مترين ومجرد انك تتكلم معاه او تفتحه بس في الكلام تلاقيه قال كل اللي عنده وخلاص صحيح ممكن مايكونش عندك حل لمشاكله دي لكن كفايه انك تسمعه وتصبره بأي كلام مش لازم حتى تكون بليغ في كلامك معاه .... قوله ربنا كريم.....يا راجل ماتغمقهاش اوي كده بكره احسن ان شاء الله توكل على الله انت وادعي ربنا .....انت ناسي ان ربنا اللي خلقك وهو سبحانه اللي ابتلاك باللي انت فيه يعن في الحالتين انت كسبان تخيل ؟ 1 - ربنا عاوز يمحيلك شوية ذنوب عليك ويخلليك ابيض 2-انك مجرد ما تتخطى المحنه اللي انت فيها دي على طول ربنا هايكافئك ويهديك اللي يعوضك عن كل اللي مريت بيه ده غير الحسنات اللي هاتحوشها لمجرد ان ربنا سبحانه وتعالى ابتلاك وانت صبرت !

يعني الامثله كتير اوي في الموضوع ده وانك تصبر حد حاجه جميله وبعدين انت نفسك هاتلاقي نفسك لو عندك مشكله عمال تقول لنفسك ايه الهبل اللي انا فيه ده ؟ ؟ ؟ اللي هو معناه ( اللي يشوف بلاوي غيره تهون عليه ايه ؟ بلوته )

الحاجه التالته هي الموقف اللي حاصل نفسه ..... عارفين ان كلامنا ده هو قيمه رهيبه صحيح منا اللي بيقول عليه اهبل ومنا اللي بيقول ايه اللي عامله ده كل ده عشان بنت ؟ بس اصل لو كل الناس عاقله ومتماسكه وعارفه دينها احنا هانتعلم ونعتبر منين ؟ ده اللي عاوز اوصل ليه ان بجانب الحكم على الشخص اللي عمل كده خللي بالك وخد عبره واتعلم وقول الحمد لله ياااااااااااه دانا حلو اوي انا قوي ومتماسك وعارف ربنا وباصبر و و و .........

الموضوع: شاب يشنق نفسه أعلى كوبري قصر النيل بعد خلاف مع خطيبته

LinkBack

أدوات الموضوع

عرض

-

-

-

-

-

-

المواضيع المتشابهه

افتتاح كوبري فوه علي النيل

منع سير النقل أعلى كوبري "التونسي"

كوبري قصر النيل؟؟؟

أحدث المنضمين إلى قائمة ضحايا الفقر.. عامل ينتحر بإلقاء نفسه من أعلى كوبري 6 أكتوبر

الكلمات الدلالية لهذا الموضوع

المفضلات

المفضلات

ضوابط المشاركة