موتور نوبيرا 2

**tamertito88** · 12-10-2015 06:20 PM

السلام عليكم - انا جبت عربية نوبيرا 2 1999 موتور 1500 سي سي الموتور خفيف و بيضيع لما بشغل التكييف
المهم انا خايف اعمر فعايز اجيب واحد استيراد - تنصحوني بايه وسعره كامل في حدود كان و لو شورت بلوك بس يعمل كام
وايه موضوع موتور كهرباء ولا موتور عادة ده عشان الميكانيكي قالي هاته كهربة وانا مافهمتش منه حاجة

**mhopa2440** · 12-10-2015 08:08 PM

هو انا اول مرة اسمع عن موتور كهربا ولا عادي الكلام دا بيكون ف الفتيس الاوتو بتاع النوبيرا اما فتيس وير او عادي او فتيس كهرباء وبيكون ف اغلب العربيات وارد الخارج زي المعاقين

اما بالنسبة لحالة موتورك اكشف عليه وشوف تم خرط وشط السلندر قبل كدا والدرجة وكام

لو دي اول مرة عمرة توكل على الله انصحك بالعمرة عن واحد محترم (لازم ميكانيكي امين ومتحرم دا المهم)

اما لو تم خرطه قبل كدا اشتري شورت بلوك والاسعار افضل ليك تنزل تسأل بنفسك واشتري من حد امين او خد ميكانيكي معاك يشتري الموتور على تجربة

وربنا يوفقك ويكتبلك الخير

**Nfs Rivals** · 13-10-2015 05:58 AM

المشاركة الأصلية كتبت بواسطة mhopa2440

هو انا اول مرة اسمع عن موتور كهربا ولا عادي الكلام دا بيكون ف الفتيس الاوتو بتاع النوبيرا اما فتيس وير او عادي او فتيس كهرباء وبيكون ف اغلب العربيات وارد الخارج زي المعاقين

اما بالنسبة لحالة موتورك اكشف عليه وشوف تم خرط وشط السلندر قبل كدا والدرجة وكام

لو دي اول مرة عمرة توكل على الله انصحك بالعمرة عن واحد محترم (لازم ميكانيكي امين ومتحرم دا المهم)

اما لو تم خرطه قبل كدا اشتري شورت بلوك والاسعار افضل ليك تنزل تسأل بنفسك واشتري من حد امين او خد ميكانيكي معاك يشتري الموتور على تجربة

وربنا يوفقك ويكتبلك الخير

أ.تامر.. مكنة كهربا يعمى بدون حساسات زى الى بتنزل مصر من اوروبا والمعاقين

والعادى الى هى بحساسات .. ودة اﻻفضل لك عشان لو باظ حساس تجيبو ياجديد يا استيراد وتريح نفسك.. ولخفة المكنة عندك .. قول للمكانيكى.. الشكمان بيطلع
دخنة زرقا وﻻ بيضا وﻻ اسود

وفي الغالب هتﻻقية طقم شنبر و ج وش سلندر.. والمكنة مش هتبقى خفيفة تانى
ولو عاوزة عامرة كاملة اكتر من طقم شنبر يبقي هاتلها مكنة استيراد من بورسعيد بورقها
بعربية ربع نقل لحد عندكم فالعاشر وتظبط مكانيكى ب ميت ج ﻻ اكتر من كدة.. وتركبها و هتﻻفيها ناعمة وحلوة وزى الفل.. ونا قلت تروح بورسعيد
وتسالوا عن مكان بيع ق غيار السيارات.. وهاتتبسط منها وعلى ضمانتى

و حين تشغيل التكيف.. المكنة بتكن وبينعدم السحب ودة طبيعى مش فكل العربيات

عادى ابقي زودلها بنزين زيادة وخﻻص واتعامل.. ﻻن دى مش موجودة فالتويوتا المسطرة وﻻ الستروين

**Nfs Rivals** · 13-10-2015 06:12 AM

وعشان تعمر وتزود عمر فتيسك النوبيرا اﻻوتو خاصة فالنوبيرا.. غيرلها اﻻن زيت موبل ATF 320
ابو علبة ب60ج ل اربعة لتر كل 20 الف كم وتغيره فورا.. وفلتر فتيس ب60ج.. و20ج مصنعية..

وعشان تعمر فتيسك اﻻوتوماتك او اى عربية اوتو الى بيريح صاحبه فالسواقة.. اوعاك
تحوط رجلك عالفرامل وانت واقف في اى اشارة.. وقفت فى اشارة
تدوس فرامل و تمور.. خلصت .. تدوس فرامل وتعشق عال دى درايف
وانت في اى زحمة ومحمل رجلك عالفرامل وبتسيب وبتدوس عشان الزحمة
كدة انت بتتلف فتيسك بيدك وبتحرق كاﻻتشاته الداخلية والتروس
الصح انك.. تمور وتسيب فرامل وتدوس فرامل وتعشق عال دى عشان تمشي شوية عشان الدنيا زحمة.. حتى لو بتاخد ملف عالسريع ومستنى عربية تسيب فرامل وتمور
خﻻص هامشي وتاخد الملف عالسريع عالهادى .. عشق ع الدى وامشي
وكل اول شهر على الله.. تخلى مكانيكى يشيك لك على مقاس انخفاض زيت الفتيس قبل زيت المكنة
ويعرفك ازاى بتقيس مقاس الزيت اﻻوتوماتك وزيت المكنة.. وانت بتزود زيت الفتيس
اﻻوتو.. تجيب الفتيس من على البارك وانت دايس اخر الفرامل
من بارك للمارش للمور للدريف
ل3
ل2
ل1
وتجيب تانى من وضع واحد للبارك وتفتح الكبوت وترفع المقاس

ﻻقيت الزيت الى تم تغيره بعد شرائك للعريية
لقيت الزبت معدى كلمة 80درجة
وجاى ومغطى على كلمة هوت Hot
كدة المستوى مظبوط وفقا
في الكتالوج النوبيرا ..
هرفعو لك كمان شوية..
طيب ﻻقيت الزيت بعد ما رفعتو ونشفتو بمنديل ابيض جديد ابو جنيه او بمدنيل جديد نضيف من الى بتحوطه جوة عربيتك وﻻقيت المقاس زيت جاى ومغطى على
كلمة 80درجة.. كدة ناقص وعاوز يتزود.. وتروح للمكانيكى وتعرف منه ازاى يتزود
هيعرفك ازاى بيتزود بقمع رفيع خالص وسهل ماتخافش.. وشكرا

**tamertito88** · 14-10-2015 03:23 AM

شكرا اخي الكريم - العربية مانيوال - بس موضوع المكنة الكهرباء برده مافهمتش اوي العيب في ايه ؟؟ يعني لو غيرت الماكينة بواحدة عادي الدنيا هتتظبط ؟ ولا ايه عشان مش فاهم حاجة :)

**asas630** · 15-10-2015 01:59 AM

المشاركة الأصلية كتبت بواسطة tamertito88

شكرا اخي الكريم - العربية مانيوال - بس موضوع المكنة الكهرباء برده مافهمتش اوي العيب في ايه ؟؟ يعني لو غيرت الماكينة بواحدة عادي الدنيا هتتظبط ؟ ولا ايه عشان مش فاهم حاجة :)

المكنة الكهربا معناها ان البوابة بتاعتها بتفتح وبتقفل بمتور كهربي
اما المكن المصري بوابته بتبقي بواير واصل للدواسة

فلو عربيتك اوربي هات الكهربا

**tamertito88** · 18-10-2015 02:02 AM

شكرا للافادة اخوتي الكرام

**tamertito88** · 18-10-2015 02:04 AM

الميكانيكي بيقولي الماكينة فيها سبيكة + انها خفيفة لانه سمع ترزيع من تحت - كده عمرة بيتهيألي ؟؟؟

**asas630** · 19-10-2015 04:09 AM

المشاركة الأصلية كتبت بواسطة tamertito88

الميكانيكي بيقولي الماكينة فيها سبيكة + انها خفيفة لانه سمع ترزيع من تحت - كده عمرة بيتهيألي ؟؟؟

هات مكنة استيراد احسن العمرة حتصرف جامد والميكانيكيا بيعكو

**tamertito88** · 20-10-2015 09:54 PM

طيب يا شباب لو حبيت اسقط ماكينة 1600 عادة مش كهرباء ؟؟ هضطر اغير حاجة ؟

الموضوع: موتور نوبيرا 2

LinkBack

أدوات الموضوع

عرض

-

-

-

-

-

المواضيع المتشابهه

صوت موتور نوبيرا 2 عالى

موتور نوبيرا ٢ إستيراد

صوت موتور نوبيرا 2 عالى فى السلانسيه

موتور نوبيرا

موتور نوبيرا عامل كام استيراد

الكلمات الدلالية لهذا الموضوع

المفضلات

المفضلات

ضوابط المشاركة