موضوع جميل ومنسق كالعادة
تسلم الايادى
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
بسم الله الرحمن الرحيم
زملائي الاعزاء بنايل موتورز السلام عليكم ,,,,,
طبعا مستغربين من العنوان , أكيد كلنا بنحب ما نملك و اللي دفعنا فيه شقي عمرنا و بنعتبره افضل شئ موجود و ده شئ مقبول و عادي جدا .
و لكن لازم نبقي حياديين و نبص برضو للعيوب و نقولها دايما لأن مفيش حاجة كاملة في الدنيا
مهما كانت متكاملة عشان الكمال لله وحده , و حتي الان لا يوجد اي منتج بدون عيوب او مشاكل والا مكناش هنلاقي حاجة اسمها ضمان او صيانة او خدمة ما بعد البيع .
منتدي نايل موتورز اكبر منتدي للسيارات و عشان كدة احنا دايما مع بعض هنقول مميزات كل عربية و عيوبها في نفس الوقت و تعليقات ملاكها السلبية و اي شكوي حصلت حتي لو كانت فردية عشان نوضح الصورة للجميع و عشان نفيد اللي بيقدم علي الشراء عشان يبقي في شفافية لأن في النهاية ده منتج و ما يهمني اني الاقي متطلباتي فيه و عيوبه تكون مقبولة بالنسبة لي و القرار في النهاية للمشتري.
هل العيب ده خطير ؟
هل سيؤثر علي قرار الشراء ؟
هل العيب فردي ام مشكلة عامة ؟
هل هو شئ مزمن ام تم حله ؟
كيفية تعامل التوكيل مع المشكلة ؟
و في رأي برضو الموضوع ده مش هيفيد اللي بيفكر يشتري فقط , ده هيفيد اي مالك للعربية ظهرت عنده مشكلة ما ممكن يلاقي حد حصل معاه نفس العيب فيحصل نقاش و نتوصل لحلول او يكون عنده عيب ميكونش ملاحظه و بعد ذكره يكتشفه و دي فايدة المنتدي.
ملحوظة مهمة :
سيتم ذكر كل الشكاوي و الملحوظات التي تمت من الملاك سواء كانت كبيرة او صغيرة بدون حذف اي مشكلة حدثت.
سيتم وضع جميع المشكلات التي تم حلها باللون الاخضر.
وسيتم وضع جميع المشكلات المزمنة التي لم نتوصل فيها لأي حل اولم يتم حلها حتي الان من التوكيل باللون النبيتي.
نبدأ علي بركة الله :
1. صغر حجم الخلوص الارضي للدفعات الاولي التي تم تسليمها في الفترة مبين 8/2013 الي 12/2013 والتي لا تتعدي 12.5 سم من اقل نقطة مما قد يتسبب في الاحتكاك في المطبات.
نعم عيب خطير و تم حله في الدفعات الجديدة
نعم ممكن يؤثر علي بعض الناس في قرار الشراء
نعم هي مشكلة عامة و ليست فردية في الدفعات الاولي من 8/2013 الي 12/2013
لأ هو ليس شئ مزمن و تم حله من قبل التوكيل باستدعاء الدفعات دي و تعديل عفشتها مجانا مع نزول جميع الدفعات الجديدة معدلة من المصنع الي 15.5 سم من اقل نقطة
نعم تم حل المشكلة
2. ضعف قوة انوار (الضباب) الفوج لايت الامامية 19 وات
لا عيب مش خطير
لا اعتقد انه يأثر علي قرار الشراء لأن كل السيارات الجديدة اصبحت 19 وات ايضا
نعم هي مشكلة عامة و ليست فردية
التوكيل كان بيغير اللمبات ب 55 وات و لكنه اوقف هذا التعديل لأحتمالية انه ممكن يضر الفوج لايت نفسه عشان خامته مش هتستحمل السخونية العالية للمبة دي, او تركيب زينون .
لو مضايقك ممكن تتحكم في ارتفاع الكشافات الامامية 5 درجات فممكن تنزل الكشافات لتحت خالص هيعمل مفعول زي الفوج لايت و احسن كمان .
3. ضعف صوت الكلاكس عشان هو نازل فردة واحدة مش فردتين
لا عيب مش خطير
لا اعتقد انه يأثر علي قرار الشراء
نعم هي مشكلة عامة و ليست فردية
ممكن تركب فردة تانية بسهولة و تحل المشكلة http://www.nilemotors.net/Nile/401728-2014.html
لو ضغطت علي التوكيل بيركبهالك مفيش مشكلة
4. صوت تزييق و صفارة مع الفرامل لعدد قليل من العربيات و بتحصل نتيجة الركنة و الرطوبة او عند دخول مياه اللي التيل و الطنابير
لا عيب مش خطير
لا اعتقد انه هيأثر علي قرار الشراء
هي مشكلة فردية و ليست عامة
المشكلة بتتحل لو سبتها تنشف او تروح البنزينة ينفخلك هوا مضغوط في التيل
5. صوت ونة مع السرعات العالية من الكاوتش الامامي مش ثابتة لعدد قليل من العربيات و بتختفي اول متدوس فرامل
لا عيب مش خطير
لا اعتقد انه هيأثر علي قرار الشراء
هي مشكلة فردية و ليست عامة
المشكلة ان صاجة التيل دي بتبقي حاجة خفيفة و ضعيفة فممكن تتني و بتبقي قريبة من الطنابير و حلها بسيط ان التوكيل بيستعدل الصاجة في مكانها الصحيح و بتروح تماما
6. نشوفية في العفشة لعدد قليل من العربيات
لا عيب مش خطير
لا اعتقد انه هيأثر علي قرار الشراء
هي مشكلة فردية و ليست عامة
المشكلة بتبقي ان ضغط الهواء مش متظبط و في بعض الحالات اتحسنت بعد تربيط العفشة
7. نظام الساعة الرقمية 24 مش 12
لا عيب مش خطير
لا اعتقد انه هيأثر علي قرار الشراء
هي مشكلة عامة
ليس لها حل و لا يمكن تعديلها و هي علي النظام الاوروبي 24
8. صوت طقطقة للمرايا الجانبية الضم عند الفتح او الغلق لعدد قليل من العربيات في اوقات معينة و مش ثابتة
لا عيب مش خطير
لا اعتقد انه هيأثر علي قرار الشراء
هي مشكلة فردية و ليست عامة
الصوت بيروح لوحده و بيبقي ناتج عن وجود اتربة علي موتور المرايا او في حالة غلق او فتح المرايا يدويا و في حالة واحدة غيرت المرايا كاملة في الضمان
9. عدم غلق السنتر اوتوماتيكا مع تحرك السيارة
لا عيب مش خطير
لا اعتقد انه هيأثر علي قرار الشراء
هي مشكلة عامة
ليها حلين الحل الاول هو غلق السنتر يدويا من زرار السنتر
الحل التاني تركيب جهاز انذار في التوكيل او مهتدوس فرامل هيفقل السنتر فورا.
10. صوت تزييق في التابلوه ناحية هوايات التكييف لحالة واحدة فقط لزميلنا العزيز الاستاذ يوسف
لا عيب مش خطير
لا اعتقد انه هيأثر علي قرار الشراء
هي مشكلة فردية واحدة
التوكيل وعده بحل المشكلة و تم طلب جهاز لأكتشاف اصوات التزييق لمعرفة مكانها بدقة ليتم الفك و تركيب الجزء الغير مثبت فقط ليتم حل المشكلة نهائيا بحسب الاستاذ يوسف.
حتي الان لم يتم حل المشكلة نظرا لعدم وصول الاجهزة المطلوبة.
11. عدم وجود لمبة في درج التخزين الامامي
لا عيب مش خطير
لا اعتقد انه هيأثر علي قرار الشراء
هي مشكلة عامة
لا يوجد لها حل
12. سهولة سرقة علاقة تويوتا الامامية كبقية السيارات الجديدة
لا عيب مش خطير
لا اعتقد انه هيأثر علي قرار الشراء
هي مشكلة عامة
يمكن تثبيت العلامة بمادة صمغية مثل الايبوكسي
في النهاية اتمني يكون الموضوع عجبكم و اتمني ان من كل الاقسام انها تعمل تجميعة لعيوب العربيات بتاعتها من ملاكها عشان يبقي مرجع للناس اللي بتفكر تشتري لأن انا كمشتري يهمني قوي اعرف مشاكل العربية قبل عيوبها وده ميقللش ابدا من قيمة العربية.
psycholain سابقا
رقم العضوية : 60964
تاريخ التسجيل : 04Feb2010
المشاركات : 1,725
النوع : ذكر
الاقامة : المنصورة
السيارة: ........................
السيارة[2]: كورولا 2014 F.O AT
الحالة :
موضوع جميل ومنسق كالعادة
تسلم الايادى
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
بصراحه موضوع مفيش اجمل من كده واضح ومنظم ومفيد بشكل كبير
ياريت اشوف زيه لكل العربيات واتمنى تثبيت الموضوع
واقترح ان الموضوع ده يتم تحديثه بشكل دوري كل 6 شهور تقريباً عشان إذا ظهرت اي عيوب جديده مع الاستخدام او في الدفعات الجديده من العربيه
أنا سعيد انك سألتني السؤال ده
محمد كُريم
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
psycholain سابقا
رقم العضوية : 150134
تاريخ التسجيل : 17Oct2013
المشاركات : 27
النوع : ذكر
الاقامة : الشرقية
السيارة: corolla 2015
السيارة[2]: هيونداي
الحالة :
تسلم يا هندسة وجزاك الله كل خير
رقم العضوية : 79036
تاريخ التسجيل : 30Aug2010
المشاركات : 75
النوع : ذكر
الاقامة : cairo
السيارة: fiat
السيارة[2]: fiat
دراجة بخارية: no
الحالة :
على فكره انا قرات فى المانيوال بتاع العربيه انه ممكن ان يتم غلق السنتر اوتوماتيك عند تحرك السياره
و ذلك بأننا نجيب الفتيس على الوضع ( n ) و ندوس على زرار السنتر _الغلق_ لمده 5 ثوانى
و بكده العربيه تقفل السنتر اول لما تمشى لوحدها
رقم العضوية : 58452
تاريخ التسجيل : 09Jan2010
المشاركات : 279
النوع : ذكر
الاقامة : Alex & Kuwait
السيارة: PRADO 2013
السيارة[2]: Corolla 2003
دراجة بخارية: لا يوجد
الحالة :
موضوع جميل يا باشمهندس محمد .
رقم العضوية : 83087
تاريخ التسجيل : 08Dec2010
المشاركات : 4,211
النوع : ذكر
الاقامة : Cairo
السيارة: Civic Vti 2010
السيارة[2]: Peugoet 508
دراجة بخارية: no
الحالة :
طب اخبار استجابة الفتيس ال cvt ايه ؟
اصل لسه سايق ماركه تانيه بتنزل بيه و كرهني فيها الصراحه
هل مثلا تويوتا ليها تكنولوجيا خاصه بيها في الموضوع ده
انا مش قصدي على تسارع العربيه من ٠-١٠٠ كم و الكلام ده
انا بسئل على مدى تجاوبه و انت سايق في الظروف المعتاده
من الاخر
هل العربيه ممتعه في سواقتها ؟
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
شكرا
نجرب ونشوف
تسلم يا عمر بيه
نظام ال cvt بتاع تويوتا مختلف و بيديك احساس النقلات علي خفيف قوي فبتحس انك سايق عربية بتروس بس مش بتحس بالنقلات بقوة .
طبعا كل ده بالسوفت وير و اللي بيسوق ال cvt اللي في العربيات التانية هيحس بفرق وومش هيخاد باله انه cvt خالص فمتعة القيادة موجودة
psycholain سابقا
رقم العضوية : 1012
تاريخ التسجيل : 18Jun2007
المشاركات : 1,382
النوع : ذكر
الاقامة : cairo
السيارة: لا يوجد
السيارة[2]: نيسان صنى 2007
دراجة بخارية: لا يوجد
الحالة :
العزل بتاع العربية عامل ايه ؟؟
هل في أصوات مسموعة داخل الكابينة ؟
واستهلاك البنزين عامل ايه ؟
المفضلات