الموضوع: التكييييييييييييييييييييف مجننى ارجو المساعدة ضرورى

المشاركة الأصلية كتبت بواسطة gatas

تحياتى الى الاخوة الافاضل
موضوع تهريب الغاز والكشف بالرغاوى ده عفا عليه الدهر فى العالم كله لانه قديم وفاشل جدا .م عشر سنين فاتوا كان عندى تهريب فى تكييف عربية وعملوا الرغاوى دى خمس مرات وكل مره يقولوا على مكان ويطلع مش هوا حسسونى ان التكييف عبارة عن مصفاه كلها ثقوب .الى ان وصفونى على ورشه متخصصه عن الكشف بما يسمى الليزر .رحت وكان عبارة عن ماده بودر اصفر فى انبول نصف عدن ونصف زجاج وله مكان تركيب خرطومين واحد يتوصل على التكييف وواحد فى كومبريسور ضغط هواء وبعد ما ضغط الماده فى الدائرة قالى تعالى اى يوم بالليل .قلت له اجيلك العصر لانى كبير سن ومش بشوف بالليل كويس قال لى ابعتها لان الكشف لازم فى الظلام؟؟؟ المهم مطولش عليكم استعنت بالليه وركبت الصعب ورحت له تانى يوم بالليل .فتح الكبوت وجاب بلادوس (لمبه خاصه اضائتها الغير مباشره تعمى رغما انها مش قويه) ولبس نظارة لونها اصفر وفى ثانية قلع النظارة وقال وشاور لى على مكان التهريب ولبسنى النظارة شفت كل العربية سوداء الا مكان التهريب مشع بلون اصفر فسفورى واضح وعامل بطشه كبيره حواليه ومكان التسريب مبين بخار اصفر بيتطاير منه كان اورينج او اويلسيل زى ما تسموه بتاع رباط اح الخراطيم ال داخلة على الثلاجة واستحاله كانت الرغاوى تبينه

وفر لى كم مره شحن غتز وتهريب وتلوث للبيئة ووقت وملل
لازم تصروا على اصحاب الورش يطوروا نفسهم وكفاية استهتار وبخلهم على ان يصرفوا مليم فى عدد هيجنوا ثمنها مئات المرت لكن شعب خد على الفهلوه والشاطره تغزل برجل حمار
شكرا لحضراتكم على صبركم وتمنباتى للجميع بالصحة والسلامه

موضوع جديد ممكن تفاصيل زيادة ؟