مطلوب مساعده

**thenewhero** · 21-10-2013 02:27 AM

يا جماعه كنت عاوز اعرف اجيب لانسر اوتوماتيك جديده ولا كروز موديل 2011 هاى لاين ماشيه 19 الف كيلو و مع واحد صاحبى و المفروض انها كويسه جدا هتبقى فى حدود 110-115 و لو الكروز احسن يا ريت لو حد يعرف انهى ارخص فى قطع الغيار و ازاى اطمن 100% على العربيه قبل ما اجيبها

**M I D O** · 21-10-2013 05:44 AM

طبعا الزيرو لا يعلي علية لاكن الكروز عربية ممتازة و 19 الف كيلو مش حاجة وكمان بتاعة صاحبك و المفروض ثقة ومضمونة يبقي في رايي الكروز تكسب و عشان تطمن علي العربية احسن مكان يطمنك هوة التوكيل خدها لاي فرع من توكيل شيفورلية وقلهم عاوز كشف عام علي كل العربية هيعملولك تقرير بكل مسمار في العربية و الكشف دة هيكلفك حوالي 250 الي 300 جنية وموفق في الشراء ان شاء الله يا باشا

**thenewhero** · 21-10-2013 11:05 AM

المشاركة الأصلية كتبت بواسطة m i d o

طبعا الزيرو لا يعلي علية لاكن الكروز عربية ممتازة و 19 الف كيلو مش حاجة وكمان بتاعة صاحبك و المفروض ثقة ومضمونة يبقي في رايي الكروز تكسب و عشان تطمن علي العربية احسن مكان يطمنك هوة التوكيل خدها لاي فرع من توكيل شيفورلية وقلهم عاوز كشف عام علي كل العربية هيعملولك تقرير بكل مسمار في العربية و الكشف دة هيكلفك حوالي 250 الي 300 جنية وموفق في الشراء ان شاء الله يا باشا

طيب هو انا بعد الصيانه دى المفروض انى هبقى اتطمنت بشكل نهائى على العربيه و خدتها زيها زى الجديده ولا ممكن يكون فى حاجه و متبانش و المفروض انها لسه فى الضمان تقريبا لانه جايبها من سنتين و ضمانها تلاته فهل ده يفيد

**saddam** · 21-10-2013 05:57 AM

صديقي المواطن
قطع غيار لانسر أرخص وهي أسرع بيعا ولكن قولا واحدا لو فعلا عاملة الكروز 19 ألف تجيبها فهي كركوبة أفضل وأفخم وتاخدها تكشف عليها في مركزين مختلفين ومتقولش للتاتي اﻷولاني قال إيه
وبالتوفيق وإلى اﻷمام ومن نصر إلى نصر
ودمتم للنضال

**thenewhero** · 21-10-2013 11:07 AM

المشاركة الأصلية كتبت بواسطة saddam

صديقي المواطن
قطع غيار لانسر أرخص وهي أسرع بيعا ولكن قولا واحدا لو فعلا عاملة الكروز 19 ألف تجيبها فهي كركوبة أفضل وأفخم وتاخدها تكشف عليها في مركزين مختلفين ومتقولش للتاتي اﻷولاني قال إيه
وبالتوفيق وإلى اﻷمام ومن نصر إلى نصر
ودمتم للنضال

طيب صديقى المواطن انا دلوقت فى اسيوط فى توكيل شيفروليه هنا بس فرع واحد يكفى ولا ايه و هل فى مكان تانى غير شيفروليه ممكن اعمل عنده