عرض للطباعة
يا جماعه في موضوع شاغلني الموتور عندي خفيف و بيجيب زيت وديت العربيه ل 2 ميكانيكيه قالو عايزة عمرة
و في واحد صاحبي صاحب محل قطع غيار استيراد قالي هديلك الموتور و تجربه اسبوع و بعدين تدفع تمنه لو عجبك ايه رايكو اغير الموتور و لا اعمل عمرة علما ان تغيير الموتور هيوفر حوالي 1000 ج السيارة نوعها فورد فيستا
تغيره طبعا
اياك تعمل عمرة ..........
العمرة دى اقفا جامد اوى
صدقنى عن تجربة
لا تتخيل ان الموتور بعد العمرة يعتبر موتور جديد. يبقى ليه تدفع 1000 حنيه زيادة.. و وقت و رايح جاي و جرب طيب جرب تاني و ......... اشتري دماغك خصوصا انك في المضمون لو غيرت.
بالتوفيق
غير موتور وهيبقى أوفرلك وأحسنلك
هو طلما العربيه فورد يبقي موتور استيراد بس خد بالك ان الموتور الاسيتراد زاى البطيخه
مش كل الانواع يتعمل لها عمرة
عربيتك الافضل انك تغير الموتور لان اعتقد ان قطع غيارها مش متوفرة
لكن رايى بصفة عامة ان العمرة افضل لو عند واحد مضمون وبرضو مش اى عربية
اولا اتمني اشوفك في قسم فورد
انت معاك فيستا 1100 ولا 1300
انا عموما هاتكلم من وجهة نظري عن الـ 1300
و اتمني تدلني على صاحبك بتاع قطع الغيار ده و خصوصا انه مديلك اختيار ممتاز انك تدفع بعد ما تجربة
موضوع العمرة في الفورد مش موضوع سهل الكلام ده علشان اي قطعة في الداخلي بتاع الموتور بيكون متوسط العمر الافتراضي الي المفروض تعيشة يكون عشر سنين فما فوق حسب الاستخدام
نحسبها العمرة هاتكلف طقم شنبر الاصلي علشان الي موجود نفس المقاس في السوق اكيد هايسيح مع الحرارة بتاعت الموتور ده و تمن الاصلي 1200 جند من عند سامي بيه فخرى
الميكانيكي بتاعي كان قالي انه فيه طقم انتاج اتحاد اوروبي بـ 450 بس معرفش هايجيبة منين علشان كل ما اسال عليه محدش يعرفة و طبعا ممكن تكون اشتغالة من الميكانيكي عادي
طيب خلصنا من طقم الشنبر نيجي لطقم الجوانات و الاويلسيهات اتحاد اوروبي او ايطالي بحوالي 500 جند طبعا الاصلي اغلي بكتير اشطة لحد هنا
نيجي بقي للزغلول الكبير لو بعد ما فتحت لقيت خير اللهم اجعلة خير محتاج بساتم جديدة الامور الواحد منهم الاصلي بـ 750 جند من فورد الام يعني هايجيلك بالطلب يعني الاربع كتاكيت بـ 3 بواكي
و طبعا انا بعد السكتات القلبية الي كانت بتجيلي مع سعر كل حاجة محاولتش اسال الكرنك بكام بس اتوقع كدة انه في حدود الـ 1500
يبقي علشان تعمل عمرة صح و مفيهاش افتي و تعيش معاك كويس انت محتاج 3000+500+1200+1500=6200 و مصنعية الباشا الي لازم يكون متخصص فورد
في حدود 500 جند و مصنعية الباشا الخراط في حدود 400 جنيه يبقي اربنا على ال 7000 جنيه
طبعا ديه حساباتي المتواضعة و مدخلتش فيها تمن طرمبة زيت او طرمبة مياه او عامود تكيهات مثلا بـ 250 استيراد و محسبتش طقم جلد الصباب بكام و فيه ناس بتقول انها بتكلف العمرة للعربية ديه حوالي 3000 بس معرفش ازاي
بس الموتور الجديد بيتركب بحوالي 250 جنية و تمنة 3000 يعني انت ممكن تاخدة من صاحبك تركبة و تطلع على اقرب بنزينة تقيس الكبس بتاعة لو عالي يبقي خير و بركة و لو مش كويس و الفروق كبيرة بين كل سلندر و التاني يبقي ترجع تغيرة
و يا ريت لو تعرف اسعار غير الي انا قلت عليها ديه تبقي تقولهالي
و كان رؤوف سامي فخرى قالي على فكرة كويسة اني اجيب نص موتور بس و اخرط الكرنك و النص ده قالي انه من بورسعيد بحوالي 1500
الاسعار اللي بتقول عليها دة مبالغ فيها اوي و لما تيجي تشتري تسال انا اول لما جبت العربيه كنت بوقف الناس اللي معاهم فورد و اسالهم والله كنت بعمل كدة المهم انا الميكانيكي بتاعي (هو كان بيشتغل في التوكيل اسمه حمدي) بيقول العمرة هتعمل 2200 و هترجع زيرو و نظام الفلوس دة في كل حته بتدفع النص و بعدين تجرب و تدفع الباقي بعديها
و فكرة بورسعيد هي اللي انا عايز اعملها